Lewiƒuɔ Ɔda Bubo 13:20 - Katɔti Ɔku Kedee

²⁰ Ɔkpane ɔmmɔ ɔlɛka ɔsia-nwu anu na si ɔlɛ ɔmmɔ ɔ́lɛ aani ɔlɛ bonwu nágyu-nwu ɔlɔna na linwini lɛni nákwɛ mmɔ lɛ́bla ƒututuu ni, ɔlɛka ɔkpane ɔmmɔ ɔsu-nwu ka ɔ́sɔ na uuuse sɛɛn. Ɔsika ɔlɛgyie ɔni mɔɔví na ɔdi nálɛ úwi-nwu kesii kani na liƒula lɛmmɔ lɛ́sia-nwu mmɔ.

Lewiƒuɔ Ɔda Bubo 13:20 ပူးပေါင်းရင်းမြစ်များ

Lewiƒuɔ Ɔda Bubo 13:19

na kesii kani na lɛla lɛmmɔ líƒu ukyuli ɔmmɔ kásɔ kéƒu kábla ƒututuu iye ɔ́bla ugyiedi ku ɔƒualadi ni, ɔlɛka uti lɛlɔ utátina ɔkpane.

Lewiƒuɔ Ɔda Bubo 13:2

“Si ala adi álɛ éwi ukyuli lɛlɔ iye nwuna ɔlɔna ɔɔtina aani kalɛ na ɔkpaala ɔɔsia lɛla lɛdi lɛlɔ iye eƒula adi na ɔɔtina aani ɔlɛgyie ni, ɔlɛka beti-nwu beboku Aaron ɔni ndi ɔkpane iye nwuna bebi bananabi ɔdi ɔni ndi ɔkpane kudɔ.

Lewiƒuɔ Ɔda Bubo 13:21

Nsu si ɔkpane ɔmmɔ ɔ́sia-nwu anu na linwini ƒututuu lɛdi lítakwɛ na kesii kani liƒula lɛmmɔ lɛ́sia-nwu mmɔ, na ɔlɛ ɔmmɔ lɛnɔ útagyu ɔlɔna ni, ɔlɛka ɔkpane ɔmmɔ uti ɔlɛne ɔmmɔ utákya kesii kadi sɛsɛɛ emeyi maatɛ.

Lewiƒuɔ Ɔda Bubo 13:3

Na ɔkpane ɔmmɔ ɔdubɔsia alɛbi ammɔ anu kaduɛ. Na si alɛbi ammɔ kemmo linwini lɛ́bla ƒututuu na use aani kalɛ na alɛbi aagyú ɔlɔna taabla ubu ni, na alɛbi ammɔ adi ɔlɛgyie. Na ɔlɛka ɔkpane ɔmmɔ ute bɔti ka ukyuli ɔmmɔ uuuse sɛɛn.

Mateo 12:45

Ɔmɛni ɔsu ni, ɔɔsɔ teenwini teesie na utákpanku ayu ekpidi maatɛ ani ntulo-nwu, na bebo bebelie mmɔ. Na kawɔlɔkɔ ni, ukyuli ɔmmɔ ablala eebie teetulo kalɛ na ése kudeedi muedi. Ɔmɛni ndububo kaba kekpidi kamɛni lɛlɔ.”

Yohane 5:14

Ɔmmɔ kama ni, Yesu ɔ́nu-nwu na Katɔti kakpakɔ na ɔ́su-nwu ɔnini, “Nu! Ɔƒɛni lɛlɔ lɛ́sɔ lɛ́yu-ɔ ɔkplu. Na tasɔ telie ataabla likpidi! Si ɔɔɔdi lɛni ni, lɛla lɛni ntulo lɛmɛni lɛdubo-ɔ bɔbla!”

Petro 2 2:20

Si bekyuli bávumana kayi na Katɔti údie-ma ɔ́lɛku ala ani muukpóku-ma ƒui kudɔ ka báƒɔ Blɔti ku Ɔƒɔne Yesu Kristo asa na básɔ bénwini bésie belie bana ngba kuuku bɔmmɔ ni, bana ablala eebie teetulo kalɛ na úse kalɔ kesekɔ ƒui.