Lewiƒuɔ Ɔda Bubo 1:9 - Katɔti Ɔku Kedee

⁹ Na ukyuli ɔmmɔ ɔdubuti kaƒɔ ala ammɔ ku agyobi ɔkya ntu kemmo na ɔƒɔ kaduɛ na beti basia ogya ɔmmɔ lɛlɔ na akywi. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 1:9 ပူးပေါင်းရင်းမြစ်များ

Ala Kalɔ Buse 8:21

Na Unwoti ɔ́ƒɔ akpala ammɔ ku kayi ƒui na ɔ́su ɔnini, “Nsɔ lɛɛɛdubo kalɔ kamɛni buwida na ukyuli ɔsu ina ka likpidi kasusu káƒɔ-nwu lɛlɔ kemmo ƒui ɔ́si nwuna lɛnamu uwi. Na nsɔ lɛɛɛdubo bebweyi ƒui udu bɔyila aani kalɛ na lɛ́bla.

Ala Alɛdi 1 6:34

ɔni ndi Elkana ubidi ɔni ndi Yeroham ubidi ɔni ndi Eliel ubidi ɔni ndi Toa ubidi

Ala Alɛdi 2 4:6

Amu na ɔ́sɔ ɔ́bla akyami wɛlɛ wɛlɛ leevu bamba na úti ɛlɔ únyene lɛkyami linengudi lɛmmɔ ɔƒɛnyi unwi na úti ɛlɔ únyene ɔƒɛni unyɔdi. Na akyami wɛlɛ wɛlɛ ammɔ kemmo na baakpila bebuo bani na baadú taakyula na lɛkpabi lɛmmɔ lɛlɔ aani akpala kalɛ. Na lɛkyami linengudi lɛmmɔ kemmo ntu na bakpane beedú taaƒɔ bana enu.

Kɔgya 51:6

Nsu geen ni, aawia ka lɛsiaku litemi geen lɛmmɔ kama uwi biala. Anwuɔsu ti ƒula lɛnunda lɛni kemmo nágyu mmɔ te-mi.

Kɔgya 66:15

Ndubɔkyula bebuo bani nélie lɛmwi aani akpala lite-ɔ. Na baƒonu bagyani bani makyula mmɔ uyɔ ɔkɔ ubo-ɔ kudɔ. Ndubuti ɔmantɛ bakɔ ku bese lɛnɔ lɛkpa-a.

Israelƒuɔ Bɔlɛ 12:9

Nsu ukyuli biala uteƒulo lɛna lɛmmɔ lɛdi iye ɔkun lɛna lɛmmɔ ɔwɔdi, mmomu biƒi-ni ku lili ku lɛgba ku aƒɔla ammɔ ƒui na bɛkun.

Israelƒuɔ Bɔlɛ 29:18

Na akyula koƒonu kɔmmɔ ƒui na lɛkpabi lɛmmɔ lɛlɔ na ɔdubɔbla akpala bɔkyula ƒui uyɔ ɔnyi ƒɛƒɛɛ ɔni mɔɔyɔ́ ami Unwoti kaƒɔ.

Israelƒuɔ Bɔlɛ 29:25

Ɔmmɔ kama na aƒɔ akpala ammɔ asiku bana enu kemmo akyula na lɛkpabi lɛmmɔ lɛlɔ ete-mi, na nwuna uyɔ ɔnyi ƒɛƒɛɛ ɔdubɔyɔ-mi kaƒɔ.

Yeremia 4:14

Nsu ni, Yerusalem, uwi ɔmu ɔkya-mii ka bɛkɛ bɔƒɔ. Bɛƒɔ bina ekpidi ƒui bidie lɛlɔ ku kayi kemmo na bɛda likpidi kakwɛ biala bɔkya bɛya,

Esekiel 20:28

na uwi ɔni na béteeti akpala ku oloƒui ku ntɛ teete baƒiɔ lidu na abi ammɔ lɛlɔ na egyii enengudi ammɔ kalɔ. Na lɛ́kɛ kɔnyi geen, ɔsika ɔmii ɔni na líti líte-ma lɛlɔ na baabla ala amɛni udu!

Esekiel 20:41

Na uwi ɔni na ndubo-mii bɔkpanku bɔsiku kesii kani na bígyingya bɛkya liboku ɔma ni, bina ala adubɔda-mi kubiti na bina ala ani na bɛdubo bɔkyula bute-mi ɔnyi lɛnɔ ɔdubɔbla-mi ƒɛƒɛɛ. Na kadi biala bekyuli badubɔnu ka nsi kedee.

