Lewiƒuɔ Ɔda Bubo 2:3 - Katɔti Ɔku Kedee

³ Na ɔlaaƒɔ ɔkladi ɔni mebu ɔdi Aaron ku nwuna bebi bananabi ɔdi. Na ɔdi lɛla lɛni na bédie bése sɛsɛɛ na akpala ani na bábla béte-mi kemmo.

Lewiƒuɔ Ɔda Bubo 2:3 ပူးပေါင်းရင်းမြစ်များ

Esra 2:63

Na kalɔ lɛlɔ ɔnune úbo-ma ɔda ka ɔdi biala utadi adila ani nse kedee ntulo útédu ka bákɛ ɔkpane ɔni mɔɔbla kabla na ɔɔda ala ani baalɔ Urim ku Tumim.

Israelƒuɔ Bɔlɛ 29:37

Na abla ala amɛni asia kama emeyi maatɛ. Na ɔmɛni ɔdubɔya na lɛkpabi lɛmmɔ lɛbla kedee. Na si ukyuli ɔdi útuku lɛkpabi lɛmmɔ ni, anwu lɛnɔ ɔdubɔbla kedee.”

Esekiel 44:29

Na lɛla lɛni na badubule bete-ma kenye ni, antabi udu etela ani na bekyuli badubuti babakpa bete-mi ku ekpidi lili buvele akpala ani na bekyuli badubɔbla unwi bɔbla akpala ni, badubɔƒɔ ana kakɛ kadi. Na lɛla biala na Israel kalɔ lɛlɔ na bábla-ni kedee bése sɛsɛɛ béte-mi ni, ɔdi bana lɛdi.

Esekiel 46:20

na ɔ́su-mi ɔnini, “Mɛni ndi kanwakɔ kesii kani na ɔdi ka bakpane bammɔ beƒulo lɛna lɛni na beeti taabla unwi bɔbla akpala ku ekpidi lili buvele akpala. Na mɛni kani na baagyi antabi ani na beeti taabla akpala mmɔ. Ɔsika útalɛka beti akpala amɛni balɛku mɛni batásia kaduli kedeedi kemmo kesii kani na ɔƒɛni kalɛ ukyuli ɔdubutuku-nya na ɔsiaku ɔgbankpi ɔdi.”

Lewiƒuɔ Ɔda Bubo 10:15

Ɔdi ka beti ebuo libuli ku kayi ɔvu ɔni béte mmɔ béboku na bákɔliku katɔ bátina-mi uwi ɔni na béti ekpo ani nélie lɛmwi mmɔ bábla enyimo adila bɔsia akpala. Na ɔmmɔ ndubo ƒula kadikɔ bunwini ku ƒula bebi aani kalɛ na Unwoti úbo-mii ɔda.”

Lewiƒuɔ Ɔda Bubo 14:13

Na ɔkpane ɔmmɔ ɔlɛka ɔdu koƒonu kɔmmɔ na kesii kani nse kedee na baadú likpidi bɔkyiɛ akpala ku akpala bɔkyula ƒui ebuo. Na aani likpidi lili buvele akpala kalɛ ni, kɔtɔ bukpi akpala lɛnɔ adi ɔkpane ɔmmɔ adi na ese kedee geen.

Lewiƒuɔ Ɔda Bubo 2:10

Na ɔkladi ɔni mebu ɔdi Aaron ku bebi bananabi ɔdi aani bana kadikɔ kani bédie bése sɛsɛɛ ɔ́siku akpala ani na béboku-mi kemmo.

Lewiƒuɔ Ɔda Bubo 21:22

Ukyuli ɔmɛni udu ɔkana na ɔdi adila kedee ku ani nse kedee ƒui ani béti bákpa béte-mi mmɔ adi,

Lewiƒuɔ Ɔda Bubo 5:13

Ulu ɔmmɔ lɛlɔ na ɔkpane ɔdubɔsia na ɔbla akpala na udie kɔtu bɔni na ukyuli ɔmmɔ lɛlɔ. Na ɔlaaƒɔ ɔkladi ɔni mebu ɔdubunwini ɔkpane ɔmmɔ kadikɔ aani kalɛ na baabla edula akpala.’ ”

Lewiƒuɔ Ɔda Bubo 6:26

Na ɔkpane ɔni nábla ekpidi bɔkyiɛ akpala ammɔ ubo nwuna kadikɔ. Na kadikɔ kammɔ ni, Unwoti Adi Kevo kaduli kesii kani nse kedee mmɔ na badubɔdi adila ammɔ.

Lewiƒuɔ Ɔda Bubo 6:9

“Bo Aaron ku nwuna bebi bananabi ɔda anini, ‘Ulu ɔni na ndubo-ma bɔtina mɛni ndi ulu ɔni lɛlɔ na badubo bɔsia butaabla akpala bɔkyula ƒui ɔdi ɔmmɔ. Na muubó-ma ɔda geen na ɔmɛni lɛlɔ, ka akpala ani na baakyula mmɔ ni, ɔlɛka ataasia lɛkpabi lɛmmɔ lɛlɔ usien umodi útálɛ ɔtanta. Na útalɛ ka ogya ɔmmɔ uni.

Lewiƒuɔ Ɔda Bubo 7:7

“ ‘Kɔtɔ bukpi akpala ese aani likpidi lili buvele akpala na ɔda bubo bunwi kani ndanku ɔnanyɔ. Na ɔkpane ɔni névele ka bedie kɔtu bɔni na bekyuli bammɔ lɛlɔ ni, anwu mbo lɛna lɛmmɔ.

Lewiƒuɔ Ɔda Bubo 7:9

Ɔƒɛni edula ebi etela biala na béƒi na lɛyu kemmo ku lɛla biala na banwa na lɛbuala libui kemmo iye lɛbuala kalɛkɛ lɛlɔ ni, ɔkpane ɔni nábla akpala ammɔ ɔdi na ɔdi.

Bumomo Bɔka 18:9

Na akpala kedee ani na balákyula na lɛkpabi lɛlɔ aani edula ebi akpala ku likpidi lili buvele akpala biala adi bina ɔdi. Na akpala biala na béti béboku-mi na ese kedee ƒui adi awɔ ku ƒula bebi bananabi ɔdi.

Samuel 1 2:28

Ƒ'ɔti kaba kemmo bekyuli na lɛ́ƒuna na atɔƒi bamba ƒui akɔ na Israel. Na ama kani ndubusie mina lɛkpabi lɛlɔ na bakyula oloƒui bete-mi. Na bakya bakpane awu asa benye-mi anumi bataabla-mi kabla. Na ama kani na líti bɔkyula akpala ani na Israelƒuɔ béboku kadikɔ líte.