Lewiƒuɔ Ɔda Bubo 15:5 - Katɔti Ɔku Kedee

⁵ Na ukyuli biala metuku ɔnana ɔmmɔ atɛla ɔlɛka ɔƒɔ nwuna adala na ɔkpi ntu na ɔmu ɔdubuse lɛlɔ utédu useyi uwi.

Lewiƒuɔ Ɔda Bubo 15:5 ပူးပေါင်းရင်းမြစ်များ

Kɔgya 26:6

Lídie mina enu katɔ mɔɔtina ka nse sɛɛn na mɔɔkpá-a taaka taamana ƒula lɛkpabi.

Kɔgya 51:2

Kpila-mi kede kede na mina ekpidi ɔsu na lɛlɛ sɛɛn na mina bɔƒiɔ ƒui kudɔ.

Kɔgya 51:7

Kpila-mi na edie ekpidi ƒui mina lɛlɔ sɛɛn na nteekeye teetulo etubankɛ.

Israelƒuɔ Bɔlɛ 19:10

Amu na Unwoti ɔ́su Mose ɔnini, “Sie na atáya na baklibi lɛlɔ bese sɛɛn ɔmwi ku kɔnaadi. Na baƒɔ bana adala.

Yesaia 1:16

Bɛkpi ntu na bɛbla lɛlɔ sɛɛn. Na bɛsɔ bitaya na ntaanu bina alaekpidi ani na bɛ́bla mmɔ. Na bɛda bina udunkpi ala bɔbla bɛya.

Yesaia 22:14

Nsu Unwoti Ɔyikune Ƒui ɔ́su-mi ku mina atu nwaa ɔnini, “Bɛdubo likpidi lɛmɛni kayu butaaƒɔ laa útédu bina likpimeyi, na lɛɛɛdubo kɔtu bɔni bɔmmɔ budie bina lɛlɔ.”

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.

Esekiel 36:29

Na ndubo-mii bɔgyumana bɔsiku ala ani ƒui mɔɔyá na biisé lɛlɔ kudɔ. Na bina mmo bɔdubɔdi edula pii na kɔka kɔsɔ kuládu ɔdi.

Lewiƒuɔ Ɔda Bubo 11:24

“ ‘Ukyuli biala metuku ala ani muusé lɛlɔ mɛni ukpine ɔdubuse lɛlɔ utédu useyi uwi.

Lewiƒuɔ Ɔda Bubo 11:25

Na ukyuli biala magyu nwuna lɛna lɛdi ɔlɛka ɔƒɔ nwuna lɛwu na useyi uwi asa na ɔdubɔbla sɛɛn.

Lewiƒuɔ Ɔda Bubo 11:28

Na ukyuli biala metuku bana lɛna lɛdi ɔlɛka ɔƒɔ nwuna lɛwu na useyi uwi asa na ɔdubɔbla sɛɛn.

Lewiƒuɔ Ɔda Bubo 11:32

Na si bebuo bamɛni ɔdi úkpi ɔ́yu lɛla biala lɛlɔ ni, lɛla lɛmmɔ lɛdubuse lɛlɔ. Si ina kegyikɛ kadi lɛlɔ na ɔ́yu o-o iye kɔdi lɛlɔ o-o iye ebuo ɔku lɛlɔ o-o iye lɛla biala na ɔdia lɛla lɛdi buti bɔbla lɛlɔ na ɔ́yu o-o ni, ɔlɛka beti lɛla lɛmmɔ bakya ntu kemmo útédu useyi uwi asa na lɛla lɛmmɔ lɛdubɔbla sɛɛn na ɔmmɔ kama.

Lewiƒuɔ Ɔda Bubo 13:34

“Na limeyi maatɛdi lɛmmɔ lɛlɔ ni, ɔlɛka ɔkpane ɔmmɔ ɔ́sɔ utánu-nwu na si ɔlɛ ɔmmɔ útegyingya ɔlɔna lɛlɔ na útagyu-nwu ɔlɔna kemmo lɛnɔ ni, ɔlɛka ɔkpane ɔmmɔ ɔsu ka use sɛɛn. Na ɔlɛne ɔmmɔ ɔlɛka ɔƒɔ nwuna adala na ɔ́bla sɛɛn sɔsɔ.

Lewiƒuɔ Ɔda Bubo 13:6

Na limeyi maatɛdi lɛmmɔ lɛlɔ ɔlɛka ɔkpane ɔmmɔ ɔsɔ usie utásia-nwu anu. Na si ɔ́nu-nwu na alɛbi ammɔ aƒana na étegyingya na ɔlɔna ɔmmɔ lɛlɔ ni, na ɔlɛka ɔkpane ɔmmɔ ɔsu-nwu ka use sɛɛn na lɛla bamba lɛdi lɛɛɛda-nwu, na akpaabi kani na adi. Na ɔmmɔ kama na ukyuli ɔmmɔ ɔƒɔ nwuna adala na ɔbla sɛɛn.

Lewiƒuɔ Ɔda Bubo 14:27

Na uti nwuna kɔdianu lɛnimi lideedi lɛni nsiaku lɛnimigya utu nnɔ bɔni nwi-nwu kɔmiinu lɛkɔkɔ mmɔ na ɔta-mu uwi kayaa maatɛ na Unwoti anumi mmɔ.

Lewiƒuɔ Ɔda Bubo 15:18

Na si ɔnana ɔdi ku ulekudi bátɛ ni, ɔlɛka bana inyɔ ƒui bakpi na bamu badubuse lɛlɔ utédu useyi uwi.

