Lewiƒuɔ Ɔda Bubo 16:29 - Katɔti Ɔku Kedee

²⁹ “Na bunyimi bɔni lɛlɔ na bɛdubo butaadi ɔ́si ɔƒɛni úsela uwi ƒui ndi ka kɔbuli maatɛdi limeyi leevudi biala lɛlɔ ni, ɔlɛka bikisi lɛlɔ na bilie kɔka na bilabla kabla kadi amii ku kadi bamba bekyuli bani nkya-mii akɔ na limeyi lɛmmɔ lɛlɔ.

Lewiƒuɔ Ɔda Bubo 16:29 ပူးပေါင်းရင်းမြစ်များ

Baga 1 8:2

Amu na bana ƒui bátása lisu na Salomo kudɔ na bana limeyi bɔdi uwi na kɔbuli maatɛdi kɔni baalɔ Etanim kemmo.

Esra 3:1

Uwi ɔni na kɔbuli maatɛdi kúdu na Israelni biala ɔ́ɔkɛ nwuna keliekɔ na nwuna ɔma ni, bana ƒui bábasala lisu aani kadi kenwi bekyuli na Yerusalem.

Esra 8:21

Amu uwi ɔni na búdu Ahawa Ketu kudɔ ni, mmɔ na líbo ɔda na ɔ́ya na búnyimi kenye kalɛ na buboku lɛlɔ kalɔ na Katɔti anumi na buvele-nwu ka ɔgyumana abu ku bula bebi ku bula ala ani ƒui na bɔdanku kalɛ na bula ulu busie bɔbla buɛɛ.

Kɔgya 35:13

Nsu uwi ɔni na ama beeƒi ni, línyimi kenye na líti kɔnyana adala lɛ́da na lɛ́kpali katɔ lívele líte-ma. Nsu mina buvele ƒui bɔ́sɔ búnwini búbo-mi lɛgba akɔ.

Kɔgya 69:10

Uwi ɔni na línyimi kenye na muuwulo na líboku lɛlɔ kalɔ líte-ɔ ni, bekyuli bákɛ-mi lɛlɔ edumi.

Israelƒuɔ Bɔlɛ 12:16

Na limeyi lideedi ku maatɛdi ni, bɛsa bɔsa kedee na mina lɛnyi lɛlɔ. Na ukyuli biala utabla kabla kadi emeyi ammɔ kemmo. Nsu bibo kuƒi ka bɛnwa adila bɛdi. Ɔmɛni kani na ɔlɛka bɛbla.

Israelƒuɔ Bɔlɛ 20:10

Nsu limeyi maatɛdi ndi ami Unwoti ƒula Katɔti Lɛnwunameyi lɛni kemmo na útalɛ ka abla kabla kadi, awɔ iye ƒula bebi iye ƒula kabla bablane iye ƒula bebuo iye ɔƒɔ ɔni nlie-ɔ kudɔ.

Israelƒuɔ Bɔlɛ 30:10

Na kunwi na lɛkwa kemmo ni, Aaron ɔdu ebuo ɔbla likpidi kɔtu bɔni budie akpala ɔdi na kesii kani na ese ammɔ alɛ. Na ebuo ɔni na badubo bɔdu mmɔ ubugya na badubuti babla buvele ɔdi ɔmɛni bete kaba bekyuli bani mebo ƒui. Na ɔmmɔ ɔdi akpala ani nse kedee ƒui ute ami Unwoti.”

Israelƒuɔ Bɔlɛ 31:14

“ ‘Na bɛdi lɛnwunameyi lɛmɛni lɛlɔ kaduɛ. Ɔsika lɛdi mina limeyi kedee. Na ukyuli ɔni mayu atuɔkplu na wabla kabla kadi limeyi lɛmmɔ lɛlɔ ni, ɔlɛka badu-nwu.’

Israelƒuɔ Bɔlɛ 31:15

Su-ma anii beti emeyi aku babla kabla bete lɛlɔ, nsu limeyi maatɛdi lɛdi lɛnwunameyi lɛni lídie líse líte lɛlɔ. Na ukyuli ɔni mabla kabla kadi limeyi lɛmmɔ lɛlɔ ɔlɛka badu-nwu.

Yesaia 58:13

“Nsu ɔlɛka bɛka mina Lɛnwunameyi bɔbu aani lɛlɔyɔ lɛkpa limeyi na bɛda enyekpi bɔtɛmi kalɛ kalɛ bɛya ku ala basa basa bɔbla bɛya na limeyi linengudi lɛmɛni lɛlɔ.

Yesaia 58:3

Beeye banii, ‘Bi ɔsu na búnyimi kenye na átakpete-bu? Na búboku lɛlɔ kalɔ na átanu átati?’ “Nsu uwi ɔni na bɛnii kenye na biinyimi mmɔ ni, na binye bina ala ani mɔɔyɔ́-mii kaƒɔ bɔbla lɛlɔ na bɛɛwia amii lɛti bɔdia na bɛɛnya bina kabla bablane ama taakya.

