Lewiƒuɔ Ɔda Bubo 14:17 - Katɔti Ɔku Kedee

¹⁷ Na nnɔmii bɔkladi bɔni nwi ɔkpane ɔmmɔ lɛkɔkɔ ni, ɔbla-mu utu ukyuli ɔni na ɔɔbla sɛɛn bɔbla ɔdi ɔmmɔ teete kɔdianu kɔtu kawɔlɔkɔ ku kɔdianu kɔnu lɛnimigya ku kɔdianu ɔgba lɛnimigya na kesii kani na úsusu kɔtɔ bukpi ebuo ɔmmɔ ubugya mmɔ kani.

Lewiƒuɔ Ɔda Bubo 14:17 ပူးပေါင်းရင်းမြစ်များ

Esekiel 36:27

Ɔsika ndubuti mina kɔyu lite-mii na lɛya na mina litemi lɛlɔ bɔdi ku ala ani mɔɔtina-mii kama bɔsia kɔka kutaada-mii.

Lewiƒuɔ Ɔda Bubo 14:14

Na kɔtɔ bukpi ebuo ɔmmɔ ubugya ni, ɔlɛka ɔkpane ɔmmɔ ɔbla-nwu ɔdi utu ukyuli ɔni na baabla sɛɛn bɔbla ɔdi ɔmmɔ teete mmɔ kɔdianu kɔtu kawɔlɔkɔ ku nwuna kɔdianu kɔnu ku kɔdianu ɔgba animigya.

Lewiƒuɔ Ɔda Bubo 14:16

na uti nwuna kɔdianu lɛnimi lideedi lɛni nsiaku lɛnimigya ɔkya nnɔmii bɔni nwi-nwu lɛkɔkɔ mmɔ kemmo na ɔta-mu uwi kayaa maatɛ na Unwoti anumi mmɔ.

Lewiƒuɔ Ɔda Bubo 14:18

Na nnɔmii bɔkladi ni, uti-mu ususu ukyuli ɔmmɔ lili ɔtina ka Unwoti údie likpidi kɔtu bɔni biala na nwuna lɛlɔ.

Lewiƒuɔ Ɔda Bubo 8:23

Mose ɔ́du-ku na úti ubugya ɔmmɔ ɔdi úsusu Aaron kɔdianu kɔtu kawɔlɔkɔ mmɔ ku nwuna kɔdianu kɔnu ku nwuna kɔdianu ɔgba animigya.

Lewiƒuɔ Ɔda Bubo 8:30

Anwuɔsu Mose úti nnɔmii bɔni na ɔdubuti use Aaron likpo mmɔ ku ubugya ɔni nsia lɛkpabi lɛlɔ mmɔ ɔdi na ɔ́kuna-nwu úwi Aaron lɛlɔ ku nwuna lɛkpa lɛwu gyɔlɔɔ lɛmmɔ lɛlɔ ku nwuna bebi bananabi bammɔ. Na ɔ́ƒuna-nwu úse sɛsɛɛ na ɔ́bla-nwu kedee ku nwuna lɛwu ku nwuna bebi bananabi lɛwu ƒui lɛnɔ.

Yohane 1:16

Na Katɔti lɛƒɔndia ku litemi geen lɛni náƒɔ-nwu lɛlɔ kemmo ƒui ɔsu ni, ɔ́bla bula ƒui lɛƒɔndia ɔ́sia kama.

Petro 1 1:2

Unwoti Katɔti ɔlati náƒuna-mii na nwuna bɔyɔ kenye. Na ɔ́ya na nwuna Kɔyu kɔ́bla-mii nwuna bekyuli kedee ka bɛ́di Yesu Kristo litemi lɛlɔ ɔsu. Na nwuna ubugya ɔ́bla-mii lɛlɔ sɛɛn. Muuvele nnii Katɔti lɛƒɔndia ku keyi buɛɛ kasiaku bina ƒui uwi biala kemmo.