Na bɛwia banana inyɔ bani mbo likyulikpi na bada-nwu kenye ka ɔ́kya uuwida Katɔti ku Israelƒuɔ ɔga. Na ɔmmɔ kama na bɛkpanku-nwu bɛlɛku ɔma ɔmmɔ kemmo na bibo-nwu atabi bɛdu.”
“ ‘Si ɔnana iye uleku ɔdi ɔkya-mii akɔ na uubó like iye uuye bekpine ala teenu ni, ɔlɛka bibo-nwu atabi bɛdu. Na bana ubugya ɔdubɔsia ama alati lili.’ ”
Na asa na bɛdububo ukyuli ɔmmɔ atabi ni, bɛya na bekyuli bani nnye litemi lɛmmɔ kama baka-nwu atabi bubo asa na bekyuli bakladi beteebo-nwu atabi. Ɔmɛni ndi kalɛ na bɛda likpidi lɛmɛni udu bidie bina akɔ.
Na si bawɔne bammɔ básu ɔmɛni báwɔlɔ ni, ɔma ɔmmɔ bekyuli bebo-nwu atabi bádu. Na ulu ɔmɛni lɛlɔ na bɛdubɔda bekyuli bekpidi bidie bina akɔ. Na ɔmɛni ɔdubɔya na Israelƒuɔ kadi ƒui benu lɛla lɛmɛni, na ukyuli biala ɔdubɔyia na ɔti lɛlɔ bɔda.
na bakpanku ulekubi ɔmmɔ besienku ɔti kaduli na ɔma ɔmmɔ bananabi bebo-nwu atabi badu na ɔti kaduli kayakun kenye. Ɔsika ulekubi ɔmmɔ ɔ́di kɔsɔnɔ uwi ɔni na úlie ɔti kesii na útelie tɔ kɔgya. Na ɔmɛni ɔdi kɔƒa litemi. Na ulu ɔmɛni lɛlɔ na bɛdubɔsia na bɛda likpidi lɛmmɔ udu bidie bina akɔ.
Na Yosua ɔ́su-nwu ɔnini, “Bi ɔsu na áya na lɛbibo lɛmɛni líbo-bu lɛlɔ. Unwoti ɔdubɔya na awɔ lɛnɔ ebo abi ɔmwi!” Amu na Israelƒuɔ bammɔ bébo Akan atabi badu. Na bébo nwuna bebi ku bebuo bammɔ lɛnɔ atabi badu. Na bákya bana ƒui ku ala ammɔ ogya.