Lewiƒuɔ Ɔda Bubo 24:2 - Katɔti Ɔku Kedee

² “Su Israelƒuɔ na beboku nnɔ bɔni na bédie básiku nnɔ egyii kemmo na buse kede kede ute asogya ɔmmɔ kalɛ na utaada uwi biala.

Lewiƒuɔ Ɔda Bubo 24:2 ပူးပေါင်းရင်းမြစ်များ

Ala Alɛdi 2 13:11

Na limeyi biala ni, kunyɔ na baakyula akpala ku oloƒui teete Unwoti. Na ala kasiakɔ kani na bábla-ka na kese kedee lɛlɔ na beeti bodobodo ɔni nse kedee mmɔ taasia na batu asogya ɔni nsia sika ugyiedi ligyii lɛlɔ mmɔ bese limeyi biala useyi uwi si ɔƒɛ ɔ́nu. Na bɔsiaku Unwoti bula Katɔti ɔda bubo, nsu amii bíni-nwu!

Kɔgya 119:105

Ƒula litemi lɛdi asogya ute mina lɛgba. Na uukeye teewi mina kasiakɔ.

Kɔgya 119:130

Ala ani kalɔ na ƒula etemila eedie adi bukeye, na ɔɔyá na bekyuli bani naaagyi lɛla lɛdi baadá anu.

Israelƒuɔ Bɔlɛ 39:37

Ɔ́nu sika ugyiedi asogya kasiakɔ ligyii ku lɛsogya lɛmmɔ otogyi ƒui ku nina lɛlɔ ala ku lɛsogya nnɔmii bɔmmɔ.

Israelƒuɔ Bɔlɛ 40:24

Na úti lɛsogya kasiakɔ ugyii ɔmmɔ lɛnɔ ɔ́lɛ ɔtɔ ɔmmɔ kemmo na kada kakɛ kesii kani na ala kasiakɔ kammɔ kalɛ.

Agba 6:23

Ɔsika ɔda bubo bɔmɛni bɔdi asogya, na ala bɔtina bɔmɛni bɔdi-ɔ bukeye. Na kalɛ na etemila amɛni aaklibi-ɔ na ati lɛlɔ bɔda ni, adi ulu ɔni lɛlɔ na adubɔsia na akɛ ngba.

Yesaia 11:2

Na Katɔti Kɔyu kɔdubɔƒɔ-nwu lɛlɔ kemmo ƒui, kɔyu kɔni ndanku lɛnunda ku ala kalɔ bunu kakwɛ ku ɔyikun ku lɛlati ku Katɔti bɔyia.

Yesaia 8:20

Bɛnu bɛti ka si bana ala aaakɛnku mina litemi lɛni ndanku ɔda bubo ku bunyimi bɔmɛni ni, na bukeye bɔdi buuubo-ma kemmo.

Lewiƒuɔ Ɔda Bubo 24:1

Amu na Unwoti ɔsu Mose ɔnini,

Lewiƒuɔ Ɔda Bubo 24:3

Asogya ɔni nlɛ Unwoti anumi na kesii kani na kakpakɔ bule kɔdi kɔmmɔ kɔƒa Bunyimi Adaka kama mmɔ ni, Aaron utaatu asogya ɔmmɔ na utaasia-nwu anu ɔsi useyi uwi útédu ɔtanta. Na ɔda bubo bɔmɛni buse bute bina bawɔ.

Mateo 5:16

Lɛni kani na ɔdi ka bina ablala ekeye aani asogya ute bekyuli. Na banu bina ala abuni ani bɛɛbla bati kalɛ na bemwi bina Katɔti.

Luka 1:79

Na ɔya na bukeye bɔmɛni bɔsi katɔ buwi bekyuli bani nli kasuudikɔ na kukpi liƒu lɛɛda-ma kalɛ na ɔkpanku-bu ɔvinku keyi buɛɛ ulu lɛlɔ.”

Luka 12:35

“Bɛklibi lɛlɔ bise bite lɛla biala mebo, na bɛtu akpagya. Na bina likpo liteni.

Yohane 1:4

Na Litemi lɛmmɔ kemmo na ngba geen bɔɔsí. Na ngba bɔmɛni muute bekyuli Katɔti bukeye geen.

Yohane 1:9

Na uwi ɔmmɔ kemmo ni, bukeye geen bɔni muuti bukeye teete ukyuli biala bɔ́si bɔdubo kayawi.

Yohane 5:35

Yohane úkeye aani ogya ɔni mɔɔda. Na nwuna bukeye bɔmmɔ bɔ́da-mii ebiti uwi klukui ɔdi kemmo.

Yohane 8:12

Ɔmmɔ kama ni, Yesu ɔ́sɔ ɔ́tɛmiku bekyuli bammɔ na ɔ́su-ma ɔnini, “Ami ndi kayawi kamɛni bukeye. Na ukyuli ɔni nsiaku-mi kama ni, ɔdubɔkɛ bukeye bɔni muute ukyuli ngba geen, na ulese ulávi lɛdisa kemmo kudii.”

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.