Lewiƒuɔ Ɔda Bubo 15:19 - Katɔti Ɔku Kedee

¹⁹ “ ‘Na si uleku ɔ́lɛ ɔtɔ ni, emeyi maatɛ kemmo ƒui na uuuse sɛɛn. Na ukyuli biala metuku-nwu lɛnɔ uuuse sɛɛn na ɔɔɔdubo buse sɛɛn wetédu useyi uwi.

Lewiƒuɔ Ɔda Bubo 15:19 ပူးပေါင်းရင်းမြစ်များ

Kɔnyana Buwulo 1:17

Sion údie enu na ɔɔwia ubunkune nsu útakɛ kɔnu ɔsiane. Unwoti ɔ́ya na kadi bekyuli bani náka bámana Sion báta bénye Yakob bebi ku bawɔ ƒui lɛlɔ. Yerusalem únwini aani lɛla lɛni muusé lɛlɔ na nwuna liku bekyuli ƒui anumi.

Esekiel 36:17

“Esekiel, ɔyawine ubi, uwi ɔni na Israelƒuɔ beli ama alati kalɔ lɛlɔ ni, bébile kalɔ kammɔ ekisila na kasɔ keeese sɛɛn na bana ala ɔbladu ɔsu kalɛ kani na si uleku ɔ́lɛ ɔtɔ na uubile ekisila pii na ɔsɔ uuuse sɛɛn kalɛ.

Lewiƒuɔ Ɔda Bubo 12:2

“Su Israelƒuɔ anini, ‘Si uleku ɔ́da kaƒɔ na ɔ́wɔ ubi ɔnanabi ni, uwele ɔmmɔ uuuse sɛɛn wetédu emeyi maatɛ. Na úlieku kalɛ kani na si ɔ́ƒɛ kɔnu na uusé sɛɛn wetédu emeyi maatɛ.

Lewiƒuɔ Ɔda Bubo 12:4

Na ɔmmɔ kama uwele ɔmmɔ ɔlɛka ulie emeyi avlaatɛ asa na wabla sɛɛn ɔsiku nwuna ubugya buwi kemmo. Na utalɛka uwele ɔmmɔ utuku lɛla lɛni na bábla-ni kedee iye usie Katɔti kakpakɔ utédu ka nwuna lɛlɔ bɔbla sɛɛn emeyi ammɔ édu.

Lewiƒuɔ Ɔda Bubo 15:20

“ ‘Na lɛla biala lɛlɔ na welie iye watɛ na nwuna ɔtɔ bɔlɛ uwi lɛdubuse lɛlɔ.

Lewiƒuɔ Ɔda Bubo 20:18

“ ‘Si ɔnana ɔdi ku uleku ɔni náƒɛ kɔnu iye ɔ́lɛ ɔtɔ bátɛ ni, údie-nwu kasɔngya na ɔ́nu-nwu uwi ɔni na uuuse sɛɛn, anwuɔsu ɔlɛka bedie-ma bana badi akɔ.

Lewiƒuɔ Ɔda Bubo 22:5

iye útuku bebuo udu ɔni neeese sɛɛn ɔdi iye ukyuli ɔni neeese sɛɛn ɔ́ya na ɔkpane ɔmmɔ uusé lɛlɔ ni, ɔɔɔdi ka ɔdi adila ammɔ adi.

Mateo 15:19

Na kasusu kekpidi kani mɔɔyá na bekyuli baadú bekyuli, na baadi kɔsɔnɔ, na baabla lɛyalɛ ala, na beeyú, na baadá bekyuli kenye, na baalɔ bekyuli anyikpi ni, ana ƒui aasí kayi kemmo.

Marko 5:25

Na uleku ɔdi ɔkya-ma akɔ ɔni na ubugya uuwi-nwu lɛlɔ akwa leevu-anyɔ sɔɔn, ina ka bevone baabla-nwu evo.