Lewiƒuɔ Ɔda Bubo 10:12 - Katɔti Ɔku Kedee

¹² Amu na Mose ɔ́su Aaron ku nwuna bebi bananabi bani nébu, Eleasar ku Itamar ɔnini, “Biti edula ebi akpala ani bákyula lɛkpabi lɛlɔ béte Unwoti na ébu mmɔ bɛnwa bɛdi na lɛkpabi lɛmmɔ kɔmadɔ, ɔsika ese kedee ƒui.

Lewiƒuɔ Ɔda Bubo 10:12 ပူးပေါင်းရင်းမြစ်များ

Ala Alɛdi 2 31:14

Na Imna ubidi Kore na báƒuna ka utaanu ɔban kenye kani nkya késie ɔƒɛ katukɔ kakɛ. Na anwu kani mɔɔƒɔ́ kaƒɔ ƒaa etela ani na bekyuli beeboku Katɔti na uule-nya teete bakpane ku Lewiƒuɔ bammɔ.

Esra 7:5

ɔni ɔti ndi Abisua ɔni ɔti ndi Pinehas ɔni ɔti Eleasar ɔni ɔti ndi Aaron ɔni ndi Ɔkpane Unengudi.

Israelƒuɔ Bɔlɛ 29:2

Na eti edula ebi ɔlaaƒɔ buni ɔni na bɔnyii buuubo-nwu kemmo, na abla bodobodo unengudi ku ubliidi na asala-nwu ku nnɔ ku bodobodo bɛɛbɛɛ na esusu-nwu nnɔ.

Israelƒuɔ Bɔlɛ 29:33

Na Aaron ku bebi bananabi lɛti badi adila kedee ammɔ. Na beti babla likpidi kɔtu bɔni budie lɛkpa limeyi bɔdi. Na taya na ukyuli ɔdi ɔdi adila ammɔ adi ubunku-ma.

Israelƒuɔ Bɔlɛ 6:23

Na Aaron úti Aminadab ubidi ulekubi ɔni baalɔ banii Elisaba ɔni ndi Nahson ɔnwani, na báwɔ Nadab ku Abihu ku Eleasar ku Itamar.

Esekiel 44:29

Na lɛla lɛni na badubule bete-ma kenye ni, antabi udu etela ani na bekyuli badubuti babakpa bete-mi ku ekpidi lili buvele akpala ani na bekyuli badubɔbla unwi bɔbla akpala ni, badubɔƒɔ ana kakɛ kadi. Na lɛla biala na Israel kalɔ lɛlɔ na bábla-ni kedee bése sɛsɛɛ béte-mi ni, ɔdi bana lɛdi.

Lewiƒuɔ Ɔda Bubo 10:13

Bɛdi-nya na kesii kani nse kedee mmɔ, ɔsika ɔmmɔ ndi awɔ ku ƒula bebi bananabi kadikɔ, na akpala ani na bákyula lɛkpabi lɛlɔ béte Unwoti mmɔ kemmo. Na ɔmmɔ ndi ɔda ɔni na Unwoti úbo-mi,

Lewiƒuɔ Ɔda Bubo 21:22

Ukyuli ɔmɛni udu ɔkana na ɔdi adila kedee ku ani nse kedee ƒui ani béti bákpa béte-mi mmɔ adi,

Lewiƒuɔ Ɔda Bubo 24:9

Na bodobodo ɔmmɔ ɔdi Aaron ku nwuna kaba ɔdi. Na ɔlɛka badi bodobodo ɔmmɔ na kesii kani nse kedee. Ɔsika bodobodo ɔmɛni ɔdi adila ani nse kedee na beti bete Unwoti ka bakpane badi.”

Lewiƒuɔ Ɔda Bubo 7:9

Ɔƒɛni edula ebi etela biala na béƒi na lɛyu kemmo ku lɛla biala na banwa na lɛbuala libui kemmo iye lɛbuala kalɛkɛ lɛlɔ ni, ɔkpane ɔni nábla akpala ammɔ ɔdi na ɔdi.

Bumomo Bɔka 3:2

Aaron bebi anyi ndi Nadab ɔni ndi Aaron ubidi udeedi ku Abihu ku Eleasar ku Itamar.