“ ‘Útalɛka ukyuli ɔdi ɔtɛnku ubi ku uni iye ɔtɛnku uleku ɔmmɔ uwɔ ulekubi ɔdi, ɔsika nwuna lɛlɔ bekyuli geen na badi. Na ɔmmɔ ɔdi likyulikpi ala bɔbla.
Na bébo bawabane báva kalɔ na bédi bani na mɔɔwia kebunku bése kɔmadɔ. Na báya na bekyuli balábu mina lɛnyi lɛni nse kedee, ɔsika ubi ku ɔti ƒui baatɛ ugblebi unwi kudɔ na baayá na mina lɛnyi liisé lɛlɔ.
Na ukyuli ɔni ndubɔlɛ lɛnumi ni, nwuna kudɔ na ala ammɔ akya. Na beti ogya bakyula-nwu ku nwuna akɛla ƒui. Ɔsika úti kɔƒa kubendi uboku Israelƒuɔ lɛlɔ. Na útadi bunyimi bɔni na Katɔti únyimi-ku Israelƒuɔ lɛlɔ.’ ”
Na Yosua ɔ́su-nwu ɔnini, “Bi ɔsu na áya na lɛbibo lɛmɛni líbo-bu lɛlɔ. Unwoti ɔdubɔya na awɔ lɛnɔ ebo abi ɔmwi!” Amu na Israelƒuɔ bammɔ bébo Akan atabi badu. Na bébo nwuna bebi ku bebuo bammɔ lɛnɔ atabi badu. Na bákya bana ƒui ku ala ammɔ ogya.