Lewiƒuɔ Ɔda Bubo 18:27 - Katɔti Ɔku Kedee

²⁷ “ ‘Ala amɛni udu na bekyuli bani nágyu batɔ bélie kalɔ kamɛni kemmo bábla na bébile kalɔ kammɔ na keesé lɛlɔ.

Lewiƒuɔ Ɔda Bubo 18:27 ပူးပေါင်းရင်းမြစ်များ

Baga 1 14:24

Na bebo banana na bakya aƒiodu ammɔ na benye bete lɛyalɛ ala bɔbla kani na kalɔ kammɔ ƒui lɛlɔ. Na Israelƒuɔ ƒui béti lɛlɔ béte ala ani muusé lɛlɔ bɔbla aani kalɛ na bekyuli bani na Unwoti ɔ́bɔku ɔ́lɛku kalɔ kammɔ lɛlɔ na Israelƒuɔ anumi baabla.

Baga 2 16:3

Na ɔ́siaku Israelƒuɔ baga bedeedi ɔbladu ukpidi kama na úti ubidi muedi ɔ́kyula ɔ́kpa úte baƒiɔ, na ɔkɛ ɔsiaku kadi bekyuli bekpidi bani na Unwoti ɔ́bɔku ɔ́lɛku-ma anumi mmɔ ɔbladu kama.

Baga 2 21:2

Na ɔ́siaku kadi bamba bekyuli ɔbladu ukpidi kama ama bani na Unwoti ɔ́ka bɔbɔku ɔ́tɔnku uwi ɔni na Israelƒuɔ békpo bésela anumi. Ɔmmɔ ɔsu ɔ́bla likpidi na Unwoti anumi.

Ala Alɛdi 2 36:14

Yuda kadi bekyuli ku bana bakpane bani ndi bana batɔnkune ƒui muedi béni ka badi Unwoti litemi lɛlɔ siin. Na bakɛ basiaku kadi bekyuli bani ablala muusé Katɔti lɛlɔ mmɔ ɔbladu kama na báya na Unwoti kakpakɔ kedee kammɔ keesé lɛlɔ na kásɔ kátamanku ka bakpa na mmɔ.

Esekiel 16:50

Bákali ka bádia betulo ukyuli biala na baabla ala ani na nkisi. Anwuɔsu na lɛ́yila-ma udu.

Esekiel 22:11

Na baatɛnku bana bakpana beleku na bani lɛnɔ baatɛnku bebi bele iye batibi muedi.

Hosea 9:10

Unwoti ɔnini, “Bɔnu na lɛ́nu amii Israelƒuɔ lídie aani kɔdingyii ebi na kalɔ kakwiidi kadi kemmo, na lɛ́nu bina bati kuuku aani kɔnwingyie ebi edeedi ani náka bɔnwu. Nsu Baal-Peor baƒiɔ bani muusé lɛlɔ na bísie bɛɛkpá. Anwuɔsu na amii lɛnɔ biisé lɛlɔ aani baƒiɔ bani na bɛɛyɔ́ mmɔ kalɛ.

Lewiƒuɔ Ɔda Bubo 18:24

“ ‘Na ɔdi biala utabla ala ani muusé lɛlɔ mɛni udu, ɔsika ana udu na kadi bekyuli bani na ndubo bɔbɔku budie bina anumi bábla bébile lɛlɔ na beesé lɛlɔ.

Lewiƒuɔ Ɔda Bubo 18:26

Nsu amii amu ni, bɛdi mina ɔda bubo ku bunyimi ƒui lɛlɔ amii ku baƒɔ bani ƒui nkya-mii akɔ na bitabla ala ani muusé lɛlɔ mɛni udu.

Lewiƒuɔ Ɔda Bubo 18:28

Anwuɔsu si amii lɛnɔ bíbile kalɔ kammɔ ni, ndubo-mii bɔbɔku budie kalɛ na lɛ́bɔku-ma aani kalɛ na ukyuli ɔɔdala lɛla biala teedie kaƒɔ kemmo.

Lɛkpa Ulu 20:18

Bɛyila-ma udu kalɛ na balátɔlɔ-mii na bitaabla ala ani muusé-nwu lɛlɔ ɔkɛnku bana lɛƒiɔkpa ablala lɛlɔ. Na ɔdi uláƒiɔ bina Unwoti Katɔti.

Lɛkpa Ulu 23:18

Ɔƒɛni egulabi biala na ukyuli ɔmɛni udu ɔdubɔkɛ na kabla kani na ɔɔbla mɛni kemmo ni, uteti egulabi ammɔ adi uteboku bina Unwoti Katɔti kakpakɔ ɔnii ubedie lili na kenye kani na úse ɔsu. Ɔsika Katɔti bayalɛ beesé Katɔti lɛlɔ.

Lɛkpa Ulu 25:16

Ɔsika Unwoti ulayɔ ukyuli ɔni mbo kasisi na ɔɔnu ukyuli anumi ƒui na ɔɔnya-nwu taakya.

Lɛkpa Ulu 27:15

“ ‘Ewida asiaku ukyuli ɔni nánwi iye ɔ́vɔ baƒiɔ badi na úti ɔ́bla lɛla lɛni muusé Unwoti lɛlɔ. Ɔsika lɛla ndi lɛla lɛni udu na ukyuli úti nwuna kɔnu ɔ́bla úse úte lɛlɔ na bɔbɛ kemmo ni, ɔ́ƒiɔ Katɔti.’ Na ɔlɛka bekyuli bammɔ ƒui basu banii, ‘Ɔsia lɛni.’