Lewiƒuɔ Ɔda Bubo 1:4 - Katɔti Ɔku Kedee

⁴ Ɔdi ka ukyuli ɔmmɔ uti kɔnu ɔsia ebuo ɔmmɔ lili, na ɔtina ka ebuo ɔmmɔ na úti uunyene nwuna lɛlɔ kenye kalɛ na lɛƒɔ nwuna akpala bɔkyula ƒui bɔmmɔ na lidie kɔtu bɔni biala na nwuna lɛlɔ.

Lewiƒuɔ Ɔda Bubo 1:4 ပူးပေါင်းရင်းမြစ်များ

Israelƒuɔ Bɔlɛ 28:38

Kalɛkɛ kammɔ kadubɔma Aaron lɛtɛntɛ kalɛ na ɔƒɔ Israelƒuɔ likpidi biala na bábla na kakpakɔ mmɔ ɔsia lɛlɔ si bébo baabla akpala bete-mi.

Israelƒuɔ Bɔlɛ 29:10

“Na akpanku ɔmantɛ akɔ ɔgyani ɔmmɔ esienku Adi Kevo kammɔ kayakun. Na aya na Aaron ku nwuna bebi bananabi beti bana enu basia ebuo ɔmmɔ kuli.

Israelƒuɔ Bɔlɛ 29:15

“Na akpanku koƒonu kɔgyani kunwi eboku na Aaron ku bebi beti enu basia-ku kuli.

Israelƒuɔ Bɔlɛ 29:19

“Na akpanku koƒonu kɔgyani kɔkladi eboku na Aaron ku nwuna bebi bananabi beti enu basia-ku lili.

Israelƒuɔ Bɔlɛ 29:33

Na Aaron ku bebi bananabi lɛti badi adila kedee ammɔ. Na beti babla likpidi kɔtu bɔni budie lɛkpa limeyi bɔdi. Na taya na ukyuli ɔdi ɔdi adila ammɔ adi ubunku-ma.

Yesaia 56:7

Na ndubo-ma bɔkpanku buboku mina kɔbi kedee lɛlɔ na badubɔkɛ lɛlɔyɔ na mina kaduli kani kemmo na baakpali-mi kemmo. Na bana etela ku akpala ani na badubuti beboku-mi na mina lɛkpabi lɛlɔ adubɔƒɔ-mi anu. Badubɔlɔ mina kesii banii kaduli kani kemmo na bayawine ƒui baakpali katɔ.”

Esekiel 45:15

Kawɔlɔkɔ ni, ukyuli biala na ubo baƒonu eti ene ni, ɔlɛka uti unwi uboku-mi. “Na etela amɛni ni, adubunwini adila bɔsia lɛkpabi lɛlɔ teete-mi kalɛ na kaƒɔ kayɔ-mi na bevele kusɛ kusɛ basiku-mi kudɔ. Na akpala amɛni adubɔyɔ ami Unwoti kaƒɔ na liti mina bekyuli ekpidi lɛkyiɛ-ma.

Daniel 9:24

Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Lewiƒuɔ Ɔda Bubo 16:21

Na ɔdubuti nwuna enu anyɔ ɔsia ese ɔmmɔ kuli na ɔka Israelƒuɔ ekpidi lidu lidu udie ɔsu na bana ulikplu ala bɔbla ku kalɛ na baalɛ́ bana Unwoti kama ku bana ekpidi lidu bamba lɛni ƒui na baabla. Na ekpidi ammɔ ƒui adubɔsia ese ɔmmɔ kuli. Na ɔkɛnku ukyuli ɔni na báalɛ lɛnimi bése lɛlɔ ni, na ɔbɔku ese ɔmmɔ utákya alakpi akɔ na ketele kalɔ kakwiidi kemmo.

Lewiƒuɔ Ɔda Bubo 16:24

Na ɔdubusie kesii kani na kese sɛsɛɛ na utákpi ntu na uti nwuna lɛkpa adala geen ɔkya na ɔlɛ ubo ubabla akpala bɔkyula ƒui ute ɛlɔ ku Israel kadi bekyuli ƒui na Unwoti udie likpidi kɔtu bɔni biala na bana lɛlɔ.

