Lewiƒuɔ Ɔda Bubo 20:2 - Katɔti Ɔku Kedee

² “Su Israel kadi bekyuli ƒui anini, ‘Ɔnana biala na ɔdi Israelni iye baƒɔ bani nkya-mii akɔ na ɔdi úti ubidi ɔdi úte ɔnii bakpa bete Molek baƒiɔ ni, ɔlɛka bebo-nwu atabi badu.

Lewiƒuɔ Ɔda Bubo 20:2 ပူးပေါင်းရင်းမြစ်များ

Baga 1 11:7

Na kɔbi kɔdi na kɔkya Yerusalem ɔƒɛ katukɔ ni, Salomo ɔ́tu ɔtɔ úte Moabƒuɔ baƒiɔ bani baalɔ banii Kemos ku Amonƒuɔ baƒiɔ bani muusé lɛlɔ na baalɔ-ma bani Molek.

Baga 2 17:17

Na beeti bana bebi bananabi ku belekubi taabla akpala teete baƒiɔ bammɔ. Na beesié like bebone ku bana lidu bamba kudɔ. Na béti bana uwi ƒui baabla likpidi na Unwoti anumi. Ɔmmɔ ɔsu kɔnyi kɔ́kɔ Unwoti.

Baga 2 23:10

Na Ɔga Yosia ɔ́sɔ úbie Toƒet ɔni nnkya Hinom Kɔwɛ kalɛ na ukyuli biala ɔ́sɔ ulákɛ kuƒi na uti ubidi ulekubi iye ɔnanabi utábla bɔkyula akpala ute Molek baƒiɔ lɛnɔ.

Ala Alɛdi 2 28:3

Ɔ́bla akpala úte ala bamba na kesii kani baalɔ banii Ben-Hinom Kɔwɛ kemmo. Na ɔni na utulo ƒui ndi ɔni na ɔsiaku kadi bamba ɔbladu kama na úti ubidi ɔnanabi ɔ́kyula ɔ́kpa. Na ɔmmɔ ɔdi lɛla lɛni muusé Katɔti lɛlɔ geen. Anwuɔsu na ɔ́bɔku-ma ɔ́lɛku Israel kɔlɔ kemmo.

Ala Alɛdi 2 33:6

Ɔ́kyula nwuna bebi bananabi ɔ́kpa na Ben Hinom Kɔwɛ kemmo. Na uubó like na ɔɔbla evo ala na ɔɔkpali bekpine ku ayu bamba na ɔ́bla ekpidi bonwu bonwu lidu lidu na Unwoti anumi na ɔ́ya na Unwoti úti kɔnyi geen.

Kɔgya 106:38

Bebi bani naaagyi lɛla lɛdi ubugya na beewi kalɔ. Na báya na kalɔ kammɔ ƒui keesé lɛlɔ.

Yeremia 32:35

Na báya na Yuda lɛnɔ únwini alaekpidi ɔblane, ɔsika bátu ekpo ekpo bálɛ Ben-Hinom Kɔwɛ kemmo ka bataakpa Baal baƒiɔ. Na béti mmɔ bénwini kesii kani na baadú bana bebi bananabi ku belekubi taakyula taakpa Molek baƒiɔ. Na ami ńtabla kasusu kamɛni udu kudii muedi ka babla ɔmɛni udu bete-mi.

Yeremia 7:31

Bɛ́tu akpabi bɛ́lɛ Toƒet na Hinom Kɔwɛ kemmo kesii kani na bɛɛdú bina bebi taakyula taabla akpala teete baƒiɔ. Na ami lɛɛɛdubo kasusu bɔbla nnii mɔɔsu-mii na bɛbla lɛla lɛmɛni udu.

Esekiel 20:26

Na lɛ́ya na baabla akpala ani nátamanku na beeti bana bebi bananabi bedeedi muedi taakpa. Nsu lɛ́bla-ma ala amɛni kalɛ na liƒu lɛƒɔ bana keliela ƒui kemmo na bati lɛnɔ ka ami Unwoti mɔɔní-ma kɔtu.

Esekiel 20:31

na baakpá baƒiɔ na beeti ama alati bana bebi taabla akpala teete baƒiɔ bammɔ. Ala ekpidi amɛni udu na benye baabla na basɔ baakali ka bebenu-mi kenye kadi. Nsu ɔni na ndi Unwoti Katɔti na nli uwi ƒui mɛni ni, lɛɛɛdubo-ma kenye kadi budie bute.

Esekiel 23:37

Bálɛ-mi kama na baakpá baƒiɔ. Na bádu bekyuli na uwi ɔni na béti bana bebi bani na báwɔ béte-mi bákpa béte baƒiɔ bammɔ ɔsu.

Lewiƒuɔ Ɔda Bubo 17:13

“ ‘Anwuɔsu si Israelni ɔdi iye ɔƒɔ ɔni ɔkya-mii akɔ ɔdi úsie kabuikɔ na útádu ebuo iye aasɛ ɔdi ka bakun-nwu ni, ukulo-nwu ɔkwɛ na ubugya ɔmmɔ uwi kalɔ na uku lɛti ubi ubugya ɔmmɔ lɛlɔ,

Lewiƒuɔ Ɔda Bubo 17:15

“ ‘Na si ukyuli ɔdi ɔ́kun ebuo ukpine lɛna iye ɔ́kun lɛna lɛni na eƒiebuo bamba náduli-nwu kɔkɛ kɔkɛ ɔ́va na ɔdi Israelni iye ɔƒɔ ni, ɔlɛka ɔƒɔ nwuna adala na ɔkpi ntu na ulie utédu useyi uwi asa na nwuna lɛlɔ lɛdubɔbla sɛɛn.

