Lewiƒuɔ Ɔda Bubo 21:10 - Katɔti Ɔku Kedee

¹⁰ “ ‘Ɔkpane unengudi ɔni na béwi-nwu lili nnɔmii bése-nwu likpo na nwuna banwani akɔ ka ɔkya ɔkpane lɛwu lɛmmɔ utalɛ ka ɔnyonu nwuna kuli linwini uwi kalɛ kalɛ iye ɔni nwuna awu ɔbwɛ ka kekwa kada-nwu ɔsu.

Lewiƒuɔ Ɔda Bubo 21:10 ပူးပေါင်းရင်းမြစ်များ

Ala Kalɔ Buse 37:34

Na litemi lɛmmɔ líkpoku-nwu geen, anwuɔsu ɔ́ni nwuna awu ɔ́bwɛ. Na úti adikpi únyimi na úwulo ubidi emeyi pii.

Samuel 2 15:30

Nsu uwi ɔmmɔ ni, Ɔga Dawid úti ɔ́kɔ úsela Nnɔ Egyii Kɔbi lɛlɔ na uuwulo na ulu lɛlɔ. Na úti ala úbi lili na ɔkɛ lɛgbakplu. Lɛni kani na bani nsiaku-nwu ƒui bebi ala lili na bakɛ beewulo na ulu lɛlɔ.

Ester 6:12

Ɔmmɔ kama ni, Mordekai ɔ́sɔ únwini úsie nwuna kabla kablakɔ na ɔga kesii ɔban kenye mmɔ. Nsu Haman úkeli ɔ́tɔlɔ ku kɔƒa ku kɔƒa úsie kaduli.

Hiob 1:20

Hiob ɔ́ta únye kɔnakunwi ka únu kenye kamɛni. Na ɔ́ni nwuna awu ɔ́bwɛ na úkpeyi lili, na ɔ́yu úbi kalɔ úmwi Unwoti.

Kɔgya 133:2

Use aani nnɔmii ƒɛƒɛɛ bɔni na béti béwi Ɔkpane Aaron lili, na ɔɔsia teeduo nwuna ukwi kemmo ku nwuna awu atu ƒui kemmo.

Israelƒuɔ Bɔlɛ 29:7

Na ɔmmɔ kama na eti likpose nnɔmii bɔmmɔ ewi-nwu lili na ese-nwu likpo.

Esekiel 24:17

Wulo kɔnyana na ƒula kayi kemmo kani na tabla tatina na bekyuli banu ɔmɛni bati na ƒula anumi lɛlɔ ka eewulo kɔnyana kɔdi. Tada ƒula lɛduni lɛni mma-a lili tamana iye edie ƒula lɛgbanvuo lɛni na akya na akɛ lɛgbakplu. Na teti lɛla lɛni lɛnɔ tebi ƒula anumi atina ka lɛla lɛdi lɛɛbla-a. Na tadi adila ani na kɔnyana bewulone lɛnɔ baadi aani kalɛ na ɔtɛ use na bekyuli baabla.”

Lewiƒuɔ Ɔda Bubo 13:45

“Na ukyuli ɔni na ɔlɛ ɔmmɔ udu ɔda ni, ɔlɛka ɔda adala ani nábwɛ na ulegyeli nwuna kuli linwini na uti lɛla lɛdi ubi nwuna anumi na utaava momoomo taasu ɔnini, ‘Lɛ́sɔ o-o, lɛ́sɔ na liiise sɛɛn!’

Lewiƒuɔ Ɔda Bubo 16:32

Ɔkpane ɔni báƒuna na béwi-nwu lili nnɔmii bése-nwu likpo ka unye ɔti kabla kenye aani ɔkpane unengudi kalɛ ndubo likpidi kɔtu bɔni budie ɔdi ɔmɛni bɔbla na ɔlɛka ɔkya ɔkpane lɛwu gyɔlɔɔ kedee lɛmmɔ

Lewiƒuɔ Ɔda Bubo 4:3

“ ‘Si ɔkpane ɔni na bése-nwu likpo na ɔdi na úti bɔƒiɔ úboku bekyuli ƒui lɛlɔ ni, ɔlɛka uti ɔmantɛ akɔ ɔgyani ubete Unwoti. Na ɔlɛka ɔnu ka akɔ ɔmmɔ use sɛɛn na útasɔ kesii kadi asa beti babla likpidi butitaakyiɛ akpala ammɔ na likpidi lɛni na ɔ́bla ɔsu.

Lewiƒuɔ Ɔda Bubo 8:12

Na úti likpose nnɔmii bɔmmɔ úwi Aaron lili na úse-nwu likpo na ɔ́bla-nwu kedee.

Bumomo Bɔka 35:25

Na ɔlɛka kadi bagyumana ukyuli ɔni nátati na ɔ́du ukyuli mmɔ na ukyuli ɔni bádu mmɔ lɛlɔ bekyuli kudɔ, na basɔku-nwu batákya katamikukɔ ɔma ɔmmɔ kemmo. Na ɔdubɔkya mmɔ utédu ka ɔkpane unengudi ɔni na béwi-nwu lili nnɔmii bése-nwu likpo úkpi.

Bumomo Bɔka 6:7

Ina nwuna ɔti iye uni iye ɔnwani ɔnana iye uleku úkpi ni, útalɛka ubile lɛlɔ ɔ́si ama ɔsu. Ɔsika nwuna lɛlɔ budie buse bute Katɔti likposela lɛsia-nwu lili.

Mateo 26:65

Uwi ɔni na ɔkpane unengudi únu ɔmɛni ni, ɔ́ni nwuna awu ɔ́bwɛ na ɔ́va ɔnini, “Binu enyekpi ani na ɔɔtɛmi! Bɔsɔ buláwia kenye bediene badi lɛnɔ!