Esekiel 40:38

Na ɔtɔ ɔni kemmo na adubɔsia eduo ɔban ɔmmɔ kemmo na katɔ kakɛ mmɔ ni, lɛ́nu ka ala kasiakɔ ine bɔlɛ. Inyɔ na ɔƒɛnyi unwi na inyɔ lɛnɔ na ɔƒɛnyi ɔkladi. Na nwuna lɛlɔ na baadú bebuo bani na baakyula taabla akpala. Na ɔtɔ ɔmmɔ kamadɔ ni, ɔtɔ blii ɔdi unye ɔni kemmo na baakpila bebuo bamɛni asa na badu-ma bakyula ƒui bete Unwoti na ɔƒɔ-nwu anu iye bakpa babla ekpidi lili buvele akpala.

Lewiƒuɔ Ɔda Bubo 1:13

Na agyobi ku kaƒɔ ala ammɔ ni, ɔdubuti-nya ɔkya ntu kemmo na ɔƒɔ kaduɛ. Na bakpane bammɔ beti ana ƒui basia ogya na akywi. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 1:17

Na ɔda-nwu avwi na ɔni-nwu kemmo ɔbwɛ, nsu utamamiku lɛlɔ, na uti-nwu ɔsia ogya ku ekyweni ammɔ lɛlɔ na ɔkywi. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.’

Lewiƒuɔ Ɔda Bubo 2:16

Ɔmmɔ kama ni, ɔkpane ɔdubudie edula ebi aboyo ani na bíƒi na bíkuo-nya bɛ́bwɛ mmɔ enyimo adila ku nwuna lɛlɔ nnɔ ku oloƒui ɔmmɔ ƒui na uti ɔkyula aani akpala bɔkyula ƒui ute-mi.’

Lewiƒuɔ Ɔda Bubo 2:2

Ɔmɛni kama na uti ala ammɔ uboku Aaron bebi bananabi bakpane bammɔ na badubudie ɔlaaƒɔ ɔmmɔ lɛkɔkɔ linwi ku nwuna lɛlɔ nnɔ ku oloƒui ɔmmɔ ƒui. Na badubuti bakyula lɛkpabi lɛlɔ aani enyimo adila bɔsia akpala. Na ɔmmɔ ɔdubɔbla akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 2:9

Na ɔkpane ɔmmɔ ɔdubudie lɛkpabi lɛlɔ enyimo adila ani na ɔdubuti ɔkyula ute-mi na lɛkpabi lɛmmɔ lɛlɔ. Na ɔdubɔbla akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 3:11

Na ɔkpane ɔdubuti ala amɛni kakɛ kadi ɔkyula na lɛkpabi lɛlɔ. Na ɔmmɔ ɔdubɔbla ogya akpala bɔkyula ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ aani kalɛ na lɛdila liimó ukyuli.

Lewiƒuɔ Ɔda Bubo 3:5

Na Aaron bebi bananabi bammɔ badubuti basia ekyweni ani mɔɔda mmɔ lɛlɔ na ɔkywi. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 4:31

Mmɔ ni, ɔdubudie ebuo ɔmmɔ lɛmwi ƒui aani kalɛ na bédie unwi bɔbla akpala ebuo ɔmmɔ lɛmwi. Na ɔkpane ɔmmɔ ɔdubuti ɔkyula. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ. Ulu ɔmɛni lɛlɔ na ɔkpane ɔdubɔsia na ɔbla akpala na udie likpidi kɔtu bɔni na ukyuli ɔmmɔ lɛlɔ.

Lewiƒuɔ Ɔda Bubo 6:14

“ ‘Ɔmɛni ndi mina ɔda bubo bɔni nkɛnku edula ebi akpala lɛlɔ. Aaron bebi bananabi badubuti etela ammɔ beboku Unwoti anumi na lɛkpabi anumi.

Lewiƒuɔ Ɔda Bubo 8:21

Na ɔ́ƒɔ aƒɔla ammɔ ku agyobi ammɔ ƒui na úti koƒonu kɔmmɔ ɔ́kyula ɔ́bla akpala bɔkyula ƒui uyɔ ɔnyi ƒɛƒɛɛ ɔni mɔɔyɔ́ ami Unwoti kaƒɔ aani kalɛ na Unwoti úbo-nwu ɔda.

