Lewiƒuɔ Ɔda Bubo 19:19 - Katɔti Ɔku Kedee

¹⁹ “ ‘Bɛdi mina ɔda bubo lɛlɔ kaduɛ. “ ‘Bitaya na bebuo lidu bun bun inyɔ bakɔ lɛlɔ. “ ‘Bitava edula ebi lidu inyɔ bitasala na kemo kenwi kemmo. “ ‘Bitakya lɛwu lɛni na bédi ku unwo lɛbuli udu bun bun.

Lewiƒuɔ Ɔda Bubo 19:19 ပူးပေါင်းရင်းမြစ်များ

Ala Kalɔ Buse 36:24

Na Sibeon bebi bananabi ndi Aya ku Ana. Ana ɔmɛni nésie útánu abiɔ ani ntu ndi utugya ka ɔ́kpanku ɔti Sibeon bebuo ala betine úsienku kadikɔ.

Samuel 2 13:29

Anwuɔsu Absalom kabla bablane bádu Amnon kalɛ na Absalom ubo-ma ɔda. Ɔmmɔ kama ɔga bebi bakladi báta na bákɔ bélie bana bebuo ala betine lɛlɔ na békeli bátɔlɔ.

Samuel 2 18:9

Absalom ɔ́tuaku Dawid bekpone badi uwi ɔni na ulie nwuna ebuo ala utine lɛlɔ. Ɔƒɛni ka ebuo ɔmmɔ úkeli ɔ́sia kugyii bonwu kɔdi kagba kadi nébomo ku evete yuu kalɔ ni, nwuna lili lɛ́bala kɔgba kɔmmɔ na ebuo ɔmmɔ ɔ́vi ɔ́lɛ-nwu kalɔ na úkeli úsela na Absalom ɔlati ɔ́yɔlɔ ɔƒa kayaa.

Baga 1 1:33

ɔ́su-ma ɔnini, “Bɛkpanku mina kabla bablane bɛda na bɛgyu mina ubidi Salomo bɛsia ami ɔlati mina ɔpɔnkɔ lɛlɔ na bɛkpanku-nwu bisienku Gihon.

Esra 2:66

Na bebo bapɔnkɔ 736 ku bebuo ala betine benengudi 245.

Lewiƒuɔ Ɔda Bubo 18:4

Ɔlɛka bɛsia mina bunyimi ƒui anu na bɛdi mina ɔda bubo ƒui lɛlɔ. Ami ndi Unwoti bina Katɔti.

Lewiƒuɔ Ɔda Bubo 19:37

“ ‘Na bɛdi mina ɔda bubo ku ala ani ƒui na línyimi líte-mii lɛlɔ kaduɛ. Ami ndi Unwoti.’ ”

Lewiƒuɔ Ɔda Bubo 20:8

Bɛdi mina ɔda bubo ƒui lɛlɔ na bɛbla bɛsiaku-mu lɛlɔ, ɔsika ami ndi Unwoti ɔni mɔɔbla-mii kedee.

Lewiƒuɔ Ɔda Bubo 22:31

“Bɛda mina ɔda bubo kaduɛ na bɛsiaku-mu kama. Ami ndi Unwoti.

Lewiƒuɔ Ɔda Bubo 25:18

“ ‘Bɛsia mina ɔda bubo anu na bɛnu ka bɛ́di-mu lɛlɔ kaduɛ na keyi kadubɔyɔku-mii na kalɔ kani lɛlɔ bísela bítélie mmɔ lɛlɔ.

Luka 5:36

Ɔmmɔ kama ni, Yesu ɔ́sɔ úbo-ma lɛgba lɛmɛni ɔnini, “Ukyuli ɔdi ulabwɛ awu awɔdi taaka taada ɔkukudi liƒi. Si ɔdi ɔ́bla lɛni ni, agyi anii úbile awu ɔwɔdi ɔmmɔ. Na ɔkukudi ɔmmɔ lɛnɔ ku ɔwɔdi ɔmmɔ ulamanku lɛlɔ.

Romaƒuɔ 11:6

Nwuna lɛƒɔndia lɛlɔ na ɔkɛ ɔ́ƒuna-ma, na ɔɔɔdi bana lɛla lɛni bábla ɔsu na ɔ́ƒuna-ma. Na si Katɔti ɔɔƒuna bekyuli na bana kabla bɔbla kenye ni, na nwuna lɛƒɔndia lɛɛɛdi lɛƒɔndia geen.

Lɛkpa Ulu 4:1

Bɛdi ɔda bubo bɔni ƒui mɔɔtina-mii mɛni lɛlɔ kalɛ na bɛdubɔkana na bilie kalɔ kani na Katɔti ɔni ndi Bina Bati Kuuku Katɔti úti uute-mii lɛlɔ.

Lɛkpa Ulu 4:5

Binu! Mina Unwoti Katɔti bunyimi bɔni na úbo-mi ɔda ka ntina-mii ni, lɛ́tina-mii ƒui. Na mɔɔsu-mii nnii bɛdi-mu lɛlɔ ƒui na kalɔ kani bísela bitéti binwini bina kadikɔ mmɔ lɛlɔ.