Lewiƒuɔ Ɔda Bubo 22:18 - Katɔti Ɔku Kedee

¹⁸ “Bo Aaron ku nwuna bebi bananabi ku Israelƒuɔ bammɔ ƒui ɔda anini, ‘Si Israelni ɔdi iye ɔƒɔ ɔni nli Israelƒuɔ akɔ úti etela adi úboku ka babla akpala bɔkyula ƒui ɔdi uti udie lili na kenye kani na úse ɔsu iye kaƒɔ ƒaa akpala ni,

Lewiƒuɔ Ɔda Bubo 22:18 ပူးပေါင်းရင်းမြစ်များ

Ala Alɛdi 2 31:14

Na Imna ubidi Kore na báƒuna ka utaanu ɔban kenye kani nkya késie ɔƒɛ katukɔ kakɛ. Na anwu kani mɔɔƒɔ́ kaƒɔ ƒaa etela ani na bekyuli beeboku Katɔti na uule-nya teete bakpane ku Lewiƒuɔ bammɔ.

Kɔgya 116:14

Na ala ani kenye na líse ka meboku Unwoti ni, ndubuti-nya liboku na kadi ƒui anumi.

Kɔgya 116:18

Na ala ani kenye na líse-ɔ ni, ndubuti-nya liboku-ɔ na kadi bekyuli anumi.

Kɔgya 22:25

Ndubumwi-ɔ na kadi kasalakɔ na lɛla lɛni na ábla ɔsu. Na lɛla lɛni na líse kenye ka makpa mete-ɔ ni, ndubute-ni na bani mɔɔyia-a kasalakɔ anumi.

Kɔgya 56:12

O Katɔti, ala ani na líse kenye ka ndubɔbla lite-ɔ ni, ndubɔnu ka lɛ́bla-nya ƒui na liti mina enugya etela liboku-ɔ.

Kɔgya 61:5

Énu ala ani lɛ́kpali-ɔ líse kenye ka mabla, O Unwoti. Na kadikɔ kani na eete bekyuli bani mɔɔyia-a ni, aka na éte ami lɛnɔ.

Kɔgya 61:8

Na ndubɔtu ɔnu limwi-ɔ lɛnyi uwi biala. Na ala ani lɛ́kpali-ɔ líse kenye ka mabla ni, ndubɔbla-nya limeyi ndi limeyi.

Kɔgya 65:1

O Katɔti, ɔ́manku ka bekyuli ƒui bemwi-ɔ na Sion. Na babla basia kenye kani na bése béte-ɔ ƒui lɛlɔ na mmɔ.

Kɔgya 66:13

Ndubuti akpala liboku mbakyula lite-ɔ na ƒula kakpakɔ. Na ndubuti ala ani kenye na líse liboku-ɔ.

Israelƒuɔ Bɔlɛ 12:5

Nsu kaduli biala bekyuli bebo kuƒi ka beti koƒonubi kɔgyani iye ketukpa kani náƒɔ lɛkwa linwi.

Etemila 5:4

Si ánu ka ése Katɔti kenye kadi ni, taya na uwi utu-ka lɛlɔ. Babla na abla linyese lɛmmɔ lɛlɔ ete-nwu, ɔsika kaƒɔ kalayɔ-nwu na kɔdɔlɔ ala bɔbla lɛlɔ.

Lewiƒuɔ Ɔda Bubo 1:10

“ ‘Na si koƒonu iye ese lɛnɔ na ɔdi ɔ́ƒuna na nwuna bebuo akɔ ka uti ɔbla akpala bɔkyula ƒui ɔdi ɔmmɔ lɛnɔ ni, ɔlɛka ɔbla ebuo ɔgyani ɔni na use sɛɛn na útasɔ kesii kadi.

Lewiƒuɔ Ɔda Bubo 1:2

“Tásu Israel kadi bekyuli anini, ‘Si bina akɔ ɔdi úti akpala etela ɔduboku ami bina Unwoti ni, ɔlɛka uti ebuo ɔsiku nwuna bebuo akɔ iye nwuna ɔmantɛ bakɔ akɔ.

Lewiƒuɔ Ɔda Bubo 17:10

“ ‘Ɔƒɛni lɛnɔ ukyuli biala na ɔ́si Israel kaba kemmo iye ɔƒɔ ɔni nli-mii akɔ na ɔdi ɔ́di ubugya ni, ndubuti mina lɛnimi lɛlɛ ukyuli ɔmmɔ lɛlɔ na lɛda-nwu lidie mina bekyuli akɔ.

