Lewiƒuɔ Ɔda Bubo 18:21 - Katɔti Ɔku Kedee

²¹ “ ‘Útalɛka ukyuli ɔdi uti ubidi iye uwɔ ute na beti bakpa bete Molek baƒiɔ na ɔya na balabu Katɔti lɛnyi na liteese lɛlɔ, ɔsika ami ndi Unwoti.

Lewiƒuɔ Ɔda Bubo 18:21 ပူးပေါင်းရင်းမြစ်များ

Baga 1 11:33

Ndubo ɔmɛni bɔbla, ɔsika béni-mi na bésie bátákpa Sidonƒuɔ baƒiɔ bani ndi Astarot ku Moabƒuɔ baƒiɔ Kemos ku Amonƒuɔ baƒiɔ bani ndi Milkom. Na bátasia mina ulu lɛlɔ iye babla ala ani nse siin na mina anumi iye badi mina ɔda bubo lɛlɔ aani kalɛ na Salomo ɔti Dawid ɔ́bla kalɛ.

Baga 1 11:7

Na kɔbi kɔdi na kɔkya Yerusalem ɔƒɛ katukɔ ni, Salomo ɔ́tu ɔtɔ úte Moabƒuɔ baƒiɔ bani baalɔ banii Kemos ku Amonƒuɔ baƒiɔ bani muusé lɛlɔ na baalɔ-ma bani Molek.

Baga 2 16:3

Na ɔ́siaku Israelƒuɔ baga bedeedi ɔbladu ukpidi kama na úti ubidi muedi ɔ́kyula ɔ́kpa úte baƒiɔ, na ɔkɛ ɔsiaku kadi bekyuli bekpidi bani na Unwoti ɔ́bɔku ɔ́lɛku-ma anumi mmɔ ɔbladu kama.

Baga 2 17:31

na Awiƒuɔ bávɔ Nibhas ku Tartak baƒiɔ, na Seƒarwiƒuɔ beeti bana bebi taabla bɔkyula akpala teete Adramelek ku Anamelek baƒiɔ bani nási Seƒarwaim.

Baga 2 21:6

Na úti ubidi lɛnɔ ɔ́bla bɔkyula akpala. Na uusé bevone ku like bebone kudɔ. Na uusié teetéye ala lɛnɔ teenu. Ɔmmɔ ɔsu ɔ́bla likpidi na Unwoti anumi na ɔ́kya Unwoti kɔnyi.

Baga 2 23:10

Na Ɔga Yosia ɔ́sɔ úbie Toƒet ɔni nnkya Hinom Kɔwɛ kalɛ na ukyuli biala ɔ́sɔ ulákɛ kuƒi na uti ubidi ulekubi iye ɔnanabi utábla bɔkyula akpala ute Molek baƒiɔ lɛnɔ.

Ala Alɛdi 2 28:3

Ɔ́bla akpala úte ala bamba na kesii kani baalɔ banii Ben-Hinom Kɔwɛ kemmo. Na ɔni na utulo ƒui ndi ɔni na ɔsiaku kadi bamba ɔbladu kama na úti ubidi ɔnanabi ɔ́kyula ɔ́kpa. Na ɔmmɔ ɔdi lɛla lɛni muusé Katɔti lɛlɔ geen. Anwuɔsu na ɔ́bɔku-ma ɔ́lɛku Israel kɔlɔ kemmo.

Yeremia 32:35

Na báya na Yuda lɛnɔ únwini alaekpidi ɔblane, ɔsika bátu ekpo ekpo bálɛ Ben-Hinom Kɔwɛ kemmo ka bataakpa Baal baƒiɔ. Na béti mmɔ bénwini kesii kani na baadú bana bebi bananabi ku belekubi taakyula taakpa Molek baƒiɔ. Na ami ńtabla kasusu kamɛni udu kudii muedi ka babla ɔmɛni udu bete-mi.

Yeremia 7:31

Bɛ́tu akpabi bɛ́lɛ Toƒet na Hinom Kɔwɛ kemmo kesii kani na bɛɛdú bina bebi taakyula taabla akpala teete baƒiɔ. Na ami lɛɛɛdubo kasusu bɔbla nnii mɔɔsu-mii na bɛbla lɛla lɛmɛni udu.

Esekiel 20:26

Na lɛ́ya na baabla akpala ani nátamanku na beeti bana bebi bananabi bedeedi muedi taakpa. Nsu lɛ́bla-ma ala amɛni kalɛ na liƒu lɛƒɔ bana keliela ƒui kemmo na bati lɛnɔ ka ami Unwoti mɔɔní-ma kɔtu.

Esekiel 20:31

na baakpá baƒiɔ na beeti ama alati bana bebi taabla akpala teete baƒiɔ bammɔ. Ala ekpidi amɛni udu na benye baabla na basɔ baakali ka bebenu-mi kenye kadi. Nsu ɔni na ndi Unwoti Katɔti na nli uwi ƒui mɛni ni, lɛɛɛdubo-ma kenye kadi budie bute.

