Lewiƒuɔ Ɔda Bubo 22:19 - Katɔti Ɔku Kedee

¹⁹ ɔlɛka uti koƒonu kɔgyani iye ketukpa kani nátasɔ ɔsiku nwuna bebuo akɔ uboku kalɛ na Unwoti ɔƒɔ akpala ammɔ ka ámanku na nwuna lili.

Lewiƒuɔ Ɔda Bubo 22:19 ပူးပေါင်းရင်းမြစ်များ

Israelƒuɔ Bɔlɛ 12:5

Nsu kaduli biala bekyuli bebo kuƒi ka beti koƒonubi kɔgyani iye ketukpa kani náƒɔ lɛkwa linwi.

Lewiƒuɔ Ɔda Bubo 1:10

“ ‘Na si koƒonu iye ese lɛnɔ na ɔdi ɔ́ƒuna na nwuna bebuo akɔ ka uti ɔbla akpala bɔkyula ƒui ɔdi ɔmmɔ lɛnɔ ni, ɔlɛka ɔbla ebuo ɔgyani ɔni na use sɛɛn na útasɔ kesii kadi.

Lewiƒuɔ Ɔda Bubo 1:2

“Tásu Israel kadi bekyuli anini, ‘Si bina akɔ ɔdi úti akpala etela ɔduboku ami bina Unwoti ni, ɔlɛka uti ebuo ɔsiku nwuna bebuo akɔ iye nwuna ɔmantɛ bakɔ akɔ.

Lewiƒuɔ Ɔda Bubo 1:3

“ ‘Ɔƒɛni si bebuo bɔkyula akpala na ɔdi ɔdanku ebuo ɔdi ka ubabla ni, na ɔƒuna ebuo ɔni nse sɛɛn na útasɔ kesii kadi na ɔdi ebuo ɔgyani. Na ebuo ɔmmɔ ni, Unwoti Adi Kevo kammɔ kayakun kenye na ɔdubuti-nwu uboku na lɛnu si ɔdia-mi.

Lewiƒuɔ Ɔda Bubo 21:18

Ɔnana biala na anumi ábwɛ-nwu iye ɔ́ƒɛ uwi kalɔ iye nwuna kakɛ kadi kásɔ uteti akpala utakpa utete-mi.

Lewiƒuɔ Ɔda Bubo 4:32

“ ‘Nsu si koƒonu ubi na úti úboku ubabla likpidi lili buvele akpala ammɔ ni, ɔlɛka uboku koƒonu kuledi kɔni nse sɛɛn na kútasɔ kesii kadi.

Mateo 27:19

Na uwi ɔni na Pilato ɔkya ɔɔtɛ litemi ni, ulekudi ɔ́tala ɔtu ɔ́kya-nwu ɔnii, “Die enu na ukyuli ɔni nátaƒiɔ ɔmɛni litemi kemmo. Ɔsika kamaadi usien lígye kɔna na nwuna lɛlɔ kɔni náya na liƒu lɛ́da-mi geen!”

Mateo 27:24

Uwi ɔni na Pilato ɔ́nu ka ɔ́sɔ ulakana lɛla lɛdi bɔbla, na mmomu unyeƒi kpakplaa ndubo bɔlɛ ni, úti ntu na ɔ́ƒɔ enu na bekyuli bammɔ anumi na ɔ́su-ma ɔnini, “Ukyuli ɔmɛni kukpi kɔɔɔsia-mi lɛlɔ! Bina litemi na lɛdi.”

Mateo 27:4

Na ɔ́su-ma ɔnini, “Lɛ́bla likpidi ka lɛ́kya ukyuli ɔni nátaƒiɔ ɔmmɔ kakya nnii badu-nwu.” Na bédie kenye banini, “Ɔmɛni anwu ɔɔɔkɛ-bu. Ƒula litemi na lɛdi!”

Mateo 27:54

Na uwi ɔni na bekpone unengu ku bekpone bani nnye mɔɔgyumana Yesu bánu kalɛ na kalɔ kákunku ku ala ani nálɛ ƒui na mmɔ ni, ɔtɔtɔ ɔ́gyu-ma na liƒu lɛ́da-ma geen! Na básu banii, “Sɔsɔ na ukyuli ɔmɛni ɔdi Katɔti Ubidi.”

Luka 23:14

Na ɔ́su-ma ɔnini, “Bɛ́kpanku ukyuli ɔmɛni biboku-mi bɛnii ɔɔkpanku bekyuli taavinku ulu ukpidi lɛlɔ. Na ɔƒɛni ni, líye-nwu ala na amii alati anumi. Na ńtanu lɛla likpidi lɛdi na nwuna lɛlɔ aani kalɛ na amii bɛ́da-nwu kenye.

Luka 23:41

Na abu bula kɔtu bɔni ni, bɔdi ulu lɛlɔ. Ɔsika lɛla lɛni námanku-bu ni, ani na béti béte-bu. Nsu anwu útabla lɛla likpidi lɛdi.”

Luka 23:47

Bekpone ɔtɔnkune ɔmmɔ ɔ́nu lɛla lɛni nálɛ na úmwi Katɔti ɔ́su ɔnini, “Sɔsɔ geen na ɔdi ka ukyuli ɔmɛni ɔdi ukyuli ɔbuni.”

Yohane 19:4

Ɔmmɔ kama ni, Pilato ɔ́sɔ ɔ́lɛ úbo bekyuli lisu lɛmmɔ kudɔ úbasu-ma ɔnini, “Bɛnu! Ndubo-nwu bɔkpanku buboku bina anumi na mbatina-mi ka ńtanu likpidi lɛdi na nwuna lɛlɔ kalɛ na lɛdu-nwu kukpi kɔtɔ.”

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Eƒesoƒuɔ 5:27

Na ɔ́klibi anwu ɔni ndi nwuna baƒɔtaadine lɛkpa kedee lɛni muukeye na bɔƒiɔ bɔdi buuubo-ni lɛlɔ, ɔsika likpidi iye bɔsɔ bɔdi bɔɔɔma-ni lɛlɔ.

Lɛkpa Ulu 15:21

Nsu si ebuo ɔmmɔ ɔdi ɔ́ƒɛ uwi kalɔ iye anumi abwɛ-nwu ni, iye lɛla bamba lɛdi lɛda-nwu ni, biteti ebuo ɔmmɔ udu bitakpa bitete bina Unwoti Katɔti.

Hebriƒuɔ 9:14

Na si ɔbladu ɔmɛni ɔɔyá na ukyuli ɔɔbla sɛɛn ni, na Kristo ubugya ɔɔkana na ɔɔbla ukyuli sɛɛn teetulo. Ɔkɛnku Katɔti Kɔyu kɔni nli uwi ƒui lɛlɔ ni, Kristo úti lɛlɔ ɔ́bla akpala ani nédu áwɔlɔ úte Katɔti na lɛla lɛdi lítebie-mu lɛlɔ. Nwuna ubugya ɔdubɔbla bina kayi sɛɛn bɔsiku ɔdi bɔbla bɔni nsɔ neeebo kɔsia ƒui kudɔ kalɛ na bɔbla Katɔti ɔni nli kabla.

Petro 1 1:19

Mmomu Kristo ubugya ɔni náƒɔ kuye na ɔdi. Anwu ndi Koƒonu Ubi ɔni námanku lɛkpa na bina lili.

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.