Lewiƒuɔ Ɔda Bubo 10:3 - Katɔti Ɔku Kedee

³ Mmɔ na Mose ɔ́su Aaron ɔnini, “Lɛla lɛmɛni na Unwoti ɔ́su uwi ɔni na ɔ́su ɔnini, ‘Bekyuli bani muubo-mi kudɔ ƒui ɔlɛka babla-mi lɛla biala kedee aani kalɛ kani na nse kedee. Na kadi bekyuli ƒui beti ɔbu bete-mi.’ ” Na bunye kani na Aaron unye kpoo uunú na útebimi kenye.

Lewiƒuɔ Ɔda Bubo 10:3 ပူးပေါင်းရင်းမြစ်များ

Ala Kalɔ Buse 18:25

Ńtaƒɔ ńtadi ka adubɔbla lɛni, na adu bekyuli babuni ku bekpidi ɔni mɔɔtina ka ábla bekyuli babuni ku bekpidi ulikplu likeke. Ɔmmɔ udu anwu ni, ngyi nwaa ka awɔ ɔni mɔɔtɛku kayawi ƒui litemi adubɔbla lɛla lɛni ndi ulu.”

Hiob 2:10

Mmɔ na Hiob údie kenye ɔnini, “Bi ɔsu na aatɛmi aani uleku ɔdɔlɔdi? Uwi ɔni na Unwoti úte-bu ala abuni ni, bɔ́ƒɔ-nya. Na si ɔƒaani anwu úte-bu lɛbibo ni, útalɛka bɔƒɔ ɔmmɔ lɛnɔ?” Na ɔmɛni kemmo ƒui ni, Hiob útasu lɛla lɛdi na ɔƒiɔ Unwoti.

Kɔgya 119:120

Ɔsika mɔɔyia-a. Na mɔɔyia kalɛ na aatɛ litemi taasiaku.

Kɔgya 148:14

Ɔ́ya na nwuna kadi bekyuli Israelƒuɔ bani mma-nwu lɛlɔ bálɛ lili, ɔsika ɔɔgyumana-ma kpakplaa aani akɔ ɔni mbo ɔyikun ku ese kangyaa. Bɛya na bumwi Unwoti.

Kɔgya 39:10

Muuvele-ɔ, da-mi kɔtu bɔni ya, ɔsika lɛlɔ líitu-mi lɛ́vili na kɔtu bɔni bɔmmɔ ɔsu.

Kɔgya 39:9

Lɛ́bla kpoo na neeebimi kenye, ɔsika awɔ náya na úbo úte lɛni.

Kɔgya 46:10

“Bɛbla kpoo na bɛnu bɛti ka ami ndi Katɔti. Badubo-mi lɛnyi katɔ bakɔliku na kalɔ lɛlɔ mɛni na kadi bekyuli ƒui akɔ. Na lɛni kani na mina lɛnyi lɛdubo katɔ bɔkɔ na kayawi ƒui.”

Kɔgya 89:7

Adi Katɔti ɔni na kayaa bayikune kede bammɔ ƒui baayia uwi ɔni na bɛ́sa. Ɔsika ébomo na ebo ɔyikun étulo bani náka bámana-a.

Kɔgya 93:5

Ƒula ɔda bubo bunye ligeen kpakplaa. Na ƒula kakpakɔ kadubo butaadia bɔnu na kese kedee uwi ƒui.

Israelƒuɔ Bɔlɛ 14:17

Na ndubɔya na Egyipteƒuɔ bammɔ kayi kayu ɔkplu na basia-ma kama lɛni kani. Na ɔkɛnku Ƒarao ku nwuna bekpone bammɔ ku bapɔnkɔ kɛɛkɛ ku bapɔnkɔ beliene bammɔ ƒui lɛlɔ ɔsu na mina lɛnyi likeye.

