Lewiƒuɔ Ɔda Bubo 17:10 - Katɔti Ɔku Kedee

¹⁰ “ ‘Ɔƒɛni lɛnɔ ukyuli biala na ɔ́si Israel kaba kemmo iye ɔƒɔ ɔni nli-mii akɔ na ɔdi ɔ́di ubugya ni, ndubuti mina lɛnimi lɛlɛ ukyuli ɔmmɔ lɛlɔ na lɛda-nwu lidie mina bekyuli akɔ.

Lewiƒuɔ Ɔda Bubo 17:10 ပူးပေါင်းရင်းမြစ်များ

Ala Kalɔ Buse 9:4

“Nsu bitakun ebuo ɔni bélii-nwu limɔ bádu na ubugya ɔmu ɔkya-nwu kemmo.

Samuel 2 23:17

Na ɔ́su ɔnini, “O Katɔti, naaakana ntu bɔmɛni bɔni. Na si lɛ́ni-mu ni, na use aani bekyuli bani béti bana ngba bése na lɛla lɛmɛni lɛlɔ ubugya ɔdi na mɔɔni.” Ɔmmɔ ɔsu, Dawid úni ka ɔ́ni ntu bɔmmɔ. Na kayi buse ala amɛni na bekpone ɛtɛ bamɛni bábla na báƒɔ lɛnyi.

Kɔgya 34:16

Nsu bekyuli bekpidi ni, Unwoti uléti anumi abuni taanu-ma. Mmomu si békpi ni, bana anyi ayii.

Israelƒuɔ Bɔlɛ 30:33

Na si ɔdi ɔ́bla-mu lɛlɔ kabla na ɔɔɔdi ɔkpane ni, ndubo-nwu bɔda budie mina bekyuli akɔ.’ ”

Yeremia 21:10

Lɛ́ɛbla mina kasusu ka lɛɛɛdubo Israelƒuɔ kebunku kadi bute nnii muudie-ma, mmomu ndubɔya Babilonƒuɔ ɔga ɔkyula ɔma ɔmmɔ ƒui uwi kalɔ kede kede. Ami Unwoti násu.”

Yeremia 44:11

“Ami Unwoti Ɔyikune Ƒui lɛ́lɛ ugyii ka ndubɔya na ɔgbankpi lidu libo-mii lɛlɔ na lɛyila-mii lidie ƒui.

Esekiel 14:8

ndubo bunwini bunye bɔsiaku-nwu na liti-nwu linwi lɛla lɛni na bakladi bani makali banii ama lɛnɔ baabla lɛni banu batɛya. Na ukyuli ɔmmɔ ɔsɔ ulabla mina kadi bekyuli akɔ unwi. Na ɔdubɔnu ɔti ka ami ndi Unwoti Katɔti na ɔ́bla likpidi ɔ́ƒiɔ-mi sɔsɔ.

Esekiel 15:7

lɛni na ndubo ogya buti bɔkyula Yerusalem bekyuli. Na si uwi ɔni na ala amɛni álɛ ni, awɔ Esekiel adubɔnu ati ka ami ndi Unwoti.

Esekiel 33:25

“Anwuɔsu ni, Esekiel, su-ma anii ami nnini, ‘Bi ɔsu na bɛɛkali ka kalɔ kamu kadi amii kadi ka bɛɛkun lɛna lɛni kemmo na ubugya ɔmu ɔkya na bɛɛkpá baƒiɔ na bɛɛdú bekyuli?

Esekiel 44:7

Bɛ́kya mina kakpakɔ kammɔ kɔƒa na uwi ɔni na bɛ́ya na baƒɔ bani na balabu-mi na bebo atuɔkplu bébeduo mmɔ uwi ɔni na baabla akpala teete-mi. Bɛ́ƒiɔ-mi na bíbile lɛla kedee lɛni na línyimiku-mii.

Lewiƒuɔ Ɔda Bubo 17:11

Ɔsika lɛla lidiedi biala ngba ndi nwuna ubugya, na líti ubugya ɔmmɔ líte-mii ka biti bidie likpidi kɔtu bɔni biala na bina ekpidi lili. Na ubugya ndi lɛla lɛni muudie likpidi kayu na ukyuli lɛlɔ.