Lewiƒuɔ Ɔda Bubo 17:8

“Na bɛsu Israelƒuɔ ku kadi bamba bekyuli bani nli-mii akɔ ka si ɔdi ɔ́sɔ ɔ́bla akpala bɔkyula adi iye úti etela adi úsienku kesii bamba kadi

Lewiƒuɔ Ɔda Bubo 18:21

“ ‘Útalɛka ukyuli ɔdi uti ubidi iye uwɔ ute na beti bakpa bete Molek baƒiɔ na ɔya na balabu Katɔti lɛnyi na liteese lɛlɔ, ɔsika ami ndi Unwoti.

Lewiƒuɔ Ɔda Bubo 20:1

Amu na Unwoti ɔ́su Mose ɔnii,

Lewiƒuɔ Ɔda Bubo 20:27

“ ‘Si ɔnana iye uleku ɔdi ɔkya-mii akɔ na uubó like iye uuye bekpine ala teenu ni, ɔlɛka bibo-nwu atabi bɛdu. Na bana ubugya ɔdubɔsia ama alati lili.’ ”

Lewiƒuɔ Ɔda Bubo 24:14

“Biti ɔnana ɔni nétemi anyikpi mmɔ bɛlɛku bina kakyakɔ. Na bekyuli bani ƒui nénu nwuna enyekpi etemila ammɔ beti bana enu basia-nwu kuli na Israelƒuɔ ƒui bebo-nwu atabi badu.”

Lewiƒuɔ Ɔda Bubo 24:16

Na si ukyuli ɔdi ɔtɛmi enyekpi na Unwoti lɛlɔ ɔlɛka badu-nwu. Na Israelƒuɔ ƒui bebo-nwu atabi badu. Si ukyuli ɔmmɔ ɔdi ɔƒɔ o-o iye Israelni geen o-o ni, si útemi enyekpi na Unwoti lɛlɔ ɔlɛka badu-nwu.

Lewiƒuɔ Ɔda Bubo 24:23

Mmɔ na Mose ɔ́su Israelƒuɔ na beti ɔnana ɔni nátɛmi enyekpi na bétébo-nwu atabi bádu. Na Israelƒuɔ bábla básia aani kalɛ kani na Unwoti úbo-ma ɔda.

Batalane Kabla 7:43

Mmomu bɛ́gyu Molek lɛbi ku Romƒa ayabi ani ndi baƒiɔ bani na bɛ́vɔ bíse bɛnii bitaakpa bíti. Anwuɔsu ndubɔya na beƒie-mii besienku ɔgyu kakaaka na Babilon kama ngye ƒui.’

Lɛkpa Ulu 12:31

Na bitakpa bina Unwoti Katɔti na ulu ɔni lɛlɔ na baakpá bana baƒiɔ. Ɔsika ulu ɔni lɛlɔ na baakpá bana baƒiɔ ni, ɔdi lɛla lɛni muusé Katɔti lɛlɔ na uláwia ulanu. Ɔsika baakana na beeti bana bebi taakpa lɛgyavonku kemmo na bana akpabi lɛlɔ.

Lɛkpa Ulu 17:2

Na si úbo úte ka bina akɔ ɔdi únu ka ɔnana iye uleku ɔdi ɔda ɔvia Katɔti ɔda bubo bɔni na úte-mii lɛlɔ iye ɔ́bla likpidi lɛdi na útadi lɛla lɛni na Katɔti únyimiku-mii lɛlɔ

Lɛkpa Ulu 18:10

Na ɔdi uteti ubidi utatákya ogya kemmo ɔnii uuti-nwu ɔkpa. Na bitatɛya kalɛ na beesié teetéye ala teenu. Iye utenwini ukyuli ɔni muubó like iye unwini kabɔ ɔdune iye

Lɛkpa Ulu 21:21

Na si bawɔne bammɔ básu ɔmɛni báwɔlɔ ni, ɔma ɔmmɔ bekyuli bebo-nwu atabi bádu. Na ulu ɔmɛni lɛlɔ na bɛdubɔda bekyuli bekpidi bidie bina akɔ. Na ɔmɛni ɔdubɔya na Israelƒuɔ kadi ƒui benu lɛla lɛmɛni, na ukyuli biala ɔdubɔyia na ɔti lɛlɔ bɔda.

Lɛkpa Ulu 22:21

na bakpanku ulekubi ɔmmɔ besienku ɔti kaduli na ɔma ɔmmɔ bananabi bebo-nwu atabi badu na ɔti kaduli kayakun kenye. Ɔsika ulekubi ɔmmɔ ɔ́di kɔsɔnɔ uwi ɔni na úlie ɔti kesii na útelie tɔ kɔgya. Na ɔmɛni ɔdi kɔƒa litemi. Na ulu ɔmɛni lɛlɔ na bɛdubɔsia na bɛda likpidi lɛmmɔ udu bidie bina akɔ.