Lewiƒuɔ Ɔda Bubo 13:45 - Katɔti Ɔku Kedee

⁴⁵ “Na ukyuli ɔni na ɔlɛ ɔmmɔ udu ɔda ni, ɔlɛka ɔda adala ani nábwɛ na ulegyeli nwuna kuli linwini na uti lɛla lɛdi ubi nwuna anumi na utaava momoomo taasu ɔnini, ‘Lɛ́sɔ o-o, lɛ́sɔ na liiise sɛɛn!’

Lewiƒuɔ Ɔda Bubo 13:45 ပူးပေါင်းရင်းမြစ်များ

Ala Kalɔ Buse 37:29

Ka Ruben únwini úsie libiɔ lɛmmɔ kɔtu na ɔ́nu ka Yoseƒ ɔsɔ uuubo ubu ɔmmɔ kemmo ni, ɔdi lɛla lɛni nékpoku-nwu geen ɔsu ɔ́ni awu ɔni na ɔkya ɔ́bwɛ kalɛ na ama baabla.

Samuel 2 13:19

Tamar úti ntɔ úwi lili na ɔ́ni awu buni ɔni na ɔkya mmɔ ɔ́bwɛ. Na úti enu úwi lili na ɔkɛ uuwulo momoomo ɔ́tɔlɔ.

Baga 2 7:3

Banana inyɔ bani muuƒi ɔlɛgyie na béli Samaria awodu kɔyakun kama mmɔ básu lɛlɔ banini, “Bi kɔsia kɔdi-bu ɔsu na bɔmu bulie mɛni utédu ka kɔka kɔɔdu-bu?

Hiob 1:20

Hiob ɔ́ta únye kɔnakunwi ka únu kenye kamɛni. Na ɔ́ni nwuna awu ɔ́bwɛ na úkpeyi lili, na ɔ́yu úbi kalɔ úmwi Unwoti.

Hiob 42:6

Ɔmmɔ ɔsu na mina lɛlɔ lɛ́bɔ-mi na líbo nli ɔtumu ku ntɔ akɔ mɛni. Na mɔɔtina kalɛ na mina lɛlɔ libo kɔnyana.”

Kɔgya 51:3

Ɔsika lɛ́nu mina alaekpidi lɛ́ti. Na ekpidi ammɔ eeduo-mi uwi biala.

Kɔgya 51:5

Na sɔsɔ ni, likpidi udu ɔkya-mi lɛlɔ kemmo ɔ́si uwi ɔni na mina uni ɔ́da-mi kaƒɔ. Na mɔɔbla-nya ɔ́si ɔni na ɔ́wɔ-mi.

Yesaia 52:11

Bɛda Babel ɔma unengudi ɔmmɔ biwi na bɛlɛ-nwu kemmo! Na bitetuku lɛla lɛni muusé lɛlɔ lɛdi. Na bɛƒɔ bina adala ƒui amii bani nti Unwoti lɛlɔ ala ani nse kedee.

Yesaia 6:5

Amu na lɛ́su nnini, “Mina bɔkywi uwi údu, ɔsika alaekpidi ɔblane na ndi na alaekpidi bablane kaba kemmo na lɛ́si, nsu mina anumi ánu Ɔga ɔni ndi Unwoti Katɔti Ɔyikune Ƒui!”

Yesaia 64:6

Bula ƒui bɔ́ƒiɔ na buuuse sɛɛn. Na lɛla lɛbuni lɛni na bɔɔnu ka bɔɔbla muedi ni, lɛ́dɔli aani adikpi ani muusé lɛlɔ. Bula ƒui bɔ́yɛyɛ aani livete lɛnudi. Na bula alaekpidi énwini aani ɔƒɛƒɛɛ na ada-bu eebó taavinku.

Yeremia 3:25

Bɔ́ta búnye-ɔ lɛlɔ aani bula bati kuuku kalɛ kani. Na bula alaekpidi eekpó-bu kɔƒa.’ ”

Kɔnyana Buwulo 4:15

Mmomu bekyuli ƒui baava taabɔku-ma banini, “Bɛgyu-bu lɛlɔ mɛni biteesie, na bitetuku-bu! Ɔsika biisé lɛlɔ, na bítamanku ka amii lɛnɔ bɛbla Katɔti bekyuli akɔ badi.” Ɔmmɔ ɔsu ɔlɛka batɔlɔ mmɔ na beténwini baƒɔ na kalɔ bamba. Nsu mmɔ lɛnɔ ni, kalɔ kammɔ bekyuli básu-ma banini, “Bilakana bula kalɔ mɛni lɛnɔ bulie!”

