“ ‘Na si uleku ɔmmɔ ulakana koƒonu ubi bute ni, ɔkana na ɔwia bamangbɛ inyɔ iye babloduma inyɔ na uti unwi ɔbla akpala bɔkyula. Na uti unyɔdi ɔbla likpidi lili buvele akpala Na ulu ɔmɛni lɛlɔ na ɔkpane ɔdubɔbla lɛlɔ bɔbla sɛɛn ɔdi ɔmmɔ ute-nwu na ɔbla sɛɛn.’ ”
“Si ala adi álɛ éwi ukyuli lɛlɔ iye nwuna ɔlɔna ɔɔtina aani kalɛ na ɔkpaala ɔɔsia lɛla lɛdi lɛlɔ iye eƒula adi na ɔɔtina aani ɔlɛgyie ni, ɔlɛka beti-nwu beboku Aaron ɔni ndi ɔkpane iye nwuna bebi bananabi ɔdi ɔni ndi ɔkpane kudɔ.
Yesu ɔ́nu-ma na ɔ́su-ma ɔnini, “Biteesie na biti bina lɛlɔ bitátina Katɔti bakpane na banu-mii kaduɛ.” Ka bakɛ bésela ni, bánu báti ka bana ɔlɛ ɔ́ba-ma.
Uwi ɔdi ni, Yesu úsie ɔma ɔdi kemmo ɔni na ukyuli ɔdi ɔ́kya úteeƒi ɔlɛgyie. Amu ka ukyuli ɔmɛni ɔ́nu Yesu ni, ɔ́yu ɔ́tɛ kalɔ na Yesu anumi na úvele-nwu ɔnii, “Ati, si aayɔ́ ni, akana na aya na ɔlɛ ɔmɛni ɔba-mi.”
Na si ukyuli ɔdi uuƒi ɔlɛ buɛ ni, ukyuli ɔmmɔ ɔsia anu kaduɛ na ɔbla ɔsiaku lɛla lɛni na bakpane bani ndi Lewiƒuɔ badubɔsu-nwu ka ɔbla lɛlɔ. Na bɛnu ka bɛ́di ɔda ɔni líbo-mii mɛni lɛlɔ.
