Lewiƒuɔ Ɔda Bubo 16:16 - Katɔti Ɔku Kedee

¹⁶ Lɛni na ɔdubɔbla na udie likpidi kɔtu bɔni bɔni nkɛnku Katɔma Kedee kammɔ lɛlɔ ala bɔbla na Israelƒuɔ ala ani muusé lɛlɔ bɔbla ku kalɛ na bénwini kama bákya Unwoti ɔsu ina bi ekpidi na bábla. Lɛni kani na ɔdubɔbla ute Kasakɔ Kevo kani nkya-ma ntɛ na bana ɔbladu ɔni muusé lɛlɔ mmɔ ɔsu.

Lewiƒuɔ Ɔda Bubo 16:16 ပူးပေါင်းရင်းမြစ်များ

Israelƒuɔ Bɔlɛ 30:10

Na kunwi na lɛkwa kemmo ni, Aaron ɔdu ebuo ɔbla likpidi kɔtu bɔni budie akpala ɔdi na kesii kani na ese ammɔ alɛ. Na ebuo ɔni na badubo bɔdu mmɔ ubugya na badubuti babla buvele ɔdi ɔmɛni bete kaba bekyuli bani mebo ƒui. Na ɔmmɔ ɔdi akpala ani nse kedee ƒui ute ami Unwoti.”

Lewiƒuɔ Ɔda Bubo 16:17

Uwi ɔni na Aaron úduo Katɔma Kedee kammɔ kemmo utábla likpidi kɔtu bɔni budie ɔdi ɔmmɔ ni, utalɛka ukyuli ɔdi ɔkya Kasakɔ Kevo kammɔ kemmo útédu ka ɔ́wɔlɔ ɔdi ɔmmɔ bɔbla na anwu ɔlati ku nwuna kaduli bekyuli ku Israel kadi bekyuli ƒui lili na ɔ́vi ɔ́lɛ mmɔ.

Lewiƒuɔ Ɔda Bubo 16:18

“Ɔmmɔ kama ɔdubɔlɛ ubo Unwoti lɛkpabi lɛmmɔ kudɔ na uti akɔ ɔmmɔ ubugya ku ketukpa kammɔ ubugya ɔdi ususu bebuo ese ani nlɛ lɛkpabi lɛmmɔ lɛlɔ ƒui na ɔbla-ni ɔdi ɔmmɔ kalɛ kani na ɔ́bla Kevo kammɔ.

Lewiƒuɔ Ɔda Bubo 23:27

“Su Israelƒuɔ ka kɔbuli maatɛdi limeyi leevudi lɛlɔ ni, ɔdi Likpidi Kɔtu Bɔni Budie Limeyi. Bikisi lɛlɔ bɛsa bɔsa kedee na mina lɛnyi lɛlɔ na bɛkyula akpala.

Lewiƒuɔ Ɔda Bubo 8:15

Ɔmmɔ kama Mose ɔ́du ebuo ɔmmɔ, na úti lɛnimi ɔ́kya ubugya ɔmmɔ kemmo na úti úsusu bebuo ese ani ƒui nlɛ lɛkpabi lɛmmɔ lɛlɔ na ɔ́bla lɛkpabi lɛmmɔ sɛɛn. Na úti ubugya ɔkladi úwi lɛkpabi lɛmmɔ kalɔ na ɔ́bla lɛkpabi lɛmmɔ kedee na lise sɛsɛɛ úte Unwoti kalɛ na udie kɔtu bɔni biala nina lɛlɔ.

Bumomo Bɔka 17:11

Na Mose ɔ́bla ɔ́sia kalɛ kani Unwoti úbo-nwu ɔda.

Bumomo Bɔka 28:15

Uti ubunku limeyi ndi limeyi akpala ku ntɛ bɔni badubo butaawia. Na beti ese babla likpidi lili buvele akpala bete Unwoti.

Yohane 14:3

Anwuɔsu si lísie ńtáklibi-ku lɛ́wɔlɔ ni, ndubɔsɔ linwini libo na mbakpanku-mii ntése mina kudɔ na amii lɛnɔ bilie mmɔ.

Hebriƒuɔ 2:17

Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma.