Lewiƒuɔ Ɔda Bubo 23:24 - Katɔti Ɔku Kedee

²⁴ “Kɔ lɛsa na asu Israelƒuɔ anini, ‘Na limeyi lideedi na kɔbuli maatɛdi kemmo ni, biti limeyi lɛmmɔ bɛbla bina bɔnwuna limeyi na bɛsa bɔsa kedee na mina lɛnyi lɛlɔ si uwi ɔni na bínu ka kɔkpɛɛ kɔɔku.

Lewiƒuɔ Ɔda Bubo 23:24 ပူးပေါင်းရင်းမြစ်များ

Ala Alɛdi 1 15:28

Na uwi ɔni na beti Bunyimi Adaka ɔmmɔ na beeduo Yerusalem ni, ukyuli biala ɔɔva ku lɛdi momoomo na baagyá agyala ku bebuo ese ku kɔkpɛɛ ku enukpɛ agyala ku lɛbentaa ku kɔbuli agyala bamba lidu lɛnɔ.

Esra 3:6

Na limeyi lideedi na kɔbuli maatɛdi kɔmmɔ kemmo ni, bése kalɔ baabla bɔkyula akpala teete Unwoti. Ina ka béteseku kalɔ ku Unwoti kakpakɔ bɔtu tɔ.

Kɔgya 89:15

Lɛlɔ lɛdubɔyɔ bekyuli bani nánu-ɔ báti lɛni na beedie lɛnu teemwi-ɔ O Unwoti, ɔsika kalɛ na eekeye na bula akɔ mɔɔyá baanu teesie.

Kɔgya 98:6

Bɛvwi kɔkpɛɛ ku ese momoomo ku lɛlɔyɔ na Unwoti ɔni ndi bula ɔga anumi.

Yesaia 27:13

Na badubɔvwi lise bete bani na báyii bakya Asiria kalɔ lɛlɔ ku bani na bábɔku bálɛku Egyipte kalɔ lɛlɔ na limeyi lɛmmɔ lɛlɔ na bebo bebemwi Unwoti na kɔbi kedee kɔmmɔ lɛlɔ na Yerusalem.

Lewiƒuɔ Ɔda Bubo 23:23

Amu na Unwoti ɔ́su Mose ɔnini,

Lewiƒuɔ Ɔda Bubo 25:9

Na aya na bavwi kakpɛɛ kammɔ bavi kesi kesii na kɔbuli maatɛdi limeyi leevudi lɛlɔ. Na limeyi lɛni ndi Likpidi Kɔtu Bɔni Budie Limeyi bɔdi mmɔ lɛlɔ ni, anwu ndi kakpɛɛ kammɔ bɔku limeyi.

Korintoƒuɔ 1 15:52

Na ɔdubɔbla aani kalɛ na beebó anumi. Ɔsika si kakpɛɛ kammɔ káku ni, Katɔti ɔdubɔgyila bekpine ɔni na basɔ belekpi kudii. Na ɔdubo bula ƒui udu bɔvumana.

Tesalonikaƒuɔ 1 4:16

Uwi ɔmmɔ kemmo ni, bɔdubunu Blɔti bubo kɔku ku kudu kubendi. Bɔdubunu Katɔti ɔtu unengudi lɛdi. Na Katɔti kakpɛɛ kadubɔku. Na Blɔti ɔlati ɔdubɔda ɔlɛ kayaa. Na bekyuli bani náƒɔ Kristo bádi asa na békpi ni, badubɔka bɔta buli ngba.