Lewiƒuɔ Ɔda Bubo 22:21

“ ‘Si ɔdi úti ebuo ɔ́siku nwuna bebuo akɔ ɔduboku ubabla unwi bɔbla akpala na kenye kani na úse ka udie lili iye kaƒɔ ƒaa akpala ni, uboku ebuo ɔni nátasɔ kalɛ na Unwoti ɔƒɔ ute-nwu.

Lewiƒuɔ Ɔda Bubo 22:27

“Si ebuo ɔdi ɔ́wɔ ɔmantɛ akɔ ubi iye koƒonu ubi ni, ɔlɛka ɔkya uni kudɔ emeyi maatɛ na ɔmmɔ kama ɔ́si limeyi maanedi úsela ni, Unwoti ɔdubɔƒɔ-nwu aani akpala bɔkyula ebuo.

Lewiƒuɔ Ɔda Bubo 3:13

Na ɔdubuti enu ɔsia-nwu lili. Na nwuna kama na ɔdu-nwu na Unwoti Adi Kevo kammɔ anumi, na Aaron bebi bananabi bammɔ bakuna ubugya ɔmmɔ bewi lɛkpabi lɛmmɔ lɛlɔ bamana.

Lewiƒuɔ Ɔda Bubo 3:2

Na uti nwuna enu ɔsia ebuo ɔmmɔ lili uti ɔtina ka ɔmmɔ na úti únyene nwuna lɛlɔ kenye. Ɔmmɔ kama na badu ebuo ɔmmɔ na Unwoti Adi Kevo kammɔ kenye. Na Aaron bebi bananabi bakpane bammɔ beti ubugya ɔmmɔ bakuna bewi lɛkpabi lɛmmɔ lɛlɔ bamana.

Lewiƒuɔ Ɔda Bubo 3:8

Na ɔdubuti enu ɔsia-ku lili na ɔmmɔ kama na ɔdu-nwu na Unwoti Adi Kevo kammɔ kenye. Na Aaron bebi bananabi bammɔ badubuti ubugya ɔmmɔ bakuna bewi lɛkpabi lɛmmɔ lɛlɔ bamana.

Lewiƒuɔ Ɔda Bubo 4:15

Mmɔ na kadi benengu bammɔ ƒui badubuti bana enu basia akɔ ɔmmɔ lili na Unwoti anumi. Na beti batina ka ɔmmɔ na béti beenyene bana kenye. Ɔmmɔ kama na badu-nwu na Unwoti anumi mmɔ.

Lewiƒuɔ Ɔda Bubo 4:20

Na kalɛ kani na ɔkpane ɔmmɔ ɔ́blaku akɔ ɔni na úti ɔ́bla likpidi lili buvele akpala mmɔ ni, lɛni kani geen na ɔlɛka ɔblaku ɔmɛni lɛnɔ. Ulu ɔmɛni lɛlɔ na ɔdubɔsia na uvele-mi na lidie kɔtu bɔni na bana lɛlɔ. Na liti bana ekpidi lɛkyiɛ-ma.

Lewiƒuɔ Ɔda Bubo 4:24

Ukyuli ɔmmɔ ɔdubuti enu ɔsia ketukpa kammɔ lili uti ɔtina ka aka na úti uunyene lɛlɔ kenye. Ɔmmɔ kama na ɔdu-ka na kesii kani na baadú bebuo taakyula teete-mi mmɔ. Na ndubɔƒɔ lite-nwu aani likpidi lili buvele akpala.

Lewiƒuɔ Ɔda Bubo 4:26

Na ebuo ɔmmɔ lɛmwi ƒui ni, ɔdubuti-ni ɔkyula na lɛkpabi lɛmmɔ lɛlɔ aani kalɛ baakyula unwi bɔbla lɛmwi. Ulu ɔmɛni lɛlɔ na ɔkpane ɔmmɔ ɔdubɔsia na ɔbla likpidi kɔtu bɔni budie akpala na lidie likpidi kɔtu bɔni biala na ukyuli ɔmmɔ lɛlɔ na liti-nya lɛkyiɛ-nwu.

Lewiƒuɔ Ɔda Bubo 4:29

Ɔdubuti enu ɔsia ebuo ɔni na úti úbo ubete mmɔ lili. Ɔmmɔ kama na badu ebuo ɔmmɔ na kesii kani na badubo akpala bɔkyula ɔdi ɔmmɔ bɔbla.

