Lewiƒuɔ Ɔda Bubo 17:7 - Katɔti Ɔku Kedee

⁷ Na básɔ batabla akpala adi betete bese udu baƒiɔ bani na bakɛ basiaku aani kalɛ na bayalɛ baabla. Na ɔda bubo bɔmɛni buse bute amii ku bina kaba ɔ́si ɔƒɛni úsela uwi ƒui.’

Lewiƒuɔ Ɔda Bubo 17:7 ပူးပေါင်းရင်းမြစ်များ

Ala Alɛdi 2 11:15

Yeroboam ɔlati ɔ́ƒuna nwuna bakpane bani mɔɔkpá na kadi bamba baƒiɔ bani na bése béte lɛlɔ na abi eli mmɔ lɛlɔ na Israel kalɔ lɛlɔ na ekpo ani na ɔ́tu bese ku ɔmantɛ bakɔ bebi ayu ekpidi baƒiɔ ɔ́lɛ mmɔ.

Kɔgya 106:37

Na beeƒie ama alati bebi bananabi ku belekubi muedi taadu teeti taakpa Kanaan baƒiɔ.

Kɔgya 106:39

Na bana ɔbladu ɔmmɔ ɔsu ama alati lɛnɔ beesé lɛlɔ. Na ɔmɛni ɔ́tina ka bálɛ Katɔti kama.

Israelƒuɔ Bɔlɛ 22:19

“Ukyuli biala na anwu ku ebuo ɔdi bátɛ ni, ɔlɛka badu ukyuli ɔmmɔ.

Israelƒuɔ Bɔlɛ 22:20

“Ukyuli biala matábla akpala mete unwoti ɔdi ɔni na ɔɔɔdi Katɔti ni, ɔlɛka badu-nwu.

Israelƒuɔ Bɔlɛ 27:21

Na beti asogya ɔmmɔ balɛ Adi Kevo kemmo kesii kani na mɔɔsiáku-mii mmɔ ku aduni ani nƒa mmɔ anumi asa na adubuduo adaka ɔmmɔ kudɔ. Na Aaron ku nwuna bebi banu ka lɛsogya lɛmmɔ ƒui lɛɛda na Unwoti anumi mmɔ ɔ́si useyi uwi útálɛ kadi bugye. Ɔmɛni ɔdi bunyimi bɔni na Israelƒuɔ ɔdi ka bese likpo na bataadi-mu lɛlɔ uwi ndi uwi.”

Israelƒuɔ Bɔlɛ 32:8

Báyila ulu geen ɔni na líbo-ma ɔda nnii basia mmɔ lɛlɔ. Na béti sika ugyiedi bávɔ ɔmantɛ akɔ na baakpá-nwu na baabla akpala teete-nwu. Na baasu banini, ‘Ɔmɛni ndi bula Katɔti ɔni nákpanku-bu ɔ́lɛku Egyipte kalɔ lɛlɔ.’

Israelƒuɔ Bɔlɛ 34:15

“Na awɔ ku kadi bamba bekyuli badi bitenyimi bunyimi bɔdi. Ɔsika si baakpá bana baƒiɔ na baabla akpala teete-nwu ni, badubo-ɔ bɔlɔ na ɔmɛni ɔdubunwini ala ani ndubo-ɔ bukpoku na adubɔdi bana adila.

Yeremia 3:1

“Si ɔnana ɔdi ɔ́nyonu ulekudi na uleku ɔmmɔ úsie útélie kɔgya bamba ni, buti na ɔgyani udeedi ɔmmɔ ɔdubɔsɔ ɔkana-nwu buti? Oowo, ɔsika ɔmmɔ ɔdububile kalɔ kammɔ. Nsu bise aani bayalɛ na bibo basɔnɔ bayɔne pii na bɔlɛ na ɔ́lɛ ka bɛsɔ binwini bibo-mi kudɔ ɔƒɛni amu? Lɛni na Unwoti ɔ́su.

Esekiel 23:3

Uwi ɔni na bétedu tɔ begblebi na bákya Egyipte kalɔ lɛlɔ ni, bénwini bayalɛ.

Esekiel 23:8

Ɔ́si ɔni kani na úse lɛla lɛmɛni kalɔ na Egyipte ni, anwu kani na ɔmu unye-nwu lɛlɔ mɛni na útada útaya tɔ kudii. Banana bátɛnku-nwu kalɛ kalɛ, nsu ɔmmɔ ƒui útedu-nwu ɔkwɛ na ɔmu unye ɔɔnu ulu teete bamamba uwi ndi uwi.

Lewiƒuɔ Ɔda Bubo 17:8

“Na bɛsu Israelƒuɔ ku kadi bamba bekyuli bani nli-mii akɔ ka si ɔdi ɔ́sɔ ɔ́bla akpala bɔkyula adi iye úti etela adi úsienku kesii bamba kadi

Lewiƒuɔ Ɔda Bubo 20:5

na ami Unwoti ɔlati ndubuti mina lɛnumi lɛlɛ ukyuli ɔmmɔ ku nwuna kaduli bekyuli lɛlɔ na likulo-ma lidie bina akɔ. Ndubukulo ukyuli ɔmmɔ lidie-mii akɔ ku bani ƒui nsiaku-nwu na béti lɛlɔ bénwini aani bayalɛ na básiaku Molek baƒiɔ bammɔ.

Lewiƒuɔ Ɔda Bubo 3:17

“ ‘Na ɔmɛni ɔdi ɔda ɔni na muubó-mii úti úsela bina kaba kaba kemmo bawɔ ƒui akɔ. Na kesii biala bɛdubulie ƒui ni, bitadi lɛmwi lɛdi biala iye ubugya biala.’ ”

Yohane 12:31

“Ɔƒɛni na uwi údu ka Katɔti ɔdu kayawi kamɛni bekyuli kɔtɔ. Na Katɔti ɔdubɔbɔku kayawi kamɛni lɛlɔ ɔdine ɔlɛku nwuna lɛga kadikɔ.

Yohane 14:30

Nsɔ naaakana-mii bɔtɛmiku gyɔlɔɔ. Ɔsika ukyuli ɔni mɔɔdi kayawi kamɛni lɛlɔ ni, ɔ́si ɔdubo. Na uuubo ɔyikun ɔdi na mina lɛlɔ.

Korintoƒuɔ 1 10:20

Oowo! Lɛla lɛni na mɔɔsu-mii ni, ani ndi ka ala ani na béti bákpa na akpabi amɛni lɛlɔ ni, béti-nya bákpa béte ayu ekpidi, na ɔɔɔdi Katɔti. Na naaawia-mii nnii bɛbla unwi ku ayu ekpidi amɛni.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Eƒesoƒuɔ 2:2

Na bɛ́siaku kayawi ala ekpidi kama ku ukisine ɔni mɔɔdi ayu ekpidi ƒui lɛlɔ na kayaa, na anwu kani mɔɔdi batuɔkplune ƒui lɛlɔ ɔƒɛni.

Lɛkpa Ulu 31:16

Amu na Unwoti ɔ́su Mose ɔnini, “Adubo bukpi. Na ƒula kekpima ni, bekyuli bamɛni badubo-mi kama bɔlɛ na bata benye ɔda ɔni na líbo-ma lɛlɔ. Badubo-mi bɔda buse na besie batátaakpa kadi bamba baƒiɔ na kalɔ kani lɛlɔ bésela betélie mmɔ lɛlɔ.

Lɛkpa Ulu 32:17

Bádu bebuo bákpa béte baƒiɔ bani naaadi ku lɛla, baƒiɔ bani bana bati kuuku baaagyi kudii, baƒiɔ bani na Israel úni ka balakpa kudii.

Budie Taatina 9:20

Bekyuli bakladi bani ƒui nétekpi na alakpa atɛ ani ndanku kukpi mmɔ kemmo ni, béténwini kama bátákya ala ani na ama alati béti bana enu bábla bése béte lɛlɔ ka bataakpa. Ala amɛni adanku ayu ekpidi ku bana baƒiɔ bani na béti sika ugyiedi ku ɔƒualadi bávɔ ku kalɔ kemmo abuala ku atabi ku egyii ani na bánwi. Nsu ala amɛni ƒui ni, alánu na elenu na elesie muedi!