Lewiƒuɔ Ɔda Bubo 15:4

“ ‘Atɛla biala lɛlɔ na ɔnana ɔni ntu buuwi-nwu mmɔ watɛ adubuse lɛlɔ na lɛla biala lɛlɔ na ɔnana ɔmmɔ wayu welie lɛnɔ lɛdubuse lɛlɔ.

Lewiƒuɔ Ɔda Bubo 15:6

Na ukyuli biala mayu melie lɛla biala lɛni lɛlɔ na ɔnana ɔmmɔ ɔ́yu úlie ni, ɔlɛka ɔƒɔ nwuna adala na ɔkpi, nsu ɔmu ɔdubuse lɛlɔ utédu useyi uwi.

Lewiƒuɔ Ɔda Bubo 16:26

“Na ɔnana ɔni ndubutiku bukeli ketukpa kammɔ utákya alakpi akɔ na ketele kalɔ kakwiidi kemmo mmɔ lɛnɔ ɔlɛka ɔƒɔ nwuna adala ƒui na ɔkpi ntu asa na ɔsɔ unwini utéduo bana keliekɔ mmɔ.

Lewiƒuɔ Ɔda Bubo 16:28

Na ukyuli ɔni makyula bebuo bammɔ ɔdubɔƒɔ nwuna lɛwu na ɔkpi ntu asa na unwini usie bana keliekɔ.

Lewiƒuɔ Ɔda Bubo 17:15

“ ‘Na si ukyuli ɔdi ɔ́kun ebuo ukpine lɛna iye ɔ́kun lɛna lɛni na eƒiebuo bamba náduli-nwu kɔkɛ kɔkɛ ɔ́va na ɔdi Israelni iye ɔƒɔ ni, ɔlɛka ɔƒɔ nwuna adala na ɔkpi ntu na ulie utédu useyi uwi asa na nwuna lɛlɔ lɛdubɔbla sɛɛn.

Bumomo Bɔka 19:10

Na ɔnana ɔni mabuma ntɔ bɔmmɔ lɛnɔ ɔlɛka ɔƒɔ nwuna adala, na ɔɔɔdubo buse sɛɛn wetédu useyi uwi. Ɔda ubo bɔmɛni buse bute Israelƒuɔ ku baƒɔ bani nkya-ma akɔ úte uwi ƒui.

Bumomo Bɔka 19:22

Ukyuli biala na ukyuli ɔni lɛlɔ muusé lɛlɔ weti kɔnu wetuku-nwu ɔdubuse lɛlɔ. Na ukyuli biala lɛnɔ metuku-nwu ɔdubuse lɛlɔ wetédu useyi uwi.”

Hebriƒuɔ 10:22

bɛya na bɔni bude Katɔti ku kayi kani naaatɔlɔ-bu na bɔda bɔƒɔtaadi bɔmmɔ kpakplaa. Yesu ɔ́kuna nwuna ubugya ɔmmɔ úwi-bu lɛlɔ kalɛ na bula kayi kaládu-bu kɔtɔ. Na úti ntu bɔni nse sɛɛn ɔ́ƒɔ-bu lɛlɔ ƒui.

Hebriƒuɔ 9:14

Na si ɔbladu ɔmɛni ɔɔyá na ukyuli ɔɔbla sɛɛn ni, na Kristo ubugya ɔɔkana na ɔɔbla ukyuli sɛɛn teetulo. Ɔkɛnku Katɔti Kɔyu kɔni nli uwi ƒui lɛlɔ ni, Kristo úti lɛlɔ ɔ́bla akpala ani nédu áwɔlɔ úte Katɔti na lɛla lɛdi lítebie-mu lɛlɔ. Nwuna ubugya ɔdubɔbla bina kayi sɛɛn bɔsiku ɔdi bɔbla bɔni nsɔ neeebo kɔsia ƒui kudɔ kalɛ na bɔbla Katɔti ɔni nli kabla.

Hebriƒuɔ 9:26

Si lɛni na use ni, ɔlɛka nka Yesu ɔsɔ ubebo abi ɔsia kama kɔlɛ kɔlɛ ɔ́si kayawi kalɔ kesekɔ ƒui. Nsu kalɛ na use ni, kunwi pɛ kani na úbo kayawi kamɛni kemmo úbedie-bu na ekpidi ƒui kemmo ku nwuna ubugya ɔni na úti ɔ́kpa na bula lili. Na ɔdanku uwi ƒui utédu kayawi kawɔlɔkɔ.

Yakobo 4:8

Bɛni bide Katɔti, na anwu lɛnɔ ɔdubɔni ude-mii. Amii alaekpidi bablane, bɛƒɔ bina enu! Na amii bani bina kasusu kese inyɔ inyɔ ni, bɛvumana bɛsia Blɔti lɛti kama!

Budie Taatina 7:14

Amu na lɛ́su-nwu nnini, “Ati, lɛɛɛgyi-ma. Awɔ ngyi bekyuli bamɛni.” Amu na ɔ́su-mi ɔnini, “Bekyuli bamɛni ndi bani nénye lɛbibo bonwu lɛmmɔ kenye, na bálɛ-nwu kemmo. Bábla sɛɛn na Koƒonu Ubi ɔmmɔ ubugya ɔsu, aani kalɛ na baaƒɔ lɛwu na lɛɛƒuala.

Samuel 1 20:26

Saul ɔ́nu ɔ́ti ka Dawid útebo kadikɔ mmɔ, nsu útasu lɛla lɛdi. Na ɔ́bla kasusu ɔnini, “Ɔƒɛni kalɛ Dawid útabla lɛlɔ sɛɛn kalɛ na ɔkana-bu akɔ bɔkya. Na sɔsɔ uuuse sɛɛn.”