Lewiƒuɔ Ɔda Bubo 23:3 - Katɔti Ɔku Kedee

³ “ ‘Emeyi aku na bɛdubuti bɛbla bina kabla, nsu limeyi maatɛdi ni, lɛdi bɔsa kedee limeyi lite-mii. Na ɔdi utalɛka ɔbla kabla kadi na kesi kesii na bilie, ɔsika ɔdi Lɛnwunameyi ute Unwoti.

Lewiƒuɔ Ɔda Bubo 23:3 ပူးပေါင်းရင်းမြစ်များ

Israelƒuɔ Bɔlɛ 16:23

Amu na ɔ́su-ma ɔnini, “Lɛni na Unwoti úbo ɔda ɔnini, ‘Kɔnaadi ɔdi Lɛnwunameyi kedee ute ami Unwoti. Anwuɔsu biƒi lɛla biala na bɛɛyɔ́ ka biƒi, na biƒulo lɛla biala na bɛɛyɔ́ ka biƒulo. Na bɛklibi lɛla biala nébu bise bite kadi kegye.’ ”

Israelƒuɔ Bɔlɛ 16:29

Binyimo ka ami Unwoti nédie Lɛnwunameyi lɛmɛni líte-mii. Ɔmɛni ɔsu limeyi lɛkundi biala lɛlɔ ndubute-mii adila ani ndubudu-mii emeyi anyɔ. Na ukyuli biala utalɛ nwuna kaduli utesie kesi kesii limeyi maatɛdi lɛmmɔ lɛlɔ.”

Israelƒuɔ Bɔlɛ 16:30

Ɔmɛni ɔsu bekyuli bammɔ bánwuna limeyi maatɛdi lɛmmɔ lɛlɔ.

Israelƒuɔ Bɔlɛ 23:12

“Biti emeyi aku bɛbla bina kabla na bɛnwuna limeyi maatɛdi lɛlɔ. Kalɛ na bina baƒɔ ku bekyuli bani mɔɔbla kabla teete-mii ku bina bebuo muedi lɛnɔ bakɛ bɔnwuna.

Israelƒuɔ Bɔlɛ 34:21

“Emeyi aku na ebo kuƒi ka abla kabla biala. Nsu ɔtuma uwi na ɔdi o-o, edula ɔƒɛwi o-o ni, tabla kabla kadi na limeyi maatɛdi lɛlɔ.

Yesaia 56:2

Ukyuli biala na ɔɔbu lɛnwunameyi lɛmmɔ na uláwia ka ɔbla likpidi ni, ndubute-nwu kusɛ kusɛ.

Yesaia 56:6

Kadi bamba bekyuli badubɔsiaku-mi kama na bayɔ-mi na bakpa na mina lɛnyi lɛlɔ. Badubɔbu mina lɛnwunameyi na badi mina bunyimi lɛlɔ.

Yesaia 58:13

“Nsu ɔlɛka bɛka mina Lɛnwunameyi bɔbu aani lɛlɔyɔ lɛkpa limeyi na bɛda enyekpi bɔtɛmi kalɛ kalɛ bɛya ku ala basa basa bɔbla bɛya na limeyi linengudi lɛmɛni lɛlɔ.

Lewiƒuɔ Ɔda Bubo 19:3

“ ‘Ɔdi biala uti ɔbu ute ɔti ku uni. Na bɛdi mina Lɛnwunameyi lɛlɔ kaduɛ. Ami ndi Unwoti bina Katɔti.

Luka 13:14

Yudaƒuɔ kasalakɔ kammɔ lɛlɔ ɔnune úti kɔnyi geen sɔsɔ na ɔni na Yesu ɔ́bwi ɔlɛne na lɛnwunameyi lɛlɔ ɔsu. Anwuɔsu ɔ́su bekyuli bammɔ ƒui ɔnini, “Bubo emeyi aku ani buti bɔbla bula kabla. Anwuɔsu bibo na emeyi amɛni kemmo si lɛla lɛdi lɛda bina akɔ ɔdi na babwi-nwu, na ɔɔɔdi lɛnwunameyi lɛlɔ!”

Luka 23:56

Na básɔ bénwini bésie kaduli na bátákɔ ala ƒɛƒɛɛ ani na beeti taawɛɛ ukpine lɛlɔ bése. Amu na lɛnwunameyi lɛlɔ ni, bánwuna aani kalɛ na ɔda bubo bɔmmɔ bɔɔtina.

Batalane Kabla 15:21

Ɔsika ɔ́si kuuku ni, ala ani na Mose únweni úse mɛni ni, anya na baaká na baasu na Yudaƒuɔ kasalakɔ na lɛnwunameyi biala na lɛma biala kemmo.”

Budie Taatina 1:10

Na limeyi lɛni lɛlɔ na baƒɔtaadine baasa teemwi Blɔti ni, Katɔti Kɔyu kɔ́ƒɔ-mi lɛlɔ kemmo ƒui na línu ka lɛdi lɛdi lɛ́ku momoomo aani kakpɛɛ na lɛɛtɛmi na mina kama.