Lewiƒuɔ Ɔda Bubo 23:17 - Katɔti Ɔku Kedee

¹⁷ Na kesi kesii na bilie ni, kaduli biala basiku bodobodo inyɔ inyɔ ɔni na béƒi ku ɔlaaƒɔ ɔni muukeye na bɔnyii bɔkya-nwu kemmo biboku bibakɔliku katɔ bɛtina Unwoti bibo kudu aani edula ebi edeedi akpala.

Lewiƒuɔ Ɔda Bubo 23:17 ပူးပေါင်းရင်းမြစ်များ

Nehemia 10:37

Na bɔdubuti bula ɔlaaƒɔ ɔni bɔ́kɛ bɔ́siku bula edula ebi ku adingyii ebi ku nnɔmii ku ntɛ bɔwɔdi busienku kakpakɔ ɔkpane ɔni nkya mmɔ lɛkwa biala na beti babla akpala. Na bɔdubuti bula ala lɛkpa leevudi busienku Lewini ɔni mɔɔví bula akpaklɔ taaƒɔ lɛkpa leevudi lɛmmɔ na likpo biala lɛni na bɔɔbla kabla.

Israelƒuɔ Bɔlɛ 22:29

“Na biteni-mi bina edula ku ntɛ akpala buboku. “Na biti bina bebi bananabi bedeedi bani bɛ́wɔ bite-mi.

Israelƒuɔ Bɔlɛ 23:16

“Bɛdi Edula Bɔƒɛ Limeyi ku edula edeedi ani na bɛ́ƒɛ bɛ́siku bina mmo bɔni na bɛ́tuma. “Na si uwi ɔni na bɛɛsála-nya teewi unwu ku kesekɔ bamba lidu ƒui kemmo ni, na bɛdi Edula Bɔsala Limeyi.

Israelƒuɔ Bɔlɛ 23:19

“Biti edula edeedi abuni ƒui ani bɛ́kɛ na kalɔ kammɔ kemmo biboku ami, bina Unwoti Katɔti kakpakɔ. “Biteƒulo ese ubi ɔdi lɛna na uni anyi ntu kemmo.

Israelƒuɔ Bɔlɛ 34:22

“Na taadi Edula Ebi Edeedi Bɔƒɛ Limeyi ku Kevo Kemmo Bɔkya Emeyi lɛkwa biala.

Israelƒuɔ Bɔlɛ 34:26

“Na eti edula abuni ani na ákɛ ásiku ƒula kalɔ kemmo eboku ami Unwoti Katɔti kaduli. “Na tadu koƒonu iye ese ɔni mɔɔnyimi takun.”

Lewiƒuɔ Ɔda Bubo 2:12

Bakana beti ala ammɔ basala ku kemo edula awɔdi ani báka bɔƒɛ beboku-mi aani etela, nsu balakyula-nya aani ogya akpala bɔkyula ƒui na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 23:10

“Kɔ lɛsa na asu Israelƒuɔ anini, ‘Si bísie bítéduo kalɔ kani na líti muute-mii kemmo na bɛ́ƒɛ bina edula edeedi ni, na biti-nya bisienku ɔkpane.

Lewiƒuɔ Ɔda Bubo 23:18

Na biti baƒonu bebi maatɛ bani na ɔdi biala ɔ́ƒɔ lɛkwa linwi na bɔsɔ bɔdi buuubo-ma lɛlɔ ku ɔmantɛ akɔ unwi ku baƒonu bagyani inyɔ bibunku bodobodo ɔmmɔ. Ala amɛni na bɛdubuti bɛkyula ƒui úbunku edula ebi ku nwuna lɛlɔ ntɛ aani akpala bɔkyula na ana uyɔ ɔnyi ƒɛƒɛɛ ɔyɔ Unwoti kaƒɔ.

Lewiƒuɔ Ɔda Bubo 7:13

Na si úti unwi bɔbla akpala ammɔ aani enugya ni, na ɔ́lɛka uti bodobodo ɔni kemmo na bɔnyii bɔkya ubunku edula ebi akpala ani bánwu na bɔnyii buuubo-nwu kemmo mmɔ.

Bumomo Bɔka 15:17

Amu na Unwoti ɔ́su Mose ɔnini,

Bumomo Bɔka 18:12

“Na edula edeedi abuni ani na Israelƒuɔ badubɔkɛ aani nnɔ ku ntɛ bɔwɔdi ku edula ebi ani na badubuti beboku Unwoti ni, lɛ́sɔku-nya muute-mii.

Bumomo Bɔka 18:13

Na kalɔ kammɔ ƒui edula edeedi ani béti béboku Unwoti adubɔbla bina ɔdi. Na ukyuli biala nlie-ɔ kaduli na use sɛɛn ɔkana ɔdi adila ammɔ adi.

Bumomo Bɔka 28:26

“ ‘Na limeyi lɛni bɛdubuti bina edula edeedi ani bɛ́ƒɛ busienku Unwoti na Edula Bɔƒɛ Limeyi Bɔdi lɛlɔ ni, bɛsa bɔsa kedee na mina lɛnyi lɛlɔ na ɔdi utabla limeyi ndi limeyi kabla kadi.

Mateo 13:33

Yesu ɔ́sɔ úbo-ma lɛgba lɛbambadi ɔnini, “Katɔti lɛga bɔdi litemi bugyingya buse aani ɔmɛni. Uleku ɔdi úti bɔnyii ɔ́salaku ɔlaaƒɔ koƒo kunwi na ɔ́nwu ɔ́sala útédu uwi ɔni na bɔnyii bɔmmɔ bɔ́ƒɔ ɔlaaƒɔ ɔmmɔ ƒui na úƒu.”

Romaƒuɔ 8:23

Na ɔɔɔdi ala ammɔ lɛti, mmomu ku abu bani na Katɔti ɔ́ka nwuna Kɔyu buti bute lɛnɔ buudumo na bula lɛlɔ kemmo, na bɔsia anu kpakplaa ka Katɔti ɔdubɔƒɔ-bu ekpidi lili kayu na bɔnwuna aani nwuna bebi.

Korintoƒuɔ 1 15:20

Nsu litemi geen lɛmmɔ ndi ka Katɔti ɔ́gyila Kristo ɔ́lɛku bekpine akɔ. Na ɔmɛni ndi bula kama kekpokɔ ka bani ƒui ntɛ kekpine badubɔsɔ bɔta.

Yakobo 1:18

Katɔti ɔkɛ ngba bɔƒɔ litemi geen lɛlɔ na ɔ́ya na bɔ́kɛ kɔyu kemmo ngba. Ɔ́bla ɔmɛni ɔ́siaku nwuna lɛƒɔyɔ lɛlɔ. Ɔsika ɔɔwia ka bɔbla bedeedi na nwuna ala ani na údie ƒui akɔ.

Budie Taatina 14:4

Ama ndi bekyuli bani náda lɛlɔ sɛɛn. Na bana lɛlɔ lilese lɛlɔ na lɛsɔnɔdi ala lɛlɔ ɔsu. Ama mɔɔsiaku Koƒonu Ubi ɔmmɔ likpo biala na úsela. Ama na bédie bálɛku bayawine ƒui akɔ. Na ama ndi bekyuli bedeedi bani na béti béte Katɔti ku Koƒonu Ubi ɔmmɔ.