Ɔsika ami náƒuna-nwu kalɛ na ɔtina nwuna bebi kavikɔ na nwuna kadi bekyuli bani masia-nwu kama ƒui basia ulu ɔni na mɔɔyɔ́ lɛlɔ. Na bataabla ala ani ndia na akɛ ulu lɛlɔ. Na ɔkɛnku ɔmmɔ lɛlɔ na ndubuti lɛla lɛni na lɛ́su líse ka mete Abraham lite-nwu.”
Amii bani nkya Yuda ku Yerusalem kalɔ lɛlɔ bilásiaku Unwoti kama siin. Na bíbile kakpakɔ kani na Unwoti ɔɔyɔ́ mmɔ ekisila na bɛɛbla ala ani muusé-nwu lɛlɔ na amii ku baƒiɔkpane biiti lɛlɔ.
Budie na Katɔti údie awɔ ku ƒ'ulekudi ka bɛbla aani ukyuli unwi. Na bi ɔsu na ɔ́bla lɛni? Ɔdi ka bɛwɔ bebi na bɛtɔnku-ma na benwini Katɔti bekyuli. Anwuɔsu bɛda bina ngba kaduɛ, na bitalɛ bina lɛkloƒu uwi uleku kama kudii.
Ɔsika si bodobodo kakɛ kedeedi kani na bábwɛ bákpa béte Katɔti use kedee ni, na bodobodo ɔkladi lɛnɔ use kedee. Na si kugyii kɔdi ugyiitu use kedee ni, na kugyii kɔmmɔ kɔgba lɛnɔ kuse kedee.