Esekiel 23:37

Bálɛ-mi kama na baakpá baƒiɔ. Na bádu bekyuli na uwi ɔni na béti bana bebi bani na báwɔ béte-mi bákpa béte baƒiɔ bammɔ ɔsu.

Lewiƒuɔ Ɔda Bubo 19:12

“ ‘Ɔdi utakpali-mi lɛnyi keeke na ubile ami bina Katɔti lɛnyi. Ami ndi Unwoti.

Lewiƒuɔ Ɔda Bubo 21:6

Ɔlɛka babla lɛlɔ kedee bete Katɔti na balabla lɛla lɛdi belebile bana Katɔti lɛnyi, ɔsika ama muuti akpala ani na bákyula teete Unwoti ani ndi Katɔti adila. Anwuɔsu ɔlɛka babla kedee.

Lewiƒuɔ Ɔda Bubo 22:2

“Su Aaron ku nwuna bebi anii beti ɔbu geen bete ala kedee ani na Israelƒuɔ béboku na bábla-nya sɛsɛɛ béte-mi kalɛ na belebile-mi lɛnyi kedee. Ami ndi Unwoti.

Lewiƒuɔ Ɔda Bubo 22:32

Bitebile-mi lɛnyi kedee. Ɔlɛka amii Israelƒuɔ bɛnu-mi bɛti ka nse kedee. Ami ndi Unwoti ɔni náƒuna-mii sɛsɛɛ ka bise-mi kedee,

Lewiƒuɔ Ɔda Bubo 24:15

Na Unwoti ɔ́sɔ ɔ́su Mose ɔnini, “Su Israelƒuɔ anini, ‘Si ukyuli ɔdi úwida nwuna Katɔti badubo-nwu kɔtu bɔni.

Amos 2:7

Na bébo bawabane báva kalɔ na bédi bani na mɔɔwia kebunku bése kɔmadɔ. Na báya na bekyuli balábu mina lɛnyi lɛni nse kedee, ɔsika ubi ku ɔti ƒui baatɛ ugblebi unwi kudɔ na baayá na mina lɛnyi liisé lɛlɔ.

Amos 5:26

Mmomu bɛ́gyu Molek lɛbi ku Romƒa ayabi ani ndi baƒiɔ bani na bɛ́vɔ bíse bɛnii bitaakpa bíti.

Mika 6:7

Baƒonu mpim mpim ndubɔda-a kubiti? Munuu nnɔmii ƒɛƒɛɛ na muuti liboku na butaagba aani ketu na ɔdubɔƒɔ-ɔ anu? Munuu mina ubi ɔnanabi udeedi na ndubuti lɛkpa-a na mina ekpidi bonwu lili na ɔƒɔ-ɔ anu?”

Malakai 1:12

“Nsu amii bakpane muedi muudumi-mi taasu bɛnini, ‘Bulánu lɛla lɛni náƒɔ kuye na Unwoti lɛkpabi lɛmmɔ lɛlɔ, na akpala ammɔ lɛnɔ eesé-bu lɛlɔ!’

Batalane Kabla 7:43

Mmomu bɛ́gyu Molek lɛbi ku Romƒa ayabi ani ndi baƒiɔ bani na bɛ́vɔ bíse bɛnii bitaakpa bíti. Anwuɔsu ndubɔya na beƒie-mii besienku ɔgyu kakaaka na Babilon kama ngye ƒui.’

Romaƒuɔ 1:23

Na báda Katɔti ɔni nli ngba uwi ƒui bɔkpa báya, na beemwi ala abambadi ani muukpi mmomu. Bábla ala amɛni aani ukyuli iye baasɛ iye bebuo iye bebuo bani mɔɔkpɛ́ kalɔ aani balakpi udu. Na bése-ma béte lɛlɔ aani baƒiɔ.

Romaƒuɔ 2:24

Na Bunweni Kedee Ɔku kemmo ni, básu banii, “Amii Yudaƒuɔ udunkpi náya na bani naaadi Yudaƒuɔ baalɔ Katɔti lɛnyikpi.”

Lɛkpa Ulu 12:31

Na bitakpa bina Unwoti Katɔti na ulu ɔni lɛlɔ na baakpá bana baƒiɔ. Ɔsika ulu ɔni lɛlɔ na baakpá bana baƒiɔ ni, ɔdi lɛla lɛni muusé Katɔti lɛlɔ na uláwia ulanu. Ɔsika baakana na beeti bana bebi taakpa lɛgyavonku kemmo na bana akpabi lɛlɔ.

Lɛkpa Ulu 18:10

Na ɔdi uteti ubidi utatákya ogya kemmo ɔnii uuti-nwu ɔkpa. Na bitatɛya kalɛ na beesié teetéye ala teenu. Iye utenwini ukyuli ɔni muubó like iye unwini kabɔ ɔdune iye