Lewiƒuɔ Ɔda Bubo 10:6 - Katɔti Ɔku Kedee

⁶ Amu na Mose ɔ́su Aaron ku nwuna bebi bananabi Eleasar ku Itamar ɔnini, “Amii amu ni, bitanyonu bina lili linwini bitewi na lɛbla kalɛ kalɛ iye bɛni bina adala bɛbwɛ bɛtina ka likpidi lɛdi lɛ́lɛku-mii si ɔɔɔdi lɛni bɛdubo bukpi, na Unwoti ɔ́kɛku bina kadi kammɔ bekyuli ƒui kɔnyi. Na bina lɛlɔ bekyuli ku kadi ƒui ama bakana na bewulo bani ƒui na Unwoti ɔ́ya na ogya ɔ́yila-ma udu mmɔ.

Lewiƒuɔ Ɔda Bubo 10:6 ပူးပေါင်းရင်းမြစ်များ

Samuel 2 24:1

Na uwi ɔdi kama ni, Unwoti Katɔti ɔ́sɔ úbakɛ kɔnyi ku Israel kadi bekyuli ƒui na ɔ́ya na úbo Dawid kasusu ka ɔka bekyuli bammɔ ƒui.

Esra 7:5

ɔni ɔti ndi Abisua ɔni ɔti ndi Pinehas ɔni ɔti Eleasar ɔni ɔti ndi Aaron ɔni ndi Ɔkpane Unengudi.

Israelƒuɔ Bɔlɛ 33:5

Ɔsika Unwoti ɔ́su Mose na úbasu-ma ɔnini, “Bɛdi bekyuli bani atu mbo ɔkplu geen, na ɔƒɛni kalɛ si ami ku-mii bɔsiaku lɛlɔ uwi klukwii ɔdi muedi ni, ndubɔyila-mii udu kede kede. Ɔƒɛni ɔdi biala ɔda nwuna sika ugyiedi ala udie, na ndubɔnu kalɛ maabla-mii.”

Israelƒuɔ Bɔlɛ 6:23

Na Aaron úti Aminadab ubidi ulekubi ɔni baalɔ banii Elisaba ɔni ndi Nahson ɔnwani, na báwɔ Nadab ku Abihu ku Eleasar ku Itamar.

Yeremia 7:29

Bikpeyi bina eli ƒui na bibo linwini lɛmmɔ biwiakun. Na bɛkɔ bisie abi ani nwi ukpludi mmɔ eli ɔtantɛ ƒui na biteedie lɛkwanu. Ɔsika bɛ́kya-mi kɔnyi na líni-mii ƒui.

Lewiƒuɔ Ɔda Bubo 13:45

“Na ukyuli ɔni na ɔlɛ ɔmmɔ udu ɔda ni, ɔlɛka ɔda adala ani nábwɛ na ulegyeli nwuna kuli linwini na uti lɛla lɛdi ubi nwuna anumi na utaava momoomo taasu ɔnini, ‘Lɛ́sɔ o-o, lɛ́sɔ na liiise sɛɛn!’

Mika 1:16

Bikpeyi bina eli bitédu aani ka bɔpa na ápa aani begbini na biteewulo kɔnyana na bina bebi bani na bɛɛyɔ́ geen ɔsu. Ɔsika badubo-ma buƒie bɔtɔlɔku ƒui buteesienku kaƒɔ ɔgyu kakaaka.

Bumomo Bɔka 1:53

Na Lewiƒuɔ bammɔ ama ni, belie bamana Katɔti Adi Kevo kammɔ na bataagyumana-ka kalɛ na ɔdi uláni uléde-mi na mina kɔnyi kubo Israelƒuɔ bammɔ lɛlɔ.”

Bumomo Bɔka 14:6

Na Nun ubidi Yosua ku Yeƒune ubidi Kaleb bani mbunku bekyuli bani nésie bátávi bánu kalɔ kammɔ báni bana lɛwu bábwɛ.

Bumomo Bɔka 16:22

Nsu Mose ku Aaron báyula bana lili kalɔ na báva momoomo bákpali Katɔti basu-nwu banini, “O Katɔti, awɔ Katɔti ndi bayawine ƒui ayu ɔti, buti na adubuti kɔnyi akya kasala kammɔ ƒui na ukyuli unwi ɔdi likpidi ɔsu?”

Bumomo Bɔka 18:5

“Amii na ɔlɛka bitaanu Adi Kevo kammɔ lɛlɔ ku lɛkpabi lɛmmɔ lɛlɔ, kalɛ na mina kɔnyi kɔsɔ kuláda kulálɛ Israelƒuɔ lɛlɔ.

Bumomo Bɔka 20:25

Kpanku Aaron ku ubidi Eleasar sienku Hor Kɔbi kɔmmɔ lili.

Bumomo Bɔka 5:18

Uwi ɔni na ɔkpane ɔmmɔ ɔ́ya na uleku ɔmmɔ úbenye Unwoti anumi mmɔ ni, ɔkpane ɔmmɔ ɔdubɔƒɛnimi uleku ɔmmɔ lili linwini, na uti bunyimo akpala ani ndi edula ebi akpala ani nnye nte kɔgyulo mmɔ ute uleku ɔmmɔ na ɔda. Na ɔkpane ɔmmɔ uti ntu bɔni mbo ɔdu na ɔdanku ewida mmɔ ɔda.

Lɛkpa Ulu 33:9

Ɔsika bídie bina Unwoti kama bɔsiaku bɔyɔ bɛtina geen. Na bɔyɔ bɔmmɔ bubo ɔkplu butulo bɔni bibo bite bina bawɔne ku banwani ku bebi muedi.

Yosua 22:18

Na buuye-mii bɔnii bɛɛyɔ́ ka bɛsɔ binwini kama bɛkya Unwoti kunyɔdi? “Na si bɛ́ta bínye Unwoti lɛlɔ ɔmwi kadi ni, ɔdubuti kɔnyi ɔkya Israelƒuɔ ƒui kɔnaadi.

Yosua 22:20

Na binyimo Serah ubidi Akan atu ɔkplu ani na ɔ́bla kalɛ na ɔ́bɛ úti ala ani na Unwoti ɔ́su-bu ka bɔyila-nya udu. Na ɔmmɔ ɔsu ɔ́ya na Unwoti kɔnyi kúbo bula ƒui lɛlɔ ɔni na ɔɔɔdi Akan lɛti nékpi ina ka anwu lɛti nábla likpidi lɛmmɔ.”

Yosua 7:1

Na Unwoti ɔda ɔni na úbo Israelƒuɔ ka beteti lɛla biala batakya lɛlɔ si bésie betékpoku Yerikoƒuɔ ni, bátadi-ni lɛlɔ. Ɔsika ɔnana ɔni baalɔ Akan úti ala ammɔ adi ɔ́kya lɛlɔ. Anwuɔsu Unwoti úti kɔnyi kati kati ɔkya Israelƒuɔ. Na Akan ɔmɛni ɔ́si Yuda kaba kemmo na Serah ɔtɔ kemmo. Na Serah náwɔ Sabdi, na Sabdi náwɔ Karmi, na Karmi náwɔ Akan ɔmmɔ.

Yosua 7:11

Mɔɔsu-ɔ ka Israelƒuɔ bábla likpidi. Na báta bénye ɔda ɔni na líbo-mii mmɔ lɛlɔ. Na béti ala ani na lɛ́su-mi ka bayila mmɔ adi. Na mɔɔsu-ɔ ka buyu na béyu na bányi ɔkɔ lɛnɔ básia-nwu lɛlɔ na béti ala ammɔ bakya bana ala akɔ.