Israelƒuɔ Bɔlɛ 14:4

Na ami Unwoti ndubɔya na Ƒarao kayi kayu ɔkplu, na lɛya na ɔbi ɔsiaku-ma. Na ndubɔdi Ƒarao ku nwuna bekpone lɛlɔ. Na mmɔ na Egyipteƒuɔ badubɔnu ka ami ndi Unwoti.” Na bábla básiaku lɛni kani.

Israelƒuɔ Bɔlɛ 19:22

Ina bakpane bani mɔɔní teede-mi ni, ɔlɛka babla lɛlɔ sɛɛn. Si ɔɔɔdi lɛni ndubo-ma kɔtu bɔni.”

Israelƒuɔ Bɔlɛ 19:24

Amu na Unwoti údie Mose kenye ɔnini, “Sɔ yu sie kɔbi kɔmmɔ kalɔ, na atákpanku Aaron eboku. Nsu útalɛka bakpane ku bekyuli bammɔ bavia ɔmii ɔmmɔ, na bakɔ bebo Unwoti kudɔ. Na si báyu atuɔkplu ni, ndubo-ma kɔtu bɔni.”

Israelƒuɔ Bɔlɛ 30:30

Amu na Unwoti ɔ́su-nwu ɔnini, “Uwi ɔni na eesé Aaron ku bebi mina bakpane ni, na ewi-ma nnɔmii bɔmmɔ bɔdi lili.

Yesaia 39:8

Na Hesekia únu kalɔ ka ɔdubo atu bɔyɔ bɔkɛ na ɔkɛ Unwoti kagyumana na nwuna ngba uwi ƒui. Anwuɔsu údie kenye ɔnini, “Kenye kani nási Unwoti kudɔ kébo-mi kudɔ mɛni kadia.”

Yesaia 49:3

Na ɔ́su-mi ɔnini, “Israel, awɔ ndi mina kabla ɔblane ɔni lɛlɔ na ɔkɛnku na bekyuli badubo-mi bumwi.”

Yesaia 52:11

Bɛda Babel ɔma unengudi ɔmmɔ biwi na bɛlɛ-nwu kemmo! Na bitetuku lɛla lɛni muusé lɛlɔ lɛdi. Na bɛƒɔ bina adala ƒui amii bani nti Unwoti lɛlɔ ala ani nse kedee.

Esekiel 20:41

Na uwi ɔni na ndubo-mii bɔkpanku bɔsiku kesii kani na bígyingya bɛkya liboku ɔma ni, bina ala adubɔda-mi kubiti na bina ala ani na bɛdubo bɔkyula bute-mi ɔnyi lɛnɔ ɔdubɔbla-mi ƒɛƒɛɛ. Na kadi biala bekyuli badubɔnu ka nsi kedee.

Esekiel 28:22

na asu-ma anini, ‘Ami Unwoti Katɔti línwini bina ukisine! Na bekyuli badubo-mi bumwi si lɛ́ni-mii kɔtu na banu-mi bati kalɛ na nse kedee.

Esekiel 38:16

Na adubo mina bekyuli bukpo aani liƒlukutu ku ɔƒɛƒɛɛ bonwu ɔni muutile kayaa. Na ndubo kuƒi bute na ekpo mina kadi bekyuli Israelƒuɔ kalɛ na kadi ƒui bekyuli na kalɔ lɛlɔ banu bati ka ami Unwoti nse kedee.’ ”

Esekiel 40:46

Na ɔni nnye ɔban ɔni kada kakɛ mmɔ kamadɔ ni, mmɔ ndi bekyuli bani muubunku kabla na lɛkpabi lɛlɔ lɛnɔ ɔdi. Na bana ƒui Sadok bebi ku bawɔ bani ndi Lewiƒuɔ bani kani na Unwoti úte kuƒi ka babla Unwoti bakpane.”

