Lewiƒuɔ Ɔda Bubo 16:18 - Katɔti Ɔku Kedee

¹⁸ “Ɔmmɔ kama ɔdubɔlɛ ubo Unwoti lɛkpabi lɛmmɔ kudɔ na uti akɔ ɔmmɔ ubugya ku ketukpa kammɔ ubugya ɔdi ususu bebuo ese ani nlɛ lɛkpabi lɛmmɔ lɛlɔ ƒui na ɔbla-ni ɔdi ɔmmɔ kalɛ kani na ɔ́bla Kevo kammɔ.

Lewiƒuɔ Ɔda Bubo 16:18 ပူးပေါင်းရင်းမြစ်များ

Israelƒuɔ Bɔlɛ 30:10

Na kunwi na lɛkwa kemmo ni, Aaron ɔdu ebuo ɔbla likpidi kɔtu bɔni budie akpala ɔdi na kesii kani na ese ammɔ alɛ. Na ebuo ɔni na badubo bɔdu mmɔ ubugya na badubuti babla buvele ɔdi ɔmɛni bete kaba bekyuli bani mebo ƒui. Na ɔmmɔ ɔdi akpala ani nse kedee ƒui ute ami Unwoti.”

Esekiel 43:20

Na eti ubugya ɔmmɔ ɔdi ákwaa lɛkpabi lɛmmɔ ekpo ene ammɔ. Na aya na ubugya ɔmmɔ ɔdi ususu lɛkpabi lɛmmɔ bule bɔni ntɛntɛ mmɔ ekpo ammɔ. Na ɔdi lɛnɔ ususu atabi kɔlɛkɛ kɔni na bátu bámana mmɔ. Ɔmmɔ ndubɔya na lɛkpabi lɛmmɔ lɛbla sɛɛn kalɛ na bataabla akpala nwuna lɛlɔ teete-mi.

Esekiel 43:22

“Kadi kegye ni, na beti ketukpa kani na kátasɔ kesii kadi na ɔ́manku batádu babla ekpidi lili buvele akpala. Na beti nwuna ubugya bakwaa lɛkpabi lɛmmɔ babla-ni sɛɛn aani kalɛ na bábla akɔ ɔkɔdi ɔmmɔ ɔdi.

Esekiel 45:19

Na ɔkpane ɔmmɔ uti ebuo ɔmmɔ ubugya ɔdi ɔkwaa kakpakɔ kammɔ kɔyakun ligyii lɛmmɔ lɛlɔ ku lɛkpabi lɛmmɔ lɛƒɛnyi ine bɔmmɔ ƒui. Na ɔkwaa ɔban kɔyakun kɔni na baasia teeduo kakpakɔ kaduli geen kani nkya-ka kemmo mmɔ ligyii lɛlɔ.

Lewiƒuɔ Ɔda Bubo 16:16

Lɛni na ɔdubɔbla na udie likpidi kɔtu bɔni bɔni nkɛnku Katɔma Kedee kammɔ lɛlɔ ala bɔbla na Israelƒuɔ ala ani muusé lɛlɔ bɔbla ku kalɛ na bénwini kama bákya Unwoti ɔsu ina bi ekpidi na bábla. Lɛni kani na ɔdubɔbla ute Kasakɔ Kevo kani nkya-ma ntɛ na bana ɔbladu ɔni muusé lɛlɔ mmɔ ɔsu.

Lewiƒuɔ Ɔda Bubo 16:17

Uwi ɔni na Aaron úduo Katɔma Kedee kammɔ kemmo utábla likpidi kɔtu bɔni budie ɔdi ɔmmɔ ni, utalɛka ukyuli ɔdi ɔkya Kasakɔ Kevo kammɔ kemmo útédu ka ɔ́wɔlɔ ɔdi ɔmmɔ bɔbla na anwu ɔlati ku nwuna kaduli bekyuli ku Israel kadi bekyuli ƒui lili na ɔ́vi ɔ́lɛ mmɔ.

Lewiƒuɔ Ɔda Bubo 4:18

Ɔdubuti ubugya ɔmmɔ ɔdi ususu ese ani nlɛ lɛkpabi lɛni nnye Unwoti Adi Kevo kammɔ kemmo lɛlɔ na Unwoti anumi. Na uti ubugya ɔkladi uwi lɛkpabi lɛni lɛlɔ na baakyula akpala mmɔ lɛlɔ na linye Unwoti Adi Kevo kammɔ kayakun kenye.

Lewiƒuɔ Ɔda Bubo 4:25

Ɔƒɛni ɔkpane ɔmmɔ ɔdubuti lɛnimi ɔ́kya ebuo ɔni na úti úboku ka ubabla likpidi lili buvele akpala mmɔ ubugya kemmo na uti ususu ese ani nlɛ lɛkpabi lɛni lɛlɔ na baakyula bebuo mmɔ lɛlɔ. Na ubugya ɔkladi ni, ɔdubuti uwi lɛkpabi lɛmmɔ kalɔ.

Lewiƒuɔ Ɔda Bubo 4:7

Na uti ubugya ɔmmɔ ɔdi ususu ebuo ese ani nlɛ oloƒui lɛkpabi lɛni nnye Unwoti anumi na Unwoti Adi Kevo kemmo mmɔ lɛlɔ. Na akɔ ɔmmɔ ubugya ɔkladi ƒui ni, ɔkpane ɔmmɔ ɔdubuti uwi lɛkpabi lɛni nnye Unwoti Adi Kevo kammɔ kayakun kenye mmɔ kalɔ.

Bumomo Bɔka 28:22

Na biti ketukpa kenwi bɛbla likpidi lili buvele akpala na Unwoti udie likpidi kɔtu bɔni bina lɛlɔ.

Yohane 17:19

Na ama ɔsu ni, lɛ́bla lɛlɔ kedee lite-ɔ kalɛ na akana abla ama lɛnɔ kedee.

Hebriƒuɔ 2:11

Anwu ɔni nábla bekyuli kedee ku bekyuli bani na ɔ́bla kedee ƒui ni, badi bekyuli benwi. Ɔmɛni ɔsu na kɔƒa kulekpo Yesu ka ɔlɔ-ma ɔnii banwa.