Lewiƒuɔ Ɔda Bubo 16:2 - Katɔti Ɔku Kedee

² Ɔ́su-nwu ɔnini, “Ya na ƒ'ɔnwani Aaron ɔti anii utata kalɛ kalɛ uwi ɔni na ɔɔyɔ́ na ubalɛ-mi lɛlɔ na Katɔma Kedee kemmo kesii kani na likpidi kɔtu bɔni budie libila libi Bunyimi Adaka lɛlɔ na kakpakɔ bule kɔdi kɔmmɔ kama, si ɔɔɔdi lɛni ɔdubo bukpi, ɔsika ami Unwoti mɔɔdá taalɛ libila lɛmmɔ katɔ na liƒlukutu kemmo.

Lewiƒuɔ Ɔda Bubo 16:2 ပူးပေါင်းရင်းမြစ်များ

Baga 1 6:16

Na ɔ́ya na béle kakpakɔ kammɔ kama kakɛ bábla katɔma, na bébo sida ligyii bɛbɛɛbɛ báda mmɔ ɔ́si kalɔ útédu lɛsa. Na kama kakɛ mmɔ kebo lɛgba bɔka avlaatɛ. Na mmɔ ndi Katɔti Katɔma Kedee.

Baga 1 8:6

Ɔmmɔ kama bakpane bammɔ bágyu Bunyimi Adaka ɔmmɔ béduoku kakpakɔ bátálɛ Katɔma kedee kemmo kesii kani nse kedee ntulo ƒui na Kerub bebweyi bammɔ avwi kalɔ.

Ala Alɛdi 2 5:14

Na Katɔti uukeye na liƒlukutu lɛmmɔ kemmo geen. Na kalɛ na uukeye mmɔ ɔɔtu anumi, anwuɔsu bakpane bammɔ bátakana ɔtɔ kemmo mmɔ bunye bɔbla bana kabla.

Israelƒuɔ Bɔlɛ 30:10

Na kunwi na lɛkwa kemmo ni, Aaron ɔdu ebuo ɔbla likpidi kɔtu bɔni budie akpala ɔdi na kesii kani na ese ammɔ alɛ. Na ebuo ɔni na badubo bɔdu mmɔ ubugya na badubuti babla buvele ɔdi ɔmɛni bete kaba bekyuli bani mebo ƒui. Na ɔmmɔ ɔdi akpala ani nse kedee ƒui ute ami Unwoti.”

Lewiƒuɔ Ɔda Bubo 16:13

Na uti oloƒui ɔmmɔ uwi ogya ɔmmɔ lɛlɔ na Unwoti anumi mmɔ na uyɔ ɔmmɔ ɔdubɔƒɔ likpidi kɔtu bɔni budie libila lɛni na Bunyimi Adaka ɔmmɔ katɔ mmɔ ƒui suu na ɔbɛla libila lɛmmɔ kalɛ na ulekpi.

Lewiƒuɔ Ɔda Bubo 16:34

“Na bunyimi bɔmɛni bɔdubuse bute-mii uwi ƒui. Na ɔlɛka babla likpidi kɔtu bɔni budie akpala ɔdi ɔmɛni kunwi na lɛkwa kemmo ute Israelƒuɔ ƒui ekpidi lili.” Na bábla básia kalɛ kani na Unwoti úbo Mose ɔda.

Lewiƒuɔ Ɔda Bubo 23:27

“Su Israelƒuɔ ka kɔbuli maatɛdi limeyi leevudi lɛlɔ ni, ɔdi Likpidi Kɔtu Bɔni Budie Limeyi. Bikisi lɛlɔ bɛsa bɔsa kedee na mina lɛnyi lɛlɔ na bɛkyula akpala.

Lewiƒuɔ Ɔda Bubo 8:35

Na ɔlɛka bɛsɔ bɛkya Unwoti Adi Kevo kaduli kammɔ kayakun kenye emeyi maatɛ usien ku ɔƒɛ. Na bɛbla ala ani ƒui na Unwoti ɔɔwia ka bɛbla kalɛ na bilekpi, ɔsika lɛni na Unwoti ɔɔwia.”

