Lewiƒuɔ Ɔda Bubo 23:34 - Katɔti Ɔku Kedee

³⁴ “Kɔ lɛsa na asu Israelƒuɔ anini, ‘Na kɔbuli maatɛdi limeyi leevu-lɛlɔndi lɛlɔ ni, Kevo Kemmo Bulie Emeyi bɔdi buusé kalɔ, na ɔdi emeyi maatɛ limeyi bɔdi.

Lewiƒuɔ Ɔda Bubo 23:34 ပူးပေါင်းရင်းမြစ်များ

Baga 1 12:32

Na Yerobeam údie kɔbuli maanedi limeyi leevu-ɛlɔ úse úte baƒiɔ bammɔ limeyi bɔdi. Aani limeyi lɛni udu na baadi na Yuda. Na ɔ́bla akpala na lɛkpabi lɛmmɔ lɛlɔ. Lɛni na ɔ́bla na Betel mmɔ na ɔ́kyula akpala úte baƒiɔ bani na ɔ́vɔ mmɔ.

Baga 1 8:2

Amu na bana ƒui bátása lisu na Salomo kudɔ na bana limeyi bɔdi uwi na kɔbuli maatɛdi kɔni baalɔ Etanim kemmo.

Baga 1 8:65

Na kakpakɔ mmɔ ni, Salomo ku Israelƒuɔ ƒui bádi edula edeedi bɔƒɛ limeyi, na bádi-ni emeyi leevu-ene. Na bekyuli pii bási ɔgyu bébo. Na badi lɛnɔ bási Hamat úbedu Egyipte Kɔwɛ kemmo.

Esra 3:4

Na kalɛ na bénweni bákya ɔda bubo ɔku kemmo ni, bádi Kevo Kemmo Bulie Emeyi, na bábla bɔkyula akpala bumomo bɔni na bénweni bése béte limeyi biala.

Nehemia 8:14

Na mmɔ na bánu báti ka ɔda bubo etemila ani Unwoti úti ɔ́siaku Mose lɛlɔ ni, úbo Israel ƒui ɔda ka si baadi limeyi na kɔbuli maatɛdi kemmo ni, na bataatu nvuo betélie-nya kemmo.

Israelƒuɔ Bɔlɛ 23:16

“Bɛdi Edula Bɔƒɛ Limeyi ku edula edeedi ani na bɛ́ƒɛ bɛ́siku bina mmo bɔni na bɛ́tuma. “Na si uwi ɔni na bɛɛsála-nya teewi unwu ku kesekɔ bamba lidu ƒui kemmo ni, na bɛdi Edula Bɔsala Limeyi.

Israelƒuɔ Bɔlɛ 34:22

“Na taadi Edula Ebi Edeedi Bɔƒɛ Limeyi ku Kevo Kemmo Bɔkya Emeyi lɛkwa biala.

Esekiel 45:25

“Nvo kemmo bɔkya emeyi bɔdi bɔdubuse kalɔ na kɔbuli maatɛdi kɔni baalɔ na Hebri kemmo banii Tisri iye Etanim limeyi leevu-lɛlɔndi lɛlɔ. Na badubɔdi limeyi lɛmmɔ lɛni laa emeyi maatɛ. Na bebuo bani kani na úboku ku atabi ku ɔlaaƒɔ ku nnɔ bumomo bɔmmɔ kani na ɔdi ka uboku na beti babla akpala ammɔ.”

Lewiƒuɔ Ɔda Bubo 23:33

Amu na Unwoti ɔ́su Mose ɔnini,

Lewiƒuɔ Ɔda Bubo 23:42

Na uwi ɔmmɔ kemmo Israelni biala ɔlɛka ulie kevo kemmo.

Lewiƒuɔ Ɔda Bubo 23:43

Babla lɛni kalɛ na bina bawɔ banu bati ka uwi ɔni na Israelƒuɔ bákya Egyipte kalɔ lɛlɔ ni, ami Unwoti lɛ́ya na bílie nvo kemmo. Ami Ndi Bina Unwoti Katɔti.’ ”

Bumomo Bɔka 29:12

“ ‘Na limeyi leevu-lɛlɔndi na kɔbuli maatɛdi kemmo ni, bɛsa bɔsa kedee na mina lɛnyi lɛlɔ na ɔdi utabla limeyi ndi limeyi kabla kadi. Na bɛdi limeyi bonwu bite Unwoti emeyi maatɛ.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Yohane 7:2

Na uwi ɔmmɔ kemmo ni, Yudaƒuɔ ketele kemmo Kevo Kemmo Bulie Emeyi bɔdi uwi úudu.

Lɛkpa Ulu 16:16

Na lɛkwa biala kemmo ni, Israelƒuɔ ƒui banana ɔlɛka bebo Unwoti anumi kɔtɛ babakpa-nwu na kesii kani na ɔ́su úse ka bitaakpa-nwu mmɔ. Na emeyi ani badubɔdi mmɔ ndi Bodobodo Ɔni Néteƒu Limeyi ku Edula Bɔƒɛ Limeyi ku Kevo Kemmo Bulie Emeyi. Na ukyuli ɔdi utebo Katɔti anumi mmɔ ku enukplu.

Lɛkpa Ulu 31:10

Na úbo-ma ɔda ɔnini, “Na lɛkwa maatɛdi biala kawɔlɔkɔ kani ndi ukyulikpana kayu butitaakyiɛ lɛkwa na Kevo Kemmo Bulie Emeyi bɔdi kemmo ni,

Hebriƒuɔ 11:13

Bekyuli bamɛni ƒui ni, bélie ngba ku bɔƒɔtaadi útédu uwi ɔni na békpi. Ala ani kenye na Katɔti ɔ́su-ma úse ni, étetuku-ma kɔnu. Nsu ni, bánu-nya ɔ́gyu kakaaka na bégyingya enu bése ka baƒɔ linyese lɛmmɔ. Na básu nwaa ka badi baƒɔ na kalɔ kamɛni lɛlɔ.

Hebriƒuɔ 11:9

Ɔkɛnku bɔƒɔtaadi lɛlɔ na úlie kalɔ kani na Katɔti ɔ́su ka ɔdubute-nwu mmɔ kemmo. Na ɔ́kya mmɔ aani ɔƒɔ na kalɔ kammɔ lɛlɔ. Kevo lɛtɔ kemmo kani na ɔ́kya. Na lɛni kani na Isak ku Yakob lɛnɔ bebelie. Ama lɛnɔ badi Katɔti ala badine aani anwu Abraham kalɛ úte ala ani na Katɔti ɔ́su úse.