Esekiel 42:13

Mmɔ na ɔnana ɔmɛni ɔ́su-mi ɔnini, “Lɛtɔ lɛni na nkya kakpakɔ kammɔ katɔ kakɛ ku kada kakɛ ni, ani bédie bése sɛsɛɛ béte Unwoti bakpane badubɔdi akpala ani nse kedee etulo ƒui mmɔ. Na akpala amɛni ndi antabi udu akpala ku ekpidi lili buvele akpala ku unwi bɔbla akpala.

Lewiƒuɔ Ɔda Bubo 21:15

kalɛ na nwuna bebi balásɔ na bana kenyekɔ. Ami ndi Unwoti ɔni náƒuna-nwu úse sɛsɛɛ ka ɔbla kedee.’ ”

Lewiƒuɔ Ɔda Bubo 21:17

“Su Aaron anini, ‘Nu ka ƒula bawɔ bani na bana likpo lɛdi lɛsɔ ɔdi uláni uléde ɔnii uuti akpala adi ɔkpa ute-mi. Ɔda bubo bɔmɛni buse bute ƒula bawɔ úsela uwi ƒui.

Lewiƒuɔ Ɔda Bubo 21:21

Ɔkpane Aaron uwɔ biala na nwuna kakɛ kadi kásɔ utabla akpala bɔkyula ɔdi utete-mi.

Lewiƒuɔ Ɔda Bubo 21:6

Ɔlɛka babla lɛlɔ kedee bete Katɔti na balabla lɛla lɛdi belebile bana Katɔti lɛnyi, ɔsika ama muuti akpala ani na bákyula teete Unwoti ani ndi Katɔti adila. Anwuɔsu ɔlɛka babla kedee.

Lewiƒuɔ Ɔda Bubo 21:8

Ɔlɛka bekyuli banu bakpane ka badi bekyuli kedee, ɔsika ama muuti bina Katɔti adila teete-nwu. Biti-ma ka badi bekyuli kedee, ɔsika ami Unwoti ɔni nédie-mii líse sɛsɛɛ ka bise kedee nse kedee.

Lewiƒuɔ Ɔda Bubo 22:9

“ ‘Bakpane ƒui ɔlɛka badi ɔda bubo bɔni líti muute-ma mɛni lɛlɔ kalɛ na baláƒiɔ na bekpi si bátanu ala ammɔ bátabu. Ami ndi Unwoti ɔni nédie-ma úse sɛsɛɛ líte lɛlɔ ka bese kedee.

Lewiƒuɔ Ɔda Bubo 8:35

Na ɔlɛka bɛsɔ bɛkya Unwoti Adi Kevo kaduli kammɔ kayakun kenye emeyi maatɛ usien ku ɔƒɛ. Na bɛbla ala ani ƒui na Unwoti ɔɔwia ka bɛbla kalɛ na bilekpi, ɔsika lɛni na Unwoti ɔɔwia.”

Bumomo Bɔka 16:5

Mmɔ na ɔ́su Kora ku nwuna bekyuli bani nsiaku-nwu kama ɔnini, “Kɔnaadi ɔtanta ni, Unwoti ɔdubɔtina ukyuli ɔni ndi nwuna ɔdi na use kedee, na ɔdubɔya na ukyuli ɔmmɔ ɔni ude-nwu. Na ukyuli ɔni na ɔ́ƒuna mmɔ ni, Unwoti ɔlati ɔdubɔya na ɔni ude-nwu.

Bumomo Bɔka 20:12

Nsu Unwoti ɔ́su Mose ku Aaron ɔnini, “Ka bitaƒɔ-mi bítadi geen na bite-mi ɔbu ka nse kedee na Israelƒuɔ bammɔ anumi ɔsu ni, bɛsɔ bɛɛɛdubo bekyuli bammɔ bɔkpanku busienku kalɔ kani lɛ́su ka ndubo-ma bute kemmo.”

Mateo 10:37

“Na ukyuli biala ɔni mayɔ ɔti iye uni metulo-mi ni, útamanku ka ɔbla mina ɔtɛyane. Lɛni kani na ukyuli ɔni mayɔ ubidi ɔnanabi iye ulekubi metulo-mi lɛnɔ ni, útamanku ka ɔbla mina ɔtɛyane.

