Lewiƒuɔ Ɔda Bubo 17:5 - Katɔti Ɔku Kedee

⁵ Na lɛla lɛni na ɔmɛni ɔdanku ndi ka akpala ani na Israelƒuɔ bátaabla na kesi kesii ni, beti-nya beboku ɔkpane na Unwoti anumi ɔƒɛni amu na Kevo Kasakɔ kayakun kenye na beti babla unwi bɔbla akpala.

Lewiƒuɔ Ɔda Bubo 17:5 ပူးပေါင်းရင်းမြစ်များ

Ala Kalɔ Buse 21:33

Na Abraham ɔ́lɛ ɔyuli kugyii kɔdi na Beer-Seba mmɔ. Na mmɔ na ɔ́kpali Katɔti lɛnyi ɔnii, Unwoti, Uwi Ƒui Katɔti.

Ala Kalɔ Buse 22:13

Amu ka Abraham ɔ́talaku anumi ɔɔnu ni, ɔ́nu koƒonu kɔgyani bonwu kɔdi ka kunye na kuna ese ábala kugyii kɔdi kɔgba. Amu na úsie útédie koƒonu kɔmmɔ na úti-ku ɔ́kpa ɔ́bla akpala na ubidi ɔmmɔ kenye.

Ala Kalɔ Buse 22:2

Amu na Katɔti ɔnini, “Ta na eti ƒ'ubidi Isak unwi pɛ ɔni na aayɔ́ mmɔ, na eteesie Moria kalɛkɛ lɛlɔ. Mmɔ ni, tádu-nwu na akyula-nwu eti abla akpala ete-mi na kɔbi kɔni matina-a lɛlɔ.”

Ala Kalɔ Buse 31:54

Na ɔ́bla akpala na kalɔ kammɔ lɛlɔ na abi lɛlɔ mmɔ. Na ɔ́lɔ anwu badi ƒui ka bebo babadi. Na ka bádi báwɔlɔ ni, bátɛ mmɔ.

Baga 1 14:23

Bátu akpabi ekpo ekpo na bálɛ atabi ani banii ese kedee ku lɛƒiɔgyii béte Asera baƒiɔ na abi ƒui eli ku egyii enengudi ani nábla ɔyuli kaduɛ kalɔ.

Baga 1 3:2

Na bana kadi bekyuli ni, bamu baakpá na abi eli, ɔsika bátatu Unwoti kakpakɔ tɔ.

Baga 1 3:3

Na Salomo ɔ́yɔ Unwoti na uwi ɔni na ɔ́siaku ɔda ɔni na ɔti Dawid úbo-nwu kama ɔsu. Na lɛla lɛni kani na ɔ́bla ɔ́ƒiɔ ndi ɔni na anwu lɛnɔ ɔ́du bebuo pii úti ɔ́bla akpala na ɔ́kyula oloƒui na akpabi ani na bátu na abi ammɔ eli ɔsu.

Baga 2 16:4

Na ɔkɛ abi ƒui eli ku egyii enengudi ɔyuli kalɔ ɔɔbla akpala na ɔɔkyula oloƒui.

Baga 2 17:10

Na abi ƒui lɛlɔ ku egyii biala na ebo ɔyuli kalɔ ni, bálɛ atabi kedee ku lɛƒiɔgyii béte Asera baƒiɔ.

Ala Alɛdi 2 28:4

Ahas ɔ́kɛ ekpo ekpo ƒui ɔɔkyula oloƒui na aƒiodu ani nkya abi eli ku egyii enengudi ani mbo ɔyuli kalɔ.

Israelƒuɔ Bɔlɛ 24:5

Mmɔ na Mose ɔ́tala bakloƒu badi na bádu ɔmantɛ bakɔ bakɔdi badi bákyula bábla unwi bɔbla akpala béte Unwoti.

Esekiel 20:28

na uwi ɔni na béteeti akpala ku oloƒui ku ntɛ teete baƒiɔ lidu na abi ammɔ lɛlɔ na egyii enengudi ammɔ kalɔ. Na lɛ́kɛ kɔnyi geen, ɔsika ɔmii ɔni na líti líte-ma lɛlɔ na baabla ala amɛni udu!

Esekiel 22:9

Bina badi baanyi ɔkɔ taada bana bakpana kenye kalɛ na badu-ma. Na badi lɛnɔ baakun lɛna lɛni na béti bákpa béte baƒiɔ na aƒiodu lidu lidu. Na badi lɛnɔ bana ɔlɔna ɔkwɛ adala ekpidi kama kani na basia baabla ƒui.

Esekiel 43:27

Na ɔ́si ɔmmɔ kama ni, ɔkpane ɔdubo akpala butaabla na lɛkpabi lɛmɛni lɛlɔ na ɔyɔ-ni kaƒɔ na uvele kusɛ kusɛ ɔsiku-mi kudɔ ɔni ndi unwi bɔbla akpala. Ami Unwoti násu.”

Esekiel 44:15

Unwoti ɔnini, “Lewi kɔdua bebi bani ndi bakpane na bási Sadok ɔtɔ kemmo ni, bátalɛmi kama uwi ɔni na Israelƒuɔ bénwini kama bákya-mi. Anwuɔsu ama kani ndubo bakpane kabla butaabla teete-mi. Na ama ndubo bebuo ubugya ku lɛmwi buteeti taakpa-mi.

Lewiƒuɔ Ɔda Bubo 17:4

na úteboku-nwu Unwoti anumi na Kasakɔ Kevo mmɔ ni, ukyuli ɔmmɔ úwi ubugya kalɔ. Na ɔkɛnku ɔmmɔ ɔsu ɔlɛka bedie-nwu lɛti basiku mina bekyuli akɔ.

Lewiƒuɔ Ɔda Bubo 17:6

Na ɔkpane ɔmmɔ ɔkuna ubugya ɔmmɔ uwi Unwoti lɛkpabi lɛni nlɛ Kevo Kasakɔ kayakun kenye mmɔ lɛlɔ na ɔkyula lɛmwi lɛmmɔ na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lɛkpa Ulu 12:2

Na kalɔ kani lɛlɔ na bísela bitélie mmɔ ni, bɛnu ka bɛyila baƒiɔ biala udu bani na bekyuli baakpá na kesi kesii na abi ku abinkpo lɛlɔ ku egyii ani mbo ɔyuli mmɔ ƒui kalɔ kede kede.