Lewiƒuɔ Ɔda Bubo 21:5 - Katɔti Ɔku Kedee

⁵ “ ‘Na bakpane betekpeyi bana eli iye ukwi amadɔ iye bekulo bana ɔlɔna kesii kadi na kukpi kɔdi ɔsu.

Lewiƒuɔ Ɔda Bubo 21:5 ပူးပေါင်းရင်းမြစ်များ

Yesaia 15:2

Dibon ɔma bekyuli bákɔ bésie kɔbi lɛlɔ, na bana baƒiɔ kɔdu, na Moab kalɔ bekyuli ƒui béwulo na Medeba ɔma lili. Békpeyi bana eli ku kuduo ƒui.

Yesaia 22:12

Uwi ɔmmɔ ni, Unwoti Katɔti Ɔyikune Ƒui ɔ́lɔ-mii ɔnii biwulo keku ku kɔnyana geen, na bikpeyi bina eli na biti adikpi binyimi,

Yeremia 16:6

Balakɛne ku bawabane ƒui badubukpi bewi na ɔdi uláva-ma. Na ɔdi ulewulo-ma keku iye kɔnyana na ukulo lɛlɔ kesii kadi iye ukpeyi kuli.

Yeremia 48:37

Moabƒuɔ benye asa katɔ ku lilu lɛlɔ beewulo kɔnyana. Na banana békpeyi bana likwi na bekyuli békpeyi bana eli na békulo lɛlɔ ekpo muedi na bada adala ani mɔɔtina ka beewulo kɔnyana.

Esekiel 44:20

“Ɔɔɔdi ka bakpane bekpeyi bana lili linwini si beewulo kɔnyana. Nsu ɔlɛka bada bana linwini edu na lileyi lilagya.

Esekiel 5:1

“Esekiel, ɔyawine ubi, wia kewii kani na kebo ɔbi kaduɛ na ekulo ƒula lili linwini lɛmmɔ na ekpeyi ƒula keduo kalɔ linwini lɛmmɔ ƒui. Ti linwini lɛmmɔ na átákɔku-ni unu anu na ele-ni kemmo akpa atɛ likeke.

Lewiƒuɔ Ɔda Bubo 10:6

Amu na Mose ɔ́su Aaron ku nwuna bebi bananabi Eleasar ku Itamar ɔnini, “Amii amu ni, bitanyonu bina lili linwini bitewi na lɛbla kalɛ kalɛ iye bɛni bina adala bɛbwɛ bɛtina ka likpidi lɛdi lɛ́lɛku-mii si ɔɔɔdi lɛni bɛdubo bukpi, na Unwoti ɔ́kɛku bina kadi kammɔ bekyuli ƒui kɔnyi. Na bina lɛlɔ bekyuli ku kadi ƒui ama bakana na bewulo bani ƒui na Unwoti ɔ́ya na ogya ɔ́yila-ma udu mmɔ.

Lewiƒuɔ Ɔda Bubo 21:4

Útalɛka ubile lɛlɔ na anwu ku ulekudi lɛlɔ bekyuli kɔna kɔdi kukpi ɔsu.

Amos 8:10

Na bina emeyi buni ani na bɛɛdi ƒui ndubɔya na enwini keku ku kɔnyana buwulo sɔɔn. Na bina adala adubunwini adikpi ekuku na bikpeyi eli bɛkɛ bitaavi. Na ɔdubɔbla aani si ubi unwi pɛ ɔni na ukyuli ɔdi ubo náyii-nwu na uuwulo. Na limeyi limodi lɛmmɔ lɛdubɔbla ɔdu kati kati sɔɔn limeyi.”

Mika 1:16

Bikpeyi bina eli bitédu aani ka bɔpa na ápa aani begbini na biteewulo kɔnyana na bina bebi bani na bɛɛyɔ́ geen ɔsu. Ɔsika badubo-ma buƒie bɔtɔlɔku ƒui buteesienku kaƒɔ ɔgyu kakaaka.

Lɛkpa Ulu 14:1

Amii Israelƒuɔ bɛdi bekyuli bani na bina Unwoti Katɔti údie úte lɛlɔ. Anwuɔsu si bɛɛbla ukpine ɔdi kekwa ni, ɔdi uteti lɛla lɛdi utekulo nwuna ɔlɔna kakɛ kadi, na ɔdi utekpeyi nwuna lɛtɛntɛ na ukpine ɔdi ɔsu aani kalɛ na kadi bamba bekyuli baabla.