Yohane 12:28

Anwuɔsu mɔɔsu nnii, ‘Ati, ya na bekyuli bakɔliku ƒula lɛnyi katɔ.’ ” Mmɔ ni, bénu butemi bɔdi básiku kayaa ka bɔɔsu bɔnini, “Lɛ́ɛya na bekyuli bákɔliku mina lɛnyi katɔ. Na nsɔ ndubo bɔya na bakɔliku-mi lɛnyi katɔ bebu.”

Yohane 14:13

Na lɛla biala na bivele si bɛ́kpali-mi lɛnyi ni, ndubɔbla-ni lite-mii. Ɔmɛni ndubɔya na ɔkɛnku-mi lɛlɔ ni, bekyuli badubɔkɔliku mina Ɔti lɛnyi katɔ.

Lɛkpa Ulu 32:51

Ɔsika awɔ ku Aaron ƒui bítadi mina etemila lɛlɔ na Israelƒuɔ anumi ɔsu. Uwi ɔni binye Meriba Ketudɔ kesii kani nde ɔma ɔni baalɔ banii Kades na Sin kalɔ kakwiidi kemmo ni, bíni litemi lɛni lɛ́su-mii na Israelƒuɔ anumi.

Tesalonikaƒuɔ 2 1:10

Ala amɛni adubɔlɛ na limeyi libendi lɛni lɛlɔ na Yesu wasɔ webo. Na limeyi lɛmmɔ lɛlɔ ni, nwuna baƒɔtaadine ƒui badubɔsiaku-nwu ku bumwi kudu. Na amii lɛnɔ bɛdubɔkya-ma akɔ, ɔsika bɛ́ƒɔ nwuna litemi buni lɛni bɔ́su-mii mmɔ bɛ́di.

Petro 1 4:17

Litemi bɔtɛ limeyi lɛmmɔ líide, na Katɔti ɔdubɔka nwuna bekyuli litemi bɔtɛku. Na si abu nwuna bekyuli lɛlɔ na wese kalɔ lɛni ni, dɛ na ɔdubɔwɔlɔku bekyuli bani na bétemonku nwuna litemi buni lɛmmɔ bɔƒɔ bɔdi.

Samuel 1 2:30

“Anwuɔsu Unwoti ɔni ndi Israelƒuɔ Katɔti ɔnini, ‘Lɛ́lɛ ugyii ka ƒula kaduli ku ƒ'ɔti kaduli bekyuli kani ndubunye-mi anumi butaabla-mi kabla uwi ƒui.’ Nsu ɔƒɛni ni, Unwoti ɔɔsu ka ɔmmɔ ɔsɔ ɔɔɔdubo buse lɛni. Mmomu ukyuli ɔni mɔɔbu-mi ni, ami lɛnɔ ndubo-nwu bɔbu. Nsu ukyuli ɔni naaabu-mi ni, ami lɛnɔ lɛɛɛdubo-nwu bɔbu.

Samuel 1 3:18

Ɔmmɔ ɔsu Samuel ɔ́sɔku lɛla biala ɔ́su Eli na útabɛla-nwu lɛla lɛdi. Amu na Eli údie kenye ɔnini, “Anwu ndi bula Unwoti, anwuɔsu buuubo lɛla lɛdi na bɔsu, mmomu ɔbla nwuna lɛyɔla lɛni na ɔ́nu ka lɛdia na lɛ́manku.”

Samuel 1 6:20

Ɔmmɔ ɔsu Bet-Semesƒuɔ béye banini, “Ɔma mbo ɔyikun na ɔkali ɔnii uunye ɔsiaku Unwoti Katɔti Kedee ɔmɛni. Na ɔma na bɔdubuti Unwoti Bunyimi Adaka ɔmɛni bumene ɔƒaani?”