Lewiƒuɔ Ɔda Bubo 18:25 - Katɔti Ɔku Kedee

²⁵ Kalɔ kammɔ muedi bébile-ka, anwuɔsu mina lɛtuni líbo-ka lɛlɔ na lɛ́bɔku lɛla biala lídie aani kalɛ na ukyuli ɔɔdala lɛla biala teedie.

Lewiƒuɔ Ɔda Bubo 18:25 ပူးပေါင်းရင်းမြစ်များ

Baga 1 21:26

Na nwuna ekpidi ani na ɔ́bla ni, kenye káyu ɔkplu geen na adanku lɛƒiɔkpa aani kalɛ na Amoriƒuɔ bábla kalɛ. Na ama na Unwoti ɔ́bɔku ɔ́lɛku kalɔ kammɔ lɛlɔ na Israelƒuɔ anumi.

Esra 9:11

bɔni na éti ásiaku ƒula kabla bablane bani ndi ƒula kenye bediene lɛlɔ anini, ‘Kalɔ kani kemmo na bísela buduo na biti-ka binwini bina kadi mɛni ni, bekyuli bani nákya-ka kemmo bébile-ka ku bana likyulikpi ala bɔbla na ala ani muusé lɛlɔ áƒɔ-ka ƒui tɛɛ ɔ́si ɔvi unwi úsie ɔkladi.

Kɔgya 106:38

Bebi bani naaagyi lɛla lɛdi ubugya na beewi kalɔ. Na báya na kalɔ kammɔ ƒui keesé lɛlɔ.

Kɔgya 89:32

ndubo-ma kɔtu bɔni na bana ekpidi ɔsu.

Yesaia 24:5

Bekyuli bébile kayawi kammɔ na keesé lɛlɔ. Bátadi ɔda bubo bɔmmɔ lɛlɔ, na báta bénye litemi lɛmmɔ lɛlɔ, na bébile Katɔti bunyimi bɔni nnye nte uwi ƒui mmɔ.

Yesaia 26:21

Ɔsika Unwoti ɔ́si ɔdubo na ubani kayawi bekyuli ƒui kɔtu na bana ekpidi ɔsu. Na kalɔ kammɔ kadubɔsu ubugya ɔni na bekyuli bádu béwi-ka lɛlɔ. Na ɔsɔ ulakana ɔdi bɔbɛla lɛnɔ.

Yeremia 14:10

“Mina bekyuli, bɛɛyɔ́ ka bitaagyú lɛgba taatɔlɔ-mi kudɔ uwi ndi uwi na bilakya ɔkplu ka bɛni bide-mi. Anwuɔsu ɔƒɛni ni, ami lɛnɔ ndubo-mii atu budie. Na lɛni-mii kɔtu na bina ekpidi ani na bɛ́bla ɔsu. Ami Unwoti násu.”

Yeremia 16:18

Ndubo-mii kɔtu bɔni bɔsia kama kunyɔ kunyɔ na bina ekpidi ɔsu, ɔsika bɛ́ya na mina kalɔ kammɔ keesé lɛlɔ. Na bítágyu ala ani neeebo ngba bíbalɛ bɛnii baƒiɔ na si mɔɔnu-nya ni, buse na bese-mi aani bekpine.”

Yeremia 2:7

Lɛ́kpanku-mii líboku kalɔ kani na ala abuni áƒɔ-ka pii mɛni lɛlɔ, kesii kani na egyiibi abuni ku ala abuni akya na bɛkɛ bɛdi, nsu bɛ́bla na kalɔ kammɔ keesé lɛlɔ na bina ekpidi bɔbla ɔsu.

Yeremia 23:2

Amii na nka ɔlɛka bɛnu mina bekyuli lɛlɔ, nsu bunwini na bínwini bɛ́bi bɛsiaku-ma na bɛɛbɔku-ma taatɔlɔku mmomu. Anwuɔsu ami ɔlati ndubo-mii bɔda ɔƒɛni amu na mɔɔsu-mii geen ka bɛdubo bina ekpidi biala kayu bɔƒɔ!

Yeremia 5:29

Ɔlɛka bani-mii kɔtu, anwuɔsu ndubo-mii kasi budie.

