Lewiƒuɔ Ɔda Bubo 10:9 - Katɔti Ɔku Kedee

⁹ “Ɔkpane ɔdi biala, awɔ ku ƒula bebi bananabi ɔdi utani ntɛ bubulodi bɔni kemmo na bɔnyii bɔkya iye bɔbambadi bɔdi biala udu na uduo Unwoti Adi Kevo kammɔ kemmo, si ɔɔɔdi lɛni bɛdubo bukpi. Na bunyimi bɔmɛni lɛlɔ na bɛdubɔdi úti úsela uwi ƒui amii ku bina kaba kaba ƒui bekyuli.

Lewiƒuɔ Ɔda Bubo 10:9 ပူးပေါင်းရင်းမြစ်များ

Israelƒuɔ Bɔlɛ 27:21

Na beti asogya ɔmmɔ balɛ Adi Kevo kemmo kesii kani na mɔɔsiáku-mii mmɔ ku aduni ani nƒa mmɔ anumi asa na adubuduo adaka ɔmmɔ kudɔ. Na Aaron ku nwuna bebi banu ka lɛsogya lɛmmɔ ƒui lɛɛda na Unwoti anumi mmɔ ɔ́si useyi uwi útálɛ kadi bugye. Ɔmɛni ɔdi bunyimi bɔni na Israelƒuɔ ɔdi ka bese likpo na bataadi-mu lɛlɔ uwi ndi uwi.”

Agba 20:1

Ntɛ muuboku budumi taama. Na muna bɔda lɛnɔ muuboku kekpo. Anwuɔsu si ukyuli ɔ́ya na ntɛ bɔ́di-nwu lɛlɔ ni, ɔɔɔdubo anu bɔda.

Yesaia 28:7

Na Katɔti bakpane ku Katɔti kenye bediene ƒui benye baabla ntɛ ekpila na ntɛ kpakplaa bɔni ɔsu. Na baagbánta si baanu kɔyu kemmo ala iye baadi kasusu kpakplaa kadi na lɛla lɛdi lɛlɔ. Na ntɛ bɔ́ya na béƒu bakɛ.

Esekiel 44:21

Útalɛ ka bani ntɛ asa na besie kakpakɔ kaduli geen kemmo mmɔ.

Hosea 4:11

“Ntɛ bɔnani ku bɔwɔdi bɔ́ya na mina bekyuli kasusu kékpi-ma na basɔ belenu lɛla lɛdi kalɔ!

Lewiƒuɔ Ɔda Bubo 10:8

Ɔmmɔ kama Unwoti ɔ́su Aaron ɔnini,

Lewiƒuɔ Ɔda Bubo 3:17

“ ‘Na ɔmɛni ɔdi ɔda ɔni na muubó-mii úti úsela bina kaba kaba kemmo bawɔ ƒui akɔ. Na kesii biala bɛdubulie ƒui ni, bitadi lɛmwi lɛdi biala iye ubugya biala.’ ”

Bumomo Bɔka 6:20

na ɔkpane ɔmmɔ ɔdubɔkɔliku ala ammɔ katɔ ɔtina Unwoti ubo-nya kudu na adi ala ani nse kedee na adi ɔkpane adi ku ebuo ɔmmɔ kayi ɔvu kani na ɔ́kɔliku katɔ ɔ́tina Unwoti mmɔ ku nwuna libuli lɛni béti béboku mmɔ. Na ɔmmɔ kama ni, Nasareni ɔmmɔ ɔkana na ɔni ntɛ ƒaa.

Bumomo Bɔka 6:3

ɔlɛka ɔda lɛlɔ udie ntɛ bɔni mbo ɔkplu bɔni kemmo. Na utalɛka ɔni egyiibi ntɛ bɔni na bébulo, na utalɛka ɔni lɛla lɛni mɔɔda kenye, iye egyiibi lidu biala ntu bɔni na bámana ebi ammɔ bédie iye ɔdi-nya muedi.

Luka 1:15

Ɔdubo ukyuli ubendi bɔbla na Katɔti anumi. Útalɛka ɔni ntɛ kpakplaa iye bɔbambadi bɔdi udu lɛnɔ. Na ɔ́si nwuna bɔwɔ uwi ni, Katɔti kɔyu kɔdubɔƒɔ-nwu lɛlɔ kemmo.

Eƒesoƒuɔ 5:18

Bitekpi ntɛ, ɔsika ɔmɛni mɔɔyá na bɛɛyii udu. Mmomu Katɔti Kɔyu kɔƒɔ-mii lɛlɔ kemmo ƒui.

Timoteo 1 3:3

Útalɛka utaani ntɛ teekpi, na ulekpo udi. Mmomu ɔlɛka ɔbla ukyuli ɔni nse buɛɛ, na ulayɔ kadɔ, na uuubo sika lɛnungyie lɛnɔ.

Timoteo 1 3:8

Na baƒɔtaadine kasala bebunkune ni, ama lɛnɔ ɔlɛka babla bekyuli bani nda udu buni, na bada kabla kammɔ lɛnɔ kpakplaa. Na badi bekyuli bani naaani ntɛ teekpi, na anumi elégyie-ma na egulabi lɛlɔ.

Timoteo 1 5:23

Na ƒula kaƒɔ ɔlɛ ɔsu ni, tasu anii ataani ntu lɛti. Ɔdia ka ataani ntɛ blii blii kuvo kalɛ.

Tito 1:7

Na ɔƒɔtaadine ɔtɔnkune ɔni mɔɔnu Katɔti kabla lɛlɔ ni, utalɛka litemi lɛdi lɛda-nwu iye utaakɔliku lɛlɔ katɔ iye uteeti kɔnyi buti buti. Na ɔɔɔdi ka utaani ntɛ teekpi, na ulekpo udi, iye anumi lɛnɔ elégyie-nwu na egulabi lɛlɔ.