Lewiƒuɔ Ɔda Bubo 19:13 - Katɔti Ɔku Kedee

¹³ “ ‘Ɔdi utanya nwuna ɔkpana utakya iye uyu-nwu na ulu ɔdi lɛlɔ. “ ‘Teni ƒula kabla ɔblane nwuna kayu bɔƒɔ na kadi kegye kasia egulabi ammɔ lɛlɔ.

Lewiƒuɔ Ɔda Bubo 19:13 ပူးပေါင်းရင်းမြစ်များ

Hiob 17:5

Ukyuli ɔni mɔɔví nwuna ɔkpana kalɔ kalɛ na ɔkɛ bɔdi ni, nwuna bebi anumi adubɔbwɛ.

Hiob 31:39

Na ńtedie kana edula lɛnɔ ńtadi kalɛ na mina kabla bablane bani geen nátuma-ka bakɛ ku kɔka.

Hiob 7:2

Na útavumanaku kabla ɔblane ɔni na unye ɔgya useyi uwi ɔyuli, iye ɔtumane ɔni na unye ɔgya nwuna lɛyuƒɔla.

Israelƒuɔ Bɔlɛ 20:15

Teyu.

Israelƒuɔ Bɔlɛ 22:13

Na si ebuo ukpidi ɔdi lɛnɔ nádu-nwu ni, ɔlɛka uti ebuo ukpine kakɛ kani nébu ubatina. Na si úbo lɛni ni, utalɛka ebuo ɔdane ɔmmɔ ɔƒɔ kayu kadi ute ebuo ɔlati.

Israelƒuɔ Bɔlɛ 22:15

Nsu si ebuo ɔlati ɔkya asa na ebuo ɔmmɔ úkpi ni, útalɛka ebuo ɔdane ɔmmɔ ɔƒɔ kayu kadi ute ebuo ɔlati. Na si bádi ebuo ɔdi kuye ka utábla kabla kadi ute-nwu asa na ebuo ɔmmɔ úkpi ni, kuye kɔni bádi mmɔ kani na ɔlɛka ɔƒɔ.

Israelƒuɔ Bɔlɛ 22:21

“Na ukyuli ɔdi utabla ɔƒɔ ɔdi kalala, ɔsika binyimo ka amii lɛnɔ bɛ́bla baƒɔ dii na Egyipte.

Israelƒuɔ Bɔlɛ 22:7

“Si ukyuli ɔdi únu kalɔ ka ɔƒɔ ɔkpanadi egulabi ɔda-nwu iye utaanu nwuna akɛla lɛlɔ teete-nwu na egulabi iye akɛla ammɔ abayi na ɔ́nu ukyuli ɔni néyu ala ammɔ ni, ɔlɛka uyune ɔmmɔ ɔƒɔ ala ani náyi mmɔ kayu akpa anyɔ.

Agba 20:10

Unwoti ukisi beyedine bani mɔɔkɔ́ku ala ulu biala lɛlɔ taanya bekyuli taakya.

Agba 22:22

Tasia ulu ɔdi lɛlɔ na eyu bawabane anii kɔwaba kɔda-ma ɔsu. Na tasia ulu ukpidi ɔdi lɛlɔ na akɛ bekyuli bani mɔɔyaki lɛla lɛdi lɛlɔ kɔsia na litemi katɛkɔ.

Agba 3:28

Tasu ƒula ukyulikpana anini, “Teesie, kɔnaadi na ebo abaƒɔ,” si lɛla lɛni na uuvele-ɔ lise-ɔ ɔmwi.

Yeremia 22:13

Unwoti ɔnini, “Ɔga Yehoiakim, bɔbuɛ muute-ɔ awɔdi ɔ́sa! Átu ɔga kesii katu taasia lɛtɔ bonwu bonwu na lɛsia katɔ.

Yeremia 22:3

Na Unwoti ɔnii nsu-ma nnini, “Ami ndi Unwoti, anwuɔsu bise atu na binu! Amii ni, bitete kuƒi na bekyuli bataanya bekpinebi ku bekpinele taakya na beteeyu-ma. Na bitaya na bakɛ kasiakɔ na baƒɔ bani nkya-mii kudɔ lɛlɔ. Na bekyuli bani nátabla likpidi lɛdi iye baaakɛ ku lɛla lɛnɔ ni, bɛgyumana-ma na bitaya na bekyuli bata benye na bekpoku-ma iye badu-ma muedi. Muubó-mii ɔda nnii bɛbla ala ulu lɛlɔ, na bɛnu ka bɛɛtɛ etemila siin. Na bidie bani na bánu anumi bátɛ-ma etemila na ulu ukpidi lɛlɔ.