Esekiel 24:17

Wulo kɔnyana na ƒula kayi kemmo kani na tabla tatina na bekyuli banu ɔmɛni bati na ƒula anumi lɛlɔ ka eewulo kɔnyana kɔdi. Tada ƒula lɛduni lɛni mma-a lili tamana iye edie ƒula lɛgbanvuo lɛni na akya na akɛ lɛgbakplu. Na teti lɛla lɛni lɛnɔ tebi ƒula anumi atina ka lɛla lɛdi lɛɛbla-a. Na tadi adila ani na kɔnyana bewulone lɛnɔ baadi aani kalɛ na ɔtɛ use na bekyuli baabla.”

Esekiel 24:22

Na mmɔ ni, bɛdubo lɛla lɛni na bɛ́nu ka mɔɔbla mɛni bɔbla amii lɛnɔ. Na bɛɛɛdubo lɛla lɛdi buti bubi bina anumi na bini na biladi adila ani na kɔnyana bewulone baadi lɛnɔ bɔdi.

Yoel 2:13

Ɔɔɔdi bina lɛwu na bɛɛní bɛbwɛ biti bɛtina ka biiwulo kɔnyana. Mmomu binwini bibo-mi kudɔ ku kayi kani muunú ɔlɛ na bina ekpidi ani na bɛ́bla lili. Mɔɔnu kɔnyana na mbo lɛƒɔndia na ndaku ukyuli lɛda. Neeeti kɔnyi buti buti. Na naaayɔ ka ntaani kɔtu lɛnɔ.

Lewiƒuɔ Ɔda Bubo 10:6

Amu na Mose ɔ́su Aaron ku nwuna bebi bananabi Eleasar ku Itamar ɔnini, “Amii amu ni, bitanyonu bina lili linwini bitewi na lɛbla kalɛ kalɛ iye bɛni bina adala bɛbwɛ bɛtina ka likpidi lɛdi lɛ́lɛku-mii si ɔɔɔdi lɛni bɛdubo bukpi, na Unwoti ɔ́kɛku bina kadi kammɔ bekyuli ƒui kɔnyi. Na bina lɛlɔ bekyuli ku kadi ƒui ama bakana na bewulo bani ƒui na Unwoti ɔ́ya na ogya ɔ́yila-ma udu mmɔ.

Lewiƒuɔ Ɔda Bubo 13:44

na ukyuli ɔmmɔ uuƒi na ɔ́sɔ na ɔkpane ɔmmɔ ɔdubute kati ka ɔ́sɔ na uuuse sɛɛn na alɛbi ani nwi-nwu lili ɔsu.

Lewiƒuɔ Ɔda Bubo 21:10

“ ‘Ɔkpane unengudi ɔni na béwi-nwu lili nnɔmii bése-nwu likpo na nwuna banwani akɔ ka ɔkya ɔkpane lɛwu lɛmmɔ utalɛ ka ɔnyonu nwuna kuli linwini uwi kalɛ kalɛ iye ɔni nwuna awu ɔbwɛ ka kekwa kada-nwu ɔsu.

Mika 3:7

Amii kenye bediene ku like bebone ƒui ni, kɔƒa kɔdubo-mii bukpo na bɛsɔ bɛɛɛdubo kenye kadi bunu bɔsiku-mi kudɔ.”

Bumomo Bɔka 5:2

“Kɔ lɛsa na asu Israelƒuɔ anii ukyuli biala na ɔlɛgyie ɔni mɔɔví uwi-nwu lɛlɔ iye ntu bukpidi bɔdi buuwi-nwu iye úti kɔnu útuku ukpine ɔdi ni, ɔlɛka bada-nwu bedie bana kakyakɔ kɔnakunwi.

Luka 17:12

Na ka ɔdaku lɛkpaklɔ lɛdi buduo ni, banana leevu badi na beeƒi ɔlɛgyie bábasiaku-nwu. Balɛne bamɛni bénye ɔgyu.

Luka 5:8

Ka Simon Petro ɔ́nu lɛla lɛni nálɛ mɛni ni, ɔ́lɛ akɔnkɔ na Yesu anumi na ɔ́su-nwu ɔnini, “Blɔti, takpɛ tede-mi, ɔsika alaekpidi ɔblane na ndi.”