Yeremia 5:9

Bi ɔsu na útalɛka lɛni Yuda kadi bekyuli kɔtu?

Yeremia 9:9

Lɛ lɛla lɛdi lɛnumi te-mi na ɔdi kasusu kabuni kani ɔsu na bekyuli bamɛni bátamanku kɔtu bɔni? Ami Unwoti Ɔyikune Ƒui nátɛmi.

Hosea 2:13

Na ndubo-nwu kɔtu bɔni na uwi ɔni na úti ɔ́kpa Baal baƒiɔ na ɔ́kyula oloƒui úte-nwu kenye. Na ndubo-nwu kɔtu bɔni na uwi ɔni kemmo na údie-mi atu na ɔ́yiƒala-mi na úye kɔkwɛnimi ku asɛɛ lidu ɔ́kya atu ku limɔ ka ɔɔwia ka nwuna basɔnɔ bataayɔ-nwu ɔsu. Ami Unwoti nébimi kenye lɛ́su, na ndubo bɔbla bɔsiaku lɛni!

Hosea 8:13

Bɛɛdú bina bebuo babuni ƒui taabla akpala na bɛɛdi akpala ammɔ lɛnɔ, nsu ami Unwoti anwu muuní bina akpala ammɔ. Mina anumi adubɔsia bina ekpidi lɛlɔ na lɛni-mii kɔtu na bɛsɔ binwini bisie Egyipte.

Hosea 9:9

Bibo kalala na ɔkɔ ala bɔbla bɔ́ƒɔ-mii lɛlɔ kemmo ƒui aani Gibea ɔma bekyuli. Nsu Unwoti anu asia bina ekpidi ƒui lɛlɔ na ɔdubo-mii kɔtu bɔni.

Lewiƒuɔ Ɔda Bubo 18:26

Nsu amii amu ni, bɛdi mina ɔda bubo ku bunyimi ƒui lɛlɔ amii ku baƒɔ bani ƒui nkya-mii akɔ na bitabla ala ani muusé lɛlɔ mɛni udu.

Lewiƒuɔ Ɔda Bubo 18:28

Anwuɔsu si amii lɛnɔ bíbile kalɔ kammɔ ni, ndubo-mii bɔbɔku budie kalɛ na lɛ́bɔku-ma aani kalɛ na ukyuli ɔɔdala lɛla biala teedie kaƒɔ kemmo.

Romaƒuɔ 8:22

Na bɔgyi ka úti úbedu uwi ɔmɛni kemmo ni, ala ani na Katɔti údie ƒui eedumo geen aani uleku ɔni ntɛ kɔwɔ.

Lɛkpa Ulu 18:12

Na ukyuli biala na meti lɛlɔ mete ala amɛni udu bɔbla ni, ɔdubuse Katɔti lɛlɔ, ɔsika ala ammɔ udu adi ekisila ete bina Unwoti Katɔti. Na ɔmɛni ɔsu na ɔdubɔku kadi bammɔ bekyuli na bina anumi.

Lɛkpa Ulu 21:23

utalɛka ukpine ɔmmɔ ɔƒa mmɔ ugye kadi. Ɔlɛka bava-nwu limeyi lɛmmɔ kani. Si ɔɔɔdi lɛni ni, bɛdububile kalɔ kani na bina Unwoti Katɔti úti uute-mii mmɔ. Ɔsika ukyuli ɔni na báƒala-nwu ugyii lɛlɔ ɔdanku Katɔti ewida.

Lɛkpa Ulu 9:5

Na ɔɔɔdi ka bɛdi bekyuli babuni na bɛɛbla ala ani nse siin ɔsu na Unwoti ɔ́ya na bísie bitéti bana kalɔ bínwini bina kadikɔ. Mmomu Unwoti ɔdubo-ma bɔbɔku, ɔsika bekyuli bammɔ badi bekyuli bekpidi. Na ka ɔɔyɔ́ ka ɔdi nwuna linyese lɛlɔ ute bina bati kuuku bani ndi Abraham ku Isak ku Yakob lɛnɔ ɔsu na ɔɔbɔku bekyuli bammɔ.