Lewiƒuɔ Ɔda Bubo 19:27 - Katɔti Ɔku Kedee

²⁷ “ ‘Ukyuli ɔdi utekulo nwuna lili linwini iye nwuna ukwi na ɔdi ɔdi bɔbla ɔsu.

Lewiƒuɔ Ɔda Bubo 19:27 ပူးပေါင်းရင်းမြစ်များ

Ala Alɛdi 1 19:4

Anwuɔsu Hanun ɔ́ya na béƒie-ma na békpeyi-ma ukwi. Lɛni kani na ɔ́ya na nwuna bekpone békulo lɛwu gyɔlɔɔ lɛni bakya mmɔ kalɔ bédie ɔ́si kavobi. Ɔmmɔ kama ɔ́ya na bédie-ma ulu na bátɔlɔ bésie bana ɔma.

Yesaia 15:2

Dibon ɔma bekyuli bákɔ bésie kɔbi lɛlɔ, na bana baƒiɔ kɔdu, na Moab kalɔ bekyuli ƒui béwulo na Medeba ɔma lili. Békpeyi bana eli ku kuduo ƒui.

Yeremia 16:6

Balakɛne ku bawabane ƒui badubukpi bewi na ɔdi uláva-ma. Na ɔdi ulewulo-ma keku iye kɔnyana na ukulo lɛlɔ kesii kadi iye ukpeyi kuli.

Yeremia 41:5

Uwi ɔmmɔ kemmo ni, nkyuli liti ku avlaatɛ badi básia Mispa ɔma ulu ɔmmɔ lɛlɔ badubo ɔ́si Sekem ku Silo ku Samaria lɛma banii beeti bana etela bebeti Unwoti na nwuna kakpakɔ ani ndi antabi ku oloƒui. Na békpeyi bana kuduo kalɔ linwini ƒui na báni bana adala bábwɛ na békulo bana lɛlɔ ekpo ekpo béti baatina ka beewulo kɔnyana.

Yeremia 48:37

Moabƒuɔ benye asa katɔ ku lilu lɛlɔ beewulo kɔnyana. Na banana békpeyi bana likwi na bekyuli békpeyi bana eli na békulo lɛlɔ ekpo muedi na bada adala ani mɔɔtina ka beewulo kɔnyana.

Yeremia 9:25

“Limeyi lɛdubo na ndubo Egyipteƒuɔ ku Edomƒuɔ ku Amonƒuɔ ku Moabƒuɔ kɔtu bɔni ku adua ani bekyuli nkya abi lɛlɔ mmɔ ƒui. Bekyuli bamɛni ƒui békulo ago, nsu ɔɔɔdi ami na baasiaku. Na lɛni kani na use amii Yudaƒuɔ lɛnɔ. Bina ɔlɔna kani na bíkulo na ɔɔɔdi bina kɔyi na bíti bíte-mi na bɛ́vumana udu na bɛsiaku-mi kama siin.”

Esekiel 44:20

“Ɔɔɔdi ka bakpane bekpeyi bana lili linwini si beewulo kɔnyana. Nsu ɔlɛka bada bana linwini edu na lileyi lilagya.

Esekiel 7:18

Na kɔnyana adala na bɛdubo butaada biti bɛtina kalɛ na bɛkya lɛƒɛda kemmo. Nsu liƒu ala sɔɔn ndubɔƒɔ-mii keliela kemmo. Na kɔƒa ala lɛnɔ sɔɔn bekyuli badubo butaanu taati na bina anumi lɛlɔ na bɛdubukpeyi bina kuduo linwini ƒui ka bɛ́yila lɛnunsia biala ɔsu.

Lewiƒuɔ Ɔda Bubo 19:28

“ ‘Ukyuli ɔdi utakpɛ nwuna lɛlɔ akpanabi na ukpine ɔdi ɔsu iye uti lɛla lɛdi use lɛlɔ likpo. Ami ndi Unwoti.

Lewiƒuɔ Ɔda Bubo 21:5

“ ‘Na bakpane betekpeyi bana eli iye ukwi amadɔ iye bekulo bana ɔlɔna kesii kadi na kukpi kɔdi ɔsu.

Lɛkpa Ulu 14:1

Amii Israelƒuɔ bɛdi bekyuli bani na bina Unwoti Katɔti údie úte lɛlɔ. Anwuɔsu si bɛɛbla ukpine ɔdi kekwa ni, ɔdi uteti lɛla lɛdi utekulo nwuna ɔlɔna kakɛ kadi, na ɔdi utekpeyi nwuna lɛtɛntɛ na ukpine ɔdi ɔsu aani kalɛ na kadi bamba bekyuli baabla.