Esekiel 18:7

Na ulanya ukyuli taakya iye uyu ɔdi lɛnɔ. Na lɛla biala na ukyuli ɔdi úti úse lɛlɔ kama úte-nwu asa na úvo lɛla lɛdi ni, ɔɔsɔku-ni teete-nwu. Na uleyu bekyuli. Na uute bawabane adila. Na bani nkɛ ku kasɔngya ni, uute-ma adala.

Esekiel 22:12

Bina badi bɛɛƒɔ́ egulabi ka bɛdu ukyuli. Na biivó egulabi teete bina Israelƒuɔ banwani taaƒɔ́ kuvonsia bonwu na bɛɛsia ɔmmɔ lɛlɔ taawia lɛkɛ teese lɛlɔ. Na ɔni nébie utulo ƒui ndi ka bɛ́yiƒala ami Unwoti Katɔti.

Esekiel 22:29

Na bekyuli bammɔ beeyu ama alati bana lɛlɔ na baanya bekyuli taakya. Na beedumi bawabane na baanya bawabane ku baƒɔ taakya taakɛ-ma lɛlɔ kɔsia.

Lewiƒuɔ Ɔda Bubo 25:14

“ ‘Si ɔdi úti nwuna kalɔ úye iye úye kalɔ kadi ɔ́siku ɔkpanadi kudɔ ni, bitanya lɛlɔ bitakya bɛnii bɛɛsia ɔkpanadi lɛlɔ bɛkɛ kɔsia.

Lewiƒuɔ Ɔda Bubo 25:17

Na ɔdi utanya ɔkpanadi utamana ka ɔkɛ ɔkpanadi lɛlɔ kɔsia kɔni nátamanku. Mmomu biti ɔbu ku bɔyia geen bite Katɔti. Ami ndi bina Unwoti Katɔti.

Lewiƒuɔ Ɔda Bubo 6:3

iye ɔ́kɛ ukyuli ɔdi lɛla lɛdi, nsu útaƒɔ enu ka béye-nwu, mmomu ɔ́nyi ɔkɔ ɔ́kpali ala ka útanu lɛla lɛmmɔ. Ukyuli ɔni nábla ala amɛni ɔdi ɔ́bla likpidi.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Mateo 20:8

“Amu uwi ɔni na lɛdɔ ɛku líbo ni, kemo ɔlati ɔmmɔ ɔ́su batumane bammɔ lɛlɔ ɔnune ɔnini, ‘Lɔ batumane bammɔ ƒui na aƒɔ-ma kayu. Na ese kalɔ asi bekyuli bekplodi lɛlɔ atálɛ bedeedi lɛlɔ.’

Marko 10:19

Agyi Katɔti ɔda bubo bɔmmɔ ƒui. Tadu ukyuli, tadi kɔsɔnɔ, teyu, tada ukyuli ɔdi kenye, tatɔlɔ ukyuli na aƒɔ-nwu ala, bu ƒ'ɔti ku ƒ'ini.”

Luka 3:13

Amu na Yohane ɔ́su-ma ɔnini, “Bitaƒɔ kuyi bitetulo lɛla lɛni na ɔda bubo búte ulu bɔ́wɔ.”

Tesalonikaƒuɔ 1 4:6

Ɔkɛnku ɔmɛni lɛlɔ ni, ɔdi biala lɛnumi litegyie na ɔnwani ulekudi lɛlɔ kalɛ na waƒiɔ-nwu. Bɔ́su-mii na bɔ́lɛ-mii na ɔmɛni lɛlɔ búse kpakplaa ka ni, Blɔti ɔdubɔni bani mɔɔbla ala amɛni kɔtu geen.

Timoteo 1 5:18

Ɔsika básu na Bunweni Kedee Ɔku kemmo banini, “Tenyimi ebuo ɔni muuwile edula teete-ɔ kenye si unye kabla lɛlɔ.” Lɛnɔ ni, “Ɔlɛka kabla biala ɔblane ɔkɛ nwuna kabla lɛlɔ lɛyuƒɔla.”

Yakobo 5:4

Bɛnu! Kabla bablane bani nkya bina mmo ni, bíni na bítaƒɔ-ma kayu. Binu kalɛ na beewulo kɔnyana momoomo. Na bana keku kédu Katɔti, Bula Unwoti Ɔyikune Ƒui kudɔ.