Yesaia 58:5

Bɔkali na bɛɛkali bɛnii kalɛ na binyimi kenye, na bini adila bite lɛlɔ, na bɛkya lili kalɔ buɛɛ bite Unwoti aani livo lɛni na ɔƒɛƒɛɛ ku ɔnantu ntu búbo bɔ́kya kalɔ mɔɔda-nwu ebiti? Munuu kalɛ na bɛda kɔnyana ala, na bɛkpi ntɔ na bɛɛlɔ kenye bunyimi bɔni ndi Unwoti limeyi lɛni mɔɔda-nwu kubiti?

Daniel 10:12

Na Katɔti ɔtu ɔmmɔ ɔnini, “Daniel, tayia! Katɔti únu ƒula bɔkpali ɔ́si limeyi lideedi lɛni lɛlɔ na évele-nwu ka enu ala kalɔ, anwuɔsu na ɔ́tala-mi mɛni.

Daniel 10:3

Na ńtadi lɛla lɛbuni lɛdi iye lɛkun lɛna. Na ńtani ntɛ bɔdi lɛnɔ, na ńtawɛɛ nnɔmii bɔdi anumi iye lɛkya-mu lili lɛnɔ.

Lewiƒuɔ Ɔda Bubo 23:21

“ ‘Na limeyi lɛmmɔ kani lɛlɔ ni, kɔ lɛsa na bɛsa bɔsa kedee na mina lɛnyi lɛlɔ na ɔdi utabla limeyi ndi limeyi kabla kadi. Ɔda bubo bɔmɛni buse bute amii ku bina bawɔ na kesi kesii na bɛdubulie.

Lewiƒuɔ Ɔda Bubo 23:3

“ ‘Emeyi aku na bɛdubuti bɛbla bina kabla, nsu limeyi maatɛdi ni, lɛdi bɔsa kedee limeyi lite-mii. Na ɔdi utalɛka ɔbla kabla kadi na kesi kesii na bilie, ɔsika ɔdi Lɛnwunameyi ute Unwoti.

Lewiƒuɔ Ɔda Bubo 23:36

Na emeyi maatɛ ammɔ kemmo ni, bitaabla ogya akpala bɔkyula. Na limeyi maanedi lɛlɔ bina ƒui bɛsa bɔsa kedee na mina lɛnyi lɛlɔ na bɛbla ogya akpala bɔkyula bite Unwoti. Ka limeyi lɛmmɔ na bɛɛdi-ni bɛwɔlɔ ɔsu ni, ukyuli ɔdi utabla kabla kadi.

Lewiƒuɔ Ɔda Bubo 25:9

Na aya na bavwi kakpɛɛ kammɔ bavi kesi kesii na kɔbuli maatɛdi limeyi leevudi lɛlɔ. Na limeyi lɛni ndi Likpidi Kɔtu Bɔni Budie Limeyi bɔdi mmɔ lɛlɔ ni, anwu ndi kakpɛɛ kammɔ bɔku limeyi.

Lewiƒuɔ Ɔda Bubo 3:17

“ ‘Na ɔmɛni ɔdi ɔda ɔni na muubó-mii úti úsela bina kaba kaba kemmo bawɔ ƒui akɔ. Na kesii biala bɛdubulie ƒui ni, bitadi lɛmwi lɛdi biala iye ubugya biala.’ ”

Bumomo Bɔka 29:7

“ ‘Na limeyi leevudi na kɔbuli maatɛdi lɛlɔ ni, bɛsala Israelƒuɔ ƒui na bɛsa bɔsa kedee na mina lɛnyi lɛlɔ. Na bikisi lɛlɔ na bitabla kabla kadi limeyi lɛmmɔ lɛlɔ.

Batalane Kabla 27:9

Amu ka bɔ́ɔdi emeyi pii na bula ulu busie bɔmɛni kemmo ɔsu ni, Kɔka Bulie Uwi ɔ́vi. Na ntu lɛlɔ bɔvi na uwi ɔmɛni kemmo ɔdubo ɔkplu bɔyu. Ɔmɛni ɔsu na Paulo ɔ́lɛ-ma ɔnini,

Korintoƒuɔ 1 11:31

Na si bɔdubɔsia anu na bɔka lɛlɔ kemmo buduo bɔnu ni, nka Katɔti ulatɛku-bu litemi.

Hebriƒuɔ 4:10

Ɔsika ukyuli biala ɔni muuduo Katɔti bɔnwuna kemmo ni, ɔɔda nwuna kabla ƒui taaya na ɔɔnwuna aani kalɛ kani na Katɔti ɔ́bla.

Samuel 1 7:6

Amu uwi ɔni na Israelƒuɔ bammɔ básala lɛlɔ na Mispa ni, Samuel únye aani Israelƒuɔ ɔtɔnkune kalɛ na Mispa, na bédu ntu na libiɔ kemmo na beebó-mu teewi kalɔ teete Unwoti aani lɛlɔ buti teete-nwu akpala. Na bélie kɔka limeyi lɛmmɔ lɛlɔ, na bédie bana alaekpidi kalɔ básu Unwoti banini, “O Unwoti, bɔ́bla likpidi bɔ́ƒiɔ-ɔ.”