Bumomo Bɔka 17:10

Na Unwoti ɔ́su Mose ɔnini, “Sɔku Aaron ugyii tése Bunyimi Adaka ɔmmɔ anumi. Na ugyii ɔmmɔ ɔdubɔbla likposela ute Israelƒuɔ batuɔkplune. Na ɔdubɔya na bada bɔdɔ na bana lɛlɔ kemmo na mina lɛlɔ baya kalɛ na balása bukpi ƒui.”

Bumomo Bɔka 18:7

Nsu awɔ ku ƒula bebi bananabi kani na ɔlɛka bitaabla bakpane kabla biala na lɛkpabi lɛmmɔ lɛlɔ ku kakpakɔ bule kɔdi kɔmmɔ kama mmɔ. Na líti ɔkpane kabla kamɛni muute-mii aani etela kalɛ. Na ɔmmɔ kama ukyuli biala mani mede kakpakɔ kammɔ kudɔ ɔlɛka badu-nwu.”

Bumomo Bɔka 4:19

Kalɛ na belekpi si báni beedé ala ani na ese kedee ƒui mmɔ. Anwuɔsu ɔlɛka Aaron ku nwuna bebi beduo katɔma kammɔ kemmo na bele kabla kammɔ bete ɔdi biala ku ala ani na ɔlɛka beti. Ɔmmɔ na ɔlɛka bɛbla bite-ma.

Bumomo Bɔka 4:5

Na si úbo úte ka bɛta mmɔ bisie kesii bamba ni, ɔlɛka Aaron ku nwuna bebi bananabi besie na batáƒami kakpakɔ bule kɔdi kɔni mɔɔbala Bunyimi Adaka ɔmmɔ na beti benyimi adaka ɔmmɔ lɛlɔ bamana ƒui.

Mateo 27:51

Kɔnakunwi na Katɔti kakpakɔ na ɔma kemmo ni, kakpakɔ bule kɔdi kɔmmɔ kɔ́bwɛ kemmo inyɔ ɔ́si katɔ úbedu kalɔ. Na kalɔ kammɔ ƒui kákunku, na atakpɛ ábwɛ.

Hebriƒuɔ 6:19

Bula lɛnunsia lɛmɛni mɔɔyá na bɔda Katɔti kpakplaa na bula kayi kemmo aani kalɛ na kugyii lidu lɛɛda kalɔ geen. Na bɔsia Yesu anu. Anwu néduo katɔma kedee kani kenye na lɛdiku lɛƒa kemmo.

Hebriƒuɔ 9:25

Na uléti lɛlɔ taakpa lɛkwa ndi lɛkwa aani kalɛ na ɔkpane unengudi uuduo kesii kani nse kedee ntulo ƒui mmɔ ku ubugya ɔni naaadi anwu ɔlati ɔdi kalɛ.

Hebriƒuɔ 9:3

Na kakpakɔ kammɔ katɔma kesii kani na béti kayakun kɔdi báda ni, mmɔ baalɔ banii ɔtɔ ɔni nse kedee ntulo ƒui.

Hebriƒuɔ 9:5

Na adaka ɔmmɔ katɔ ni, bávɔ Katɔti batu badi udu mbo avwi na baalɔ-ma Kerub bényene. Na ama mɔɔtina ka Katɔti ɔkya mmɔ. Na bana avwi ebi likpo lɛni na beeti bekyuli ekpidi taakyiɛ mmɔ. Nsu bulakana kɔtɛ kɔmmɔ kemmo buduo busie ɔgyu ɔƒɛni tɔ.

Budie Taatina 15:8

Na Katɔti kakpakɔ kammɔ kemmo kéyi ku uyɔ ɔni nási Katɔti ɔyikun ku bukeye kemmo. Na ukyuli biala ulakana kakpakɔ kammɔ kemmo buduo, amu ntu batu maatɛ bammɔ béti lɛbibo maatɛ lɛmmɔ béboku kayawi báwɔlɔ.