Lewiƒuɔ Ɔda Bubo 8:28

Ɔmmɔ kama Mose ɔ́sɔ ɔ́ƒɔ-nya ɔ́siku bana enu kemmo ɔ́kyula na lɛkpabi lɛmmɔ lɛlɔ úbunku akpala akladi ammɔ úte Unwoti. Na adi ɔkpane buse akpala bɔkyula ƒui uyɔ ɔnyi ƒɛƒɛɛ ɔni mɔɔyɔ́ Unwoti kaƒɔ.

Lewiƒuɔ Ɔda Bubo 9:14

Na ɔ́ƒɔ aƒɔla ammɔ ku agyobi ammɔ na ntu kemmo kaduɛ na úti-nya ɔ́sia akpala ammɔ lɛlɔ ɔ́kyula na lɛkpabi lɛmmɔ lɛlɔ.

Sakaria 13:7

Unwoti Ɔyikune Ƒui ɔnini, “Ya liti mina kewii na likpoku mina baƒonu ɔdane ku mina ɔkpana. Du baƒonu ɔdane ɔmmɔ na baƒonu bammɔ badubugyingya, na ndubudie banamudi bammɔ atu.

Bumomo Bɔka 15:3

na ɔdi ɔɔyɔ́ ka uti ebuo ɔdi ɔsiku nwuna bebuo lidu akɔ ɔbla bɔkyula akpala ƒɛƒɛɛ ani mɔɔyɔ́ ami Unwoti kaƒɔ, iye kenye kadi na úse na ɔnii ɔɔbla akpala iye kayi ƒaa akpala iye akpala ani ndanku emeyi bɔdi ni,

Bumomo Bɔka 28:11

“ ‘Na limeyi lideedi na kɔbuli biala kalɔ kesekɔ ni, na bawia bakɔ bakɔdi inyɔ ku koƒonu kɔgyani kunwi ku baƒonu bebi maatɛ bani nákɛ lɛkwa na bɔsɔ bɔdi buuubo-ma lɛlɔ na beti babla bɔkyula akpala bete Unwoti.

Bumomo Bɔka 28:7

Na ɔtanta koƒonu kɔni bɛdubo buti bɔbla akpala ammɔ ni, bɛwia ntɛ bɔni bébulo lɛɛƒɛɛ inyɔ na biwilimi biwi lɛkpabi lɛmmɔ lɛlɔ.

Bumomo Bɔka 28:8

Na useyi koƒonu kɔni lɛnɔ bɛdubo buti bɔbla akpala lɛnɔ biti edula ebi ntɛ bumomo bɔni bíti bɛ́bla ɔtanta akpala ammɔ lɛni kani. Na akpala amɛni lɛnɔ adi edula ebi akpala, na uyɔ ɔmmɔ ɔnyi ƒɛƒɛɛ ɔyɔ Unwoti kaƒɔ.

Korintoƒuɔ 2 2:15

Buse bute Katɔti aani ɔnyi ƒɛƒɛɛ ɔni nási Kristo lɛlɔ. Na ɔkɛ ɔɔví bekyuli bani nkɛ ulu buni lɛlɔ bésela ngba bɔƒɔ ƒui kemmo ku ama bani nkɛ ulu ukpidi lɛlɔ bésela bɔyii ƒui kemmo lɛnɔ.

Eƒesoƒuɔ 5:2

Na bɛsiaku Kristo ɔbladu kama na bɛyɔ lɛlɔ aani kalɛ na ɔɔyɔ́-bu na úti lɛlɔ ɔ́kpa na bula lili aani akpala ƒɛƒɛɛ úte Katɔti. Na adi akpala ani mɔɔyɔ́ Katɔti kaƒɔ.

Lɛkpa Ulu 12:27

Na biti bina akpala ani na ese ete ka bɛkyula ku lɛna ku ubugya bisienku Unwoti lɛkpabi lɛni na ɔ́tina-mii lɛlɔ na bɛbla akpala ammɔ mmɔ. Bibo kuƒi ka bɛkun lɛna lɛmmɔ, nsu ubugya ɔmmɔ anwu ni, biwilimi biwi bina Unwoti Katɔti lɛkpabi lɛmmɔ ɔƒɛnyi.

Ƒilipiƒuɔ 4:18

Na bɛ́ƒɔ-mi kabla kayu ƒui. Na kayu kammɔ kétulo kalɛ na ɔ́manku muedi. Etela ani ƒui bíti bímene Epaƒrodito mɛni ni, émo-mi! Etela ammɔ ese aani akpala ƒɛƒɛɛ ani béti bákpa béte Katɔti, na áyɔ-nwu kaƒɔ, na aada-nwu kubiti.