Lewiƒuɔ Ɔda Bubo 17:13

“ ‘Anwuɔsu si Israelni ɔdi iye ɔƒɔ ɔni ɔkya-mii akɔ ɔdi úsie kabuikɔ na útádu ebuo iye aasɛ ɔdi ka bakun-nwu ni, ukulo-nwu ɔkwɛ na ubugya ɔmmɔ uwi kalɔ na uku lɛti ubi ubugya ɔmmɔ lɛlɔ,

Lewiƒuɔ Ɔda Bubo 22:17

Amu na Unwoti ɔ́su Mose ɔnini,

Lewiƒuɔ Ɔda Bubo 23:38

Na emeyi bɔdi bɔmmɔ kemmo biti bina lɛnwuna emeyi bɔdi ku bina etela akpala ku bina kenye kani bise Unwoti ku bina kayi ƒaa etela bɛda bibunku.

Lewiƒuɔ Ɔda Bubo 7:16

“ ‘Nsu is akpala ammɔ adi lili budie iye kaƒɔ ƒaa akpala ni, bakana bakun lɛna lɛmmɔ na limeyi lɛmmɔ. Na si lítasa ni, bakana bakun-ni kadi kégye.

Amos 4:5

“Amii biti bina etela lidu bitátina na bitaakun lɛmɛnɛ ɔsika ɔmmɔ udu kani na bɛgyi na bɛɛyɔ́ ka bitaabla. Ami Unwoti násu!

Yona 1:16

Ɔmɛni ɔ́ya na ɔkɔlɔ ɔmmɔ kemmo bekyuli ƒui báyia Unwoti, na béti enugya akpala béte-nwu na bése kenye lɛnɔ béte-nwu.

Yona 2:9

Nsu ami ndubɔtu lɛnu limwi-ɔ na liti akpala lite-ɔ na lɛdi mina linyese lɛlɔ! Ɔsika ngba bɔƒɔ bɔɔsí Unwoti kudɔ.”

Nahum 1:15

“Amii Yudaƒuɔ, bɛɛnu ka ɔtalane ɔdi ɔ́si abi lɛlɔ ɔdubo ku keyi buɛɛ linyesia lɛbuni. Bɛdi bina emeyi abuni ku lɛlɔyɔ na bɛbla bɛsiaku kenye kani na bíse Unwoti lɛlɔ. Ɔsika lɛ́yila bina bekisine ƒui udu, na nsɔ lɛɛɛdubo bɔya na basɔ bebekpo-mii.”

Malakai 1:14

Biisé-mi kenye ka bɛdububoku-mi bebuo bani námanku, nsu bɛɛvumana teeti bebuo bekpidi mmomu teeboku-mi si uwi údu. Na ndubo ɔgbankpi buti buboku-mii lɛlɔ na ɔmɛni ɔsu, ɔsika ami ndi Ɔga Unengudi Unwoti Ɔyikune Ƒui ɔni na kadi bekyuli ƒui baayia na kesi kesii.”

Bumomo Bɔka 15:3

na ɔdi ɔɔyɔ́ ka uti ebuo ɔdi ɔsiku nwuna bebuo lidu akɔ ɔbla bɔkyula akpala ƒɛƒɛɛ ani mɔɔyɔ́ ami Unwoti kaƒɔ, iye kenye kadi na úse na ɔnii ɔɔbla akpala iye kayi ƒaa akpala iye akpala ani ndanku emeyi bɔdi ni,

Batalane Kabla 18:18

Amu na Paulo úlie Korinto ɔma ɔmɛni kemmo emeyi pii. Na nwuna kama ni, ɔ́kada baƒɔtaadine bamɛni na anwu ku Akwila ku Priskila básia ntu anumi bésie Siria. Nsu asa na watɔlɔ ni, Paulo ɔ́ya na békpeyi-nwu lili na Kenkrea na Yudaƒuɔ ɔdi lɛlɔ ɔ́si kenye kani na úse ɔsu.

Lɛkpa Ulu 12:17

Na ɔdi utadi lɛla lɛni na ɔdubuti ɔkpa ute Unwoti na kesii kani na ulie. Bitadi bina edula lɛkpa leevudi iye bina ntɛ bɔwɔdi iye bina nnɔ iye bina ɔmantɛ bakɔ ku baƒonu ku bese bebi bedeedi iye etela ani bíse kenye ka bɛdubuti bite Unwoti iye bina kaƒɔ ƒaa etela iye etela biala na bina kuliekɔ mmɔ.

Lɛkpa Ulu 12:6

Na mmɔ na bɛdubuti bina akpala akyuladi ku akpala bamba ku bina etela ku bina akɛla lɛkpa leevudi ku etela ani bíse kenye ka bɛdubute Unwoti ku bina kaƒɔ ƒaa etela ku bina ɔmantɛ bakɔ ku baƒonu ku bese bebi bedeedi biboku na bɛkpa bite-nwu.