Lewiƒuɔ Ɔda Bubo 16:20 - Katɔti Ɔku Kedee

²⁰ “Si Aaron ɔ́wɔlɔ sɛɛn bɔbla akpala ɔdi ɔmmɔ bɔbla bute Katɔma Kedee kammɔ ku Kevo Kasakɔ kammɔ ku lɛkpabi lɛmmɔ ni, mmɔ na ɔdubuti ketukpa kani ku ngba mmɔ uboku.

Lewiƒuɔ Ɔda Bubo 16:20 ပူးပေါင်းရင်းမြစ်များ

Esekiel 45:20

“Na ɔdi ka babla limeyi bɔdi ablala amɛni na kɔbuli kɔmmɔ limeyi maatɛdi lɛnɔ lɛlɔ. Ɔmmɔ ɔdubɔya na si ukyuli ɔdi ɔ́bla likpidi lɛdi na tati tati kemmo iye likpidi lɛmmɔ líyu-nwu lɛ́tu ni, na liti lɛkyiɛ-nwu kalɛ na kakpakɔ kammɔ kedee.

Lewiƒuɔ Ɔda Bubo 16:16

Lɛni na ɔdubɔbla na udie likpidi kɔtu bɔni bɔni nkɛnku Katɔma Kedee kammɔ lɛlɔ ala bɔbla na Israelƒuɔ ala ani muusé lɛlɔ bɔbla ku kalɛ na bénwini kama bákya Unwoti ɔsu ina bi ekpidi na bábla. Lɛni kani na ɔdubɔbla ute Kasakɔ Kevo kani nkya-ma ntɛ na bana ɔbladu ɔni muusé lɛlɔ mmɔ ɔsu.

Lewiƒuɔ Ɔda Bubo 16:19

Na uti nwuna lɛnimi ɔkya ubugya ɔmmɔ kemmo na ɔkuna-nwu uwi lɛkpabi lɛmmɔ lɛlɔ maatɛ na ɔbla-ni sɛsɛɛ ɔsiku Israelƒuɔ ala ani muusé lɛlɔ bɔbla kudɔ.

Lewiƒuɔ Ɔda Bubo 16:21

Na ɔdubuti nwuna enu anyɔ ɔsia ese ɔmmɔ kuli na ɔka Israelƒuɔ ekpidi lidu lidu udie ɔsu na bana ulikplu ala bɔbla ku kalɛ na baalɛ́ bana Unwoti kama ku bana ekpidi lidu bamba lɛni ƒui na baabla. Na ekpidi ammɔ ƒui adubɔsia ese ɔmmɔ kuli. Na ɔkɛnku ukyuli ɔni na báalɛ lɛnimi bése lɛlɔ ni, na ɔbɔku ese ɔmmɔ utákya alakpi akɔ na ketele kalɔ kakwiidi kemmo.

Lewiƒuɔ Ɔda Bubo 6:30

Nsu likpidi bɔkyiɛ ebuo biala na béti-nwu ubugya béduoku Unwoti Adi Kevo kesii kani nse kedee mmɔ ka babla akpala na bedie kɔtu bɔni na ukyuli ɔmmɔ lɛlɔ ni, útalɛ ka ɔdi biala utuku-nwu kenye, mmomu badubɔkyula-nwu ƒui.’ ”

Lewiƒuɔ Ɔda Bubo 8:15

Ɔmmɔ kama Mose ɔ́du ebuo ɔmmɔ, na úti lɛnimi ɔ́kya ubugya ɔmmɔ kemmo na úti úsusu bebuo ese ani ƒui nlɛ lɛkpabi lɛmmɔ lɛlɔ na ɔ́bla lɛkpabi lɛmmɔ sɛɛn. Na úti ubugya ɔkladi úwi lɛkpabi lɛmmɔ kalɔ na ɔ́bla lɛkpabi lɛmmɔ kedee na lise sɛsɛɛ úte Unwoti kalɛ na udie kɔtu bɔni biala nina lɛlɔ.

Romaƒuɔ 4:25

Katɔti úte kuƒi na bekyuli bádu Kristo ɔ́si bula ekpidi ani bɔ́bla ɔsu. Na Katɔti ɔ́gyila-nwu ɔ́lɛku bekpine akɔ kalɛ na Katɔti ɔnu ka buse siin.

Romaƒuɔ 8:34

Na ɔma ndubɔkana na ɔdu-ma kɔtɔ? Kristo Yesu ndi ukyuli ɔni nékpi, na ɔni nsɔ nsia ndi ka Katɔti ɔ́gyila-nwu ɔ́lɛku bekpine akɔ na ɔ́sɔ úbo uli ngba na ulie Katɔti kɔdianu na uuvele-nwu teete-bu.

Korintoƒuɔ 2 5:19

Na lɛsa lɛmɛni ndi ka Katɔti ɔkɛ Kristo lɛlɔ na ɔ́klibi anwu ku bekyuli ƒui ntɛ. Na údie atu na bana ekpidi ƒui lɛlɔ. Na kenye kani na ɔda úte-bu ndi ka ɔɔwia ka bɔsu bekyuli ƒui ntɛ bɔklibi litemi lɛmɛni.

Koloseƒuɔ 1:20

Na ɔkɛnku Ubidi ɔmmɔ lɛlɔ na Katɔti ɔ́klibi anwu ku ala ani nkya katɔ ku kalɔ ƒui ntɛ. Na ɔ́ya na bɔ́kɛ keyi buɛɛ ɔkɛnku Ubidi ɔmmɔ ubugya ɔni néwiakun na ugyii ɔni lɛlɔ na bákana-nwu bámana ɔsu.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Budie Taatina 1:18

Ami ndi Ukyuli Ɔni Nli Ngba! Líkpi, nsu ɔƒɛni ni, nli ngba. Na nsɔ lɛɛɛdubo bukpi kudii. Mbo ɔyikun na kukpi ku kekpine lɛlɔ.