Lewiƒuɔ Ɔda Bubo 19:18 - Katɔti Ɔku Kedee

¹⁸ “ ‘Tedie likpidi kasi iye ukyuli litemi litakya-a kayi kemmo ku kɔnyi. Mmomu yɔ ƒula ukyulikpana aani ƒula kalɛ.

Lewiƒuɔ Ɔda Bubo 19:18 ပူးပေါင်းရင်းမြစ်များ

Ala Kalɔ Buse 4:23

Limeyi lɛdi ni, Lamek ɔ́su nwuna beleku ɔnini, “Ada ku Sila, bise atu! Mina beleku, binu lɛla lɛni na ndubo-mii bɔsu! Lɛ́du ukyuli ɔdi ka ɔ́wia ka ɔdu-mi ɔsu. Okloƒu na ɔdi na lɛ́du, ka ɔ́ƒiɔ-mi ɔsu.

Samuel 2 13:22

Nsu Absalom útakpete ɔnwani Amnon na ɔsu-nwu ɔnii ɔ́bla lɛbuni iye ɔ́bla likpidi. Mmomu úti-nwu bukisi kpakplaa ɔ́si kalɛ na úbile ɔnwani ulekubi ɔsu.

Samuel 2 13:28

Ɔmmɔ kama ni, Absalom úsie útébo nwuna kabla bablane ɔda na ɔ́su-ma ɔnini, “Binu kaduɛ! Si uwi ɔni na bɛ́nu ka Amnon ɔ́ni ntɛ úkpi na bɔdaku-nwu bɔda ni, ndubo-mii bɔsu nnii, ‘Bibo Amnon bɛva kalɔ.’ Na mmɔ ni, bɛdu-nwu. Na bitayia. Ami nébo-mii ɔda lɛni. Ɔmmɔ ɔsu bise kayi na bɛdi lɛnanabi.”

Kɔgya 103:9

Uládɔnku ukyuli uwi ndi uwi na uléti kɔnyi taakya ukyuli uwi ƒui.

Israelƒuɔ Bɔlɛ 20:16

Tada ukyuli ɔdi kenye.

Agba 20:22

Tasu ukyuli ɔdi anini, “Ndubɔƒɔ-ɔ likpidi lɛni na ábla-mi kayu.” Ya na Unwoti ɔtɛ-ni ute-ɔ.

Lewiƒuɔ Ɔda Bubo 19:34

“ ‘Ɔƒɔ ɔni nkya-a kudɔ ni, nu-nwu aani ƒula lɛlɔ ukyuli kani na ayɔ-nwu aani ƒula lɛlɔ kalɛ, ɔsika amii lɛnɔ bɛ́bla baƒɔ na Egyipte kalɔ dii. Ami ndi Unwoti bina Katɔti.

Mateo 19:16

Na uwi bamba kemmo ni, okloƒu ɔdi úbo Yesu kudɔ na úye-nwu ɔnini, “Ɔtinane, bi ndia na ɔlɛka lɛbla asa na Katɔti ute-mi ngba bɔni nsɔ naaadubo bɔsa kudii?”

Mateo 19:19

bu ƒula ɔti ku ƒula uni, na ayɔ ƒula ukyulikpana aani ƒula lɛlɔ kalɛ.”

Yohane 13:34

“Na ɔƒɛni ni, muubó-mii ɔda ɔwɔdi. Bɛyɔ lɛlɔ! Na kalɛ na ami lɛ́yɔ-mii ni, lɛni kani na ɔlɛka amii lɛnɔ bɛyɔ lɛlɔ.

Batalane Kabla 16:28

Nsu ka Paulo ɔ́nu ɔ́ti lɛla lɛni na ɔ́yɔ ka ɔbla lɛlɔ ɔsu ni, ɔ́kpali-nwu ɔ́su ɔnini, “Tabla! Bula ƒui bɔkya mɛni.”

Romaƒuɔ 12:17

Biteti likpidi bitaƒɔ likpidi kayu. Bɛnu kaduɛ na bitaabla ala ani na ukyuli biala ɔɔnu ka adia.

Romaƒuɔ 12:19

Banwa, bitedie ukyuli likpidi kasi kudii, mmomu bite Katɔti kuƒi na ɔbla nwuna kɔnyi kabla na ukyuli ɔmmɔ lɛlɔ. Ɔsika ni, Katɔti ɔ́su na Bunweni Kedee Ɔku kemmo ɔnini, “Ami Unwoti muudie kasi, na ami ndubɔƒɔ kayu.”

Romaƒuɔ 13:4

Ɔsika Katɔti kabla ɔblane na ɔdi, na ɔɔbla kabla kalɛ na ɔdianku-ɔ. Nsu si bɛɛbla likpidi ni, na ɔdi ka bɛyia-nwu. Ɔsika ɔɔɔdi keeke ɔsu na béte-nwu ɔyikun! Katɔti kabla ɔblane na ɔdi. Na ɔdi ukyuli ɔni mɔɔnu ka bábla lɛla biala ulu lɛlɔ na ɔni likpidi ɔblane biala kɔtu.

Romaƒuɔ 13:9

Ɔda ɔni bébo-bu banii, “Tadi kɔsɔnɔ, tadu ukyuli, teyu, taya na anumi egyie-ɔ na ukyuli ɔdi ala lɛlɔ,” ku ɔda bubo biala nsɔ nkya ɔmɛni kama ni, ɔna ƒui ɔdanku lɛlakpa linwi lɛni ndi, “Yɔ ƒula ukyulikpana aani ƒula lɛlɔ kalɛ.”

Galatiƒuɔ 5:14

Na ɔda bubo bɔmmɔ ƒui kalɔ budie bɔdanku lɛla linwi pɛ. Na ani ndi ka, “Yɔ ƒula ukyulikpana aani ƒula lɛlɔ kalɛ.”

Galatiƒuɔ 5:20

ku lɛƒiɔkpa ku kabɔ bɔdu ku bekyuli bukisi ku kekpo ku bekyuli bani muukpó kogyulo ku kɔnyi buti ku awɔ lɛti lɛkɛ ku unyeƒi ku lɛlɔ bule akpa akpa

Eƒesoƒuɔ 4:31

Livo lɛda-mii buƒi lɛya na bekyuli lɛlɔ. Bɛya na bekyuli ala ada-mii kayi bɔtu aya. Na bɛda kɔnyi buti bɛya. Na bɛda kadɔ bɔdɔ bɛya. Na bɛsɔ bitalɔ lɛlɔ anyikpi. Na bɛsɔ biteti lɛlɔ kasusu biala.

Lɛkpa Ulu 32:25

Na kekpo kalɛ na bekyuli bekpi beyile lɛblɔnu, na liƒula libeyi kɔduli kemmo. Na bakloƒu ku begblebi badubo bukpi. Na banamu ku benengu lɛnɔ balanu-ma kɔnyana.

Lɛkpa Ulu 32:35

Na uwi uletu badubɔnu lɛla lɛni na ɔlɛka banu. Na uwi ɔdubo ɔni na bana ƒui badubo bubuli. Na bana kɔtu bɔni uwi úude.

Koloseƒuɔ 3:8

Nsu ɔƒɛni ni, ɔlɛka bɛda ala amɛni udu bɔbla bɛya. Anya ndi kɔnyi buti ku ala ani mɔɔtu bekyuli kayi ku bekyuli lɛlɔ kasusu kekpidi buti. Na bitalɔ lɛlɔ anyikpi, na bitaya na etemila ani mɔɔyá na ukyuli uusé lɛlɔ alɛ-mii kenye.

Hebriƒuɔ 10:30

Ɔsika bɔgyi anwu ɔni násu ɔnini, “Ami ndubudie ukyuli likpidi lɛni na ɔ́bla kasi na lɛƒɔ-nwu kayu na nwuna kayu kenye.” Anwu kani násɔ ɔ́su ɔnini, “Ami Katɔti ndubɔtɛku mina bekyuli litemi.”

Yakobo 2:8

Na si bɛ́di Katɔti ɔda bubo bunengudi bɔmɛni lɛlɔ ni, bɛ́bla-nwu kaduɛ. Ɔkya Bunweni Kedee Ɔku kemmo ka, “Yɔ ƒula ukyulikpana aani ƒula lɛlɔ kalɛ.”

Petro 1 2:1

Anwuɔsu bɛda kasusu kekpidi ƒui buti na bekyuli lɛlɔ bɛya. Na bɛsɔ bitanyi ɔkɔ iye bɛtɔlɔ bekyuli. Anumi etegyie-mii bekyuli ala lɛlɔ. Na bitalɔ lɛlɔ anyikpi.

Yohane 1 4:21

Na ɔda ɔni na Kristo úbo-bu ndi ka ukyuli biala ɔni mɔɔyɔ́ Katɔti ni, ɔlɛka ɔyɔ nwuna ɔnwa ɔƒɔtaadine lɛnɔ.