Lewiƒuɔ Ɔda Bubo 20:26 - Katɔti Ɔku Kedee

²⁶ Bɛbla lɛlɔ kedee bite-mi, ɔsika ami Unwoti nse kedee na ami náƒuna-mii lɛ́lɛku kadi bamba bekyuli akɔ na líti-mii lɛ́bla mina bekyuli.

Lewiƒuɔ Ɔda Bubo 20:26 ပူးပေါင်းရင်းမြစ်များ

Nehemia 10:29

buse kenye bɔɔsála ku bula batɔnkune ka ewida asiaku-bu si bɔ́ta búnye ɔda bubo bɔmɛni lɛlɔ. Na bɔɔsu ka bɔdubɔdi Katɔti ɔda bubo bɔni na úti ɔ́siaku nwuna kabla ɔblane Mose lɛlɔ. Na lɛla biala na Unwoti ɔni ndi bula Katɔti úbo-bu ɔda ni, bɔdubɔdi-nwu lɛlɔ kalɛ na Katɔti ɔɔwia.

Kɔgya 99:5

Bimwi Unwoti bula Katɔti! Bibo na bibakya-nwu lili kalɔ na nwuna lɛgaboku anumi, ɔsika anwu kani nse kedee.

Kɔgya 99:9

Bimwi Unwoti bula Katɔti na bɛkpa-nwu na nwuna kɔbi kedee lɛlɔ, ɔsika Unwoti, bula Katɔti, use kedee.

Israelƒuɔ Bɔlɛ 33:16

Na dɛ na ɔdubɔbla na bekyuli banu bati ka kaƒɔ kaayɔ́-ɔ na ƒula bekyuli lɛlɔ ku ami lɛnɔ si átatɔnku-bu? Si akya-bu akɔ ni, kayawi bekyuli ƒui badubɔnu kavumana kebendi na abu ku-ma ntɛ.”

Yesaia 30:11

Na bɛda-bu bɛnyonu na bɛwia kasiakɔ. Ɔsika bɔsɔ buláwia ka bunu lɛla lɛdi bɔsiku Israel Katɔti Kedee ɔmmɔ lɛlɔ lɛnɔ!”

Yesaia 6:3

Na bana ƒui baatu kɔgya ku lɛdi linwi momoomo banini, “Unwoti Katɔti, ese kedee, kedee, kedee! Katɔ ku kalɔ kéyi ku ƒula lɛlɔyɔ tɛɛ!”

Lewiƒuɔ Ɔda Bubo 11:44

Ami ndi bina Unwoti Katɔti. Bidie lɛlɔ bise sɛsɛɛ na bɛbla lɛlɔ kedee ɔsika nse Kedee. Na bitabla na bina lɛlɔ liteese lɛlɔ ɔkɛnku kubweyi kɔni mɔɔkpɛ́ kalɔ mɛni ɔsu.

Lewiƒuɔ Ɔda Bubo 19:2

“Su Israel kadi bekyuli ƒui anini, ‘Bɛbla lɛlɔ kedee, ɔsika ami Unwoti bina Katɔti nse kedee.

Lewiƒuɔ Ɔda Bubo 20:24

Nsu lɛ́su-mii nnini, “Bɛdubuti bekyuli bammɔ kalɔ, na ami ndubo-ka buti bute-mii na kenwini bina kadikɔ. Kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii.” Ami ndi Unwoti bina Katɔti ɔni nédie-mii úse sɛsɛɛ úte lɛlɔ ɔ́siku kadi bamba bekyuli kudɔ.

Lewiƒuɔ Ɔda Bubo 20:7

“ ‘Bidie lɛlɔ sɛsɛɛ na bɛbla lɛlɔ kedee, ɔsika ami ndi Unwoti bina Katɔti

Lewiƒuɔ Ɔda Bubo 20:8

Bɛdi mina ɔda bubo ƒui lɛlɔ na bɛbla bɛsiaku-mu lɛlɔ, ɔsika ami ndi Unwoti ɔni mɔɔbla-mii kedee.

Lɛkpa Ulu 14:2

Ɔsika amii bɛdi Unwoti Katɔti ɔdi na anwu náƒuna-mii ɔ́lɛku kadi bamba bekyuli akɔ na kalɔ lɛlɔ ƒui ka bɛbla nwuna ɔdi.

Lɛkpa Ulu 7:6

Bɛdi Unwoti Katɔti bekyuli kedee bani na ɔ́ƒuna ɔ́bla nwuna badi na kayawi bekyuli ƒui akɔ. Na bɛ́ƒɔ-nwu kuye geen.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Yosua 24:19

Amu na Yosua ɔ́su Israelƒuɔ ɔnini, “Ngyi ka bilakana Unwoti bɔɔsiaku, ɔsika ɔdi Katɔti ɔni nse kedee na uukpó kogyulo na si bɛ́ta binye-nwu lɛlɔ ni, uleti bina ekpidi ulakyiɛ-mii.

Budie Taatina 3:7

Ɔmmɔ kama ni, ɔ́su-mi ɔnini, “Nweni te Ƒiladelƒia baƒɔtaadine lɛkpa ɔtu anii, “Lɛni na anwu ɔni nse kedee na nwuna litemi lɛdi litemi geen ɔɔsu. Anwu nda Ɔga Dawid ɔyikun ɔni na si ɔ́lɛmi kayakun kadi ni, ɔdi ɔsɔ ulakana-ka bɔkalɛ. Na si ɔ́kalɛ-ka ni, ɔdi ulakana-ka bɔlɛmi.

Budie Taatina 4:8

Na ngba batu ine bamɛni ƒui bebo avwi aku aku, na anumi akya avwi amɛni kemmo ku kama. Usien ku ɔƒɛ ni, baláda bɔsu taaya banini, “Kedee, kedee, kedee ndi Blɔti ɔni mbo ɔyikun ƒui, ɔni nélie, na uli, na ɔdubo bulie.”