Lewiƒuɔ Ɔda Bubo 2:12 - Katɔti Ɔku Kedee

¹² Bakana beti ala ammɔ basala ku kemo edula awɔdi ani báka bɔƒɛ beboku-mi aani etela, nsu balakyula-nya aani ogya akpala bɔkyula ƒui na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 2:12 ပူးပေါင်းရင်းမြစ်များ

Ala Kalɔ Buse 23:17

Anwuɔsu Eƒron kalɔ kani kemmo na Makpela lɛtakpɛ ubu ɔmmɔ ɔkya na kede Mamre ni, kalɔ kammɔ ku egyii ani ƒui nkya kalɔ kammɔ kemmo útédu kana lɛmii ƒui ni, bávumana-ka ɔlati na bénweni ɔku básia-ka lɛlɔ.

Ala Alɛdi 2 31:5

Uwi ɔni kani na bekyuli bamɛni bénu lɛla lɛni na ɔga ɔɔwia ka babla mmɔ ni, béti bana akɛla lɛkpa leevudi béboku úbunku anta ku kamu udu edula ani na bebo ku nnɔ ku uwɔ ku edula bamba lɛnɔ.

Israelƒuɔ Bɔlɛ 22:29

“Na biteni-mi bina edula ku ntɛ akpala buboku. “Na biti bina bebi bananabi bedeedi bani bɛ́wɔ bite-mi.

Israelƒuɔ Bɔlɛ 23:19

“Biti edula edeedi abuni ƒui ani bɛ́kɛ na kalɔ kammɔ kemmo biboku ami, bina Unwoti Katɔti kakpakɔ. “Biteƒulo ese ubi ɔdi lɛna na uni anyi ntu kemmo.

Israelƒuɔ Bɔlɛ 34:22

“Na taadi Edula Ebi Edeedi Bɔƒɛ Limeyi ku Kevo Kemmo Bɔkya Emeyi lɛkwa biala.

Lewiƒuɔ Ɔda Bubo 23:10

“Kɔ lɛsa na asu Israelƒuɔ anini, ‘Si bísie bítéduo kalɔ kani na líti muute-mii kemmo na bɛ́ƒɛ bina edula edeedi ni, na biti-nya bisienku ɔkpane.

Lewiƒuɔ Ɔda Bubo 23:17

Na kesi kesii na bilie ni, kaduli biala basiku bodobodo inyɔ inyɔ ɔni na béƒi ku ɔlaaƒɔ ɔni muukeye na bɔnyii bɔkya-nwu kemmo biboku bibakɔliku katɔ bɛtina Unwoti bibo kudu aani edula ebi edeedi akpala.

Lewiƒuɔ Ɔda Bubo 7:13

Na si úti unwi bɔbla akpala ammɔ aani enugya ni, na ɔ́lɛka uti bodobodo ɔni kemmo na bɔnyii bɔkya ubunku edula ebi akpala ani bánwu na bɔnyii buuubo-nwu kemmo mmɔ.

Bumomo Bɔka 15:20

Na ɔlaaƒɔ udeedi ɔni na bɛdubo bɔkɔ bɔsiku bina mmo edula ebi edeedi ani na bɛdubo buwiile buse kakpa ni, biti-nwu bɛbla bodobodo bɛbla akpala bite-mi.

Bumomo Bɔka 18:12

“Na edula edeedi abuni ani na Israelƒuɔ badubɔkɛ aani nnɔ ku ntɛ bɔwɔdi ku edula ebi ani na badubuti beboku Unwoti ni, lɛ́sɔku-nya muute-mii.

Korintoƒuɔ 1 15:20

Nsu litemi geen lɛmmɔ ndi ka Katɔti ɔ́gyila Kristo ɔ́lɛku bekpine akɔ. Na ɔmɛni ndi bula kama kekpokɔ ka bani ƒui ntɛ kekpine badubɔsɔ bɔta.

Lɛkpa Ulu 26:10

Anwuɔsu líti mina edula edeedi ani na Katɔti úti úte-mi mɛni muuboku-nwu.” Na si ásu lɛni áwɔlɔ ni, na eti kagyigyɛ kammɔ ese bula Unwoti Katɔti anumi na emwi-nwu.

Budie Taatina 14:4

Ama ndi bekyuli bani náda lɛlɔ sɛɛn. Na bana lɛlɔ lilese lɛlɔ na lɛsɔnɔdi ala lɛlɔ ɔsu. Ama mɔɔsiaku Koƒonu Ubi ɔmmɔ likpo biala na úsela. Ama na bédie bálɛku bayawine ƒui akɔ. Na ama ndi bekyuli bedeedi bani na béti béte Katɔti ku Koƒonu Ubi ɔmmɔ.