Lewiƒuɔ Ɔda Bubo 19:26

“ ‘Ukyuli ɔdi biala utadi lɛna lɛni na ubugya ɔmu ɔkya-ni kemmo. “ ‘Bitebo like iye bɛbla evo ala.

Lewiƒuɔ Ɔda Bubo 26:17

Mina anumi adubɔlɛ-mii lɛlɔ na lɛya na bina bekisine badi-mii lɛlɔ. Na ama bani muukisi-mii mmɔ kalɔ na bɛdubo bɔkya na biteekeli uwi ɔni na ɔdi ulábɔku-mii.

Lewiƒuɔ Ɔda Bubo 3:17

“ ‘Na ɔmɛni ɔdi ɔda ɔni na muubó-mii úti úsela bina kaba kaba kemmo bawɔ ƒui akɔ. Na kesii biala bɛdubulie ƒui ni, bitadi lɛmwi lɛdi biala iye ubugya biala.’ ”

Amos 9:4

Si bana bekisine nábɔku-ma bátákya kaƒɔ ɔgyu dɛ muedi ni, ndubɔya na kuwii kɔtu-ma kɔdu na mmɔ. Mina anumi adubɔlɛ-ma lɛlɔ geen ute likpidi lɛni ndubɔlɛku-ma, na ɔɔɔdi lɛbuni lɛdi munu munu.”

Batalane Kabla 15:20

Mmomu bɛya bunweni-ma ɔku na bada ala aani béti bákpa béte baƒiɔ na aayá na beesé lɛlɔ bɔbla baya ku kɔsɔnɔ bɔdi ku bebuo bani bélii-ma amɔ bádu bɔkun ku ubugya bɔni baya.

Batalane Kabla 15:29

Bini ala ani na béti bákpa béte baƒiɔ ku ubugya bɔni ku bebuo bani na bélii-ma amɔ bádu bɔkun ku kɔsɔnɔ bɔdi. Si bɛda lɛlɔ lɛni ni, keyi kadubɔyɔku-mii. Bɛkya kpoo.

Lɛkpa Ulu 12:16

Nsu ɔdi utadi bana ubugya. Na bɛya na bana ubugya ɔmmɔ uwi kalɔ aani kalɛ na beewilimi ntu teewi kalɔ kalɛ.

Lɛkpa Ulu 12:23

Nsu bitadi bana ubugya. Ubugya ɔmmɔ ndi bana ngba. Anwuɔsu biwilimi ubugya ɔmmɔ ƒui biwiakun asa bɛkun lɛna lɛmmɔ.

Lɛkpa Ulu 15:23

Nsu biteti bana ubugya bitabla adila na bɛdi. Mmomu biwilimi bana ubugya biwi kalɔ aani kalɛ na beebó ntu teewiakun.

Hebriƒuɔ 10:29

Bekyuli bani manu Kristo ubugya aani lɛla lɛni neeese kedee ni, bɔgyi ka Katɔti ɔdubo-ma kɔtu bɔni geen! Ɔsika beedumi Katɔti Kɔyu kɔni mɔɔbla-bu lɛƒɔndia na baanu Katɔti Ubidi aani ɔɔɔdi lɛla lɛdi. Nsu ubugya ɔmmɔ na Katɔti úti ɔ́ƒɔ ekpidi údie-ma lɛlɔ, na ubugya ɔmmɔ kani na úti úse bunyimi bɔmmɔ likpo.

Samuel 1 14:32

Anwuɔsu bénwini bélie bebuo bani na béƒie básiku bana bekisine kudɔ mmɔ lɛlɔ. Na bádu-ma ogya ogya. Mmɔ kani na baaduli lɛna lɛwɔdi lɛmmɔ ku ubugya taakun.

Samuel 1 14:33

Na ukyuli ɔdi útásu Saul ɔnini, “Nu, bekyuli bamɛni baabla lɛla lɛni náta línye Unwoti lɛlɔ, ɔsika baakun lɛna lɛni kemmo na ubugya ɔmu ɔkya.” Amu na Saul ɔ́va ku lɛdi momoomo ɔnini, “Bíbile bula bɔƒɔtaadi bɔmmɔ. Ɔmmɔ ɔsu biminime lɛtabi linengudi lɛdi biboku-mi kudɔ mɛni kɔnakunwi.”