Lewiƒuɔ Ɔda Bubo 23:40 - Katɔti Ɔku Kedee

⁴⁰ Na limeyi lideedi lɛlɔ ni, na bɛƒɛ like ku kugyii kɔgba kɔni mbo evete na bɛdi limeyi lɛmmɔ ku lɛlɔyɔ na Unwoti Katɔti anumi emeyi maatɛ.

Lewiƒuɔ Ɔda Bubo 23:40 ပူးပေါင်းရင်းမြစ်များ

Kɔgya 137:2

Na egyii ammɔ akɔ na búti bula lɛbentaa bɔ́ƒala.

Kɔgya 92:12

Bekyuli bani nse siin beebimi aani kubo na baalɛ́ lili aani Lebanon kalɔ egyii enengudi.

Yesaia 35:10

Na bani na Unwoti ɔ́ƒɔ mmɔ kani ndubɔsia mmɔ na beteedie lɛnu na betéduo Yerusalem. Na lɛlɔyɔ ebiti ndubɔbla bana kagabwa kani na badububi lili. Na badubɔdi limeyi na bakɛ lɛlɔyɔ, ɔsika ala ani muukpóku-ma ku ɔlɛ bunu biala kenye kadubukulo.

Yesaia 44:4

Na badubɔlɛ lili aani livo ku ketudɔ egyii ani mɔɔlɛ́ lili gyɛnglɛɛ.

Yesaia 66:10

Bɛkɛ lɛlɔyɔ ku Yerusalem na ebiti ada amii bani mɔɔyɔ́-nwu. Bibo lɛlɔyɔ kudu momoomo amii bani néwulo-nwu kɔnyana.

Lewiƒuɔ Ɔda Bubo 23:39

“ ‘Anwuɔsu ɔsi limeyi leevu-lɛlɔndi na kɔbuli maatɛdi lɛlɔ uwi ɔni bɛ́ƒɛ bina edula bɛ́wɔlɔ ni, na bɛdi limeyi lɛmmɔ emeyi maatɛ bite Unwoti. Na biti limeyi lideedi ku limeyi maanedi bɛbla lɛnwuna emeyi.

Lewiƒuɔ Ɔda Bubo 23:41

Na bitaadi Edula Bɔƒɛ Limeyi lɛmɛni lɛkwa biala na biteeti emeyi maatɛ taadi-ni. Na bitaadi-ni kɔbuli maatɛdi lɛlɔ. Na ɔda bubo bɔmɛni buse bute amii ku bina bawɔ.

Mateo 21:8

Na bekyuli bammɔ beete yiidu na béti bana adi béwi ulu lɛlɔ. Na badi lɛnɔ békulo kuke béwi ulu ɔmmɔ lɛlɔ.

Yohane 12:13

Anwuɔsu béti kuke na bálɛ bésie bátásiaku-nwu. Na baava taasu banini, “Hosiana! Bimwi anwu ɔni ndubo na Blɔti lɛnyi kemmo! Bimwi Israelƒuɔ Ɔga!”

Yohane 16:22

Lɛni geen na use ute amii lɛnɔ. Ɔƒaani ni, bina lɛlɔ libo kɔnyana. Nsu ndubɔsɔ mbanu-mii. Na mmɔ ni, lɛlɔyɔ lɛdubɔƒɔ-mii kayi kemmo ƒui. Lɛlɔyɔ lɛmɛni udu na ukyuli ɔdi biala ulakana bɔƒɔ bɔsiku-mii kudɔ kudii!

Romaƒuɔ 5:11

Na ɔɔɔdi ɔmɛni lɛti, mmomu lɛlɔ lɛɛyɔ́-bu geen na Katɔti lɛlɔ ɔkɛnku Blɔti Yesu Kristo ɔni lɛlɔ na Katɔti ɔ́sia na ɔ́sɔku abu ku-nwu ntɛ ɔ́klibi ɔsu.

Lɛkpa Ulu 12:12

Na amii ku bina bebi ku bina kabla bablane banana ku beleku ku Lewiƒuɔ bɛdi limeyi na mmɔ na lɛlɔ litaayɔ-mii na Katɔti anumi. Na binyimo ka Lewiƒuɔ bammɔ beeebo kadikɔ kadi na mmɔ.

Lɛkpa Ulu 12:7

Na bina Unwoti Katɔti ɔni néte amii ku bina bebi kusɛ kusɛ ɔsu na bɛ́kɛ ala ani na bíti bina enu bɛ́bla mɛni ni, bitaadi ala ammɔ na nwuna anumi mmɔ ku kubiti ku lɛlɔyɔ.

Ƒilipiƒuɔ 3:3

Abu ndi bekyuli bani mmomu nékulo ago, ɔsika buumwi Katɔti ɔkɛnku nwuna Kɔyu lɛlɔ na bɔɔkɛ́ ebiti ka abu ku Kristo Yesu bɔ́bla unwi ɔsu. Na búteti lɛlɔ bútasia ɔlɔna lɛlɔ ɔdi ala bɔbla lɛlɔ.

Ƒilipiƒuɔ 4:4

Na mɔɔsu-mii nnii bɛya na lɛlɔ litaayɔ-mii na Blɔti kemmo. Na nsɔ mɔɔsia kama nnii bɛya na lɛlɔ litaayɔ-mii.

Petro 1 1:8

Bítanu-nwu kudii, nsu bɛɛyɔ́-nwu. Na bilánu-nwu ɔƒɛni lɛnɔ, nsu bɛɛƒɔ́-nwu taadi. Anwuɔsu bɛya na lɛlɔyɔ lɛni náƒɔ kuye geen na ukyuli ɔdi biala ulakana-ni kalɔ budie lɛnɔ ni, lɛkya-mii kemmo.

Budie Taatina 7:9

Na ɔmɛni kama ni, lɛ́nu ka bekyuli pii badi benye mmɔ bani na ukyuli ɔdi ulakana bɔka! Bekyuli bamɛni bási kalɔ biala kemmo ku kadi biala akɔ ku bekyuli lidu lidu ƒui akɔ ku adi lidu biala kemmo ka bénye lɛgaboku lɛmmɔ ku Koƒonu Ubi ɔmmɔ anumi, na bákya lɛwu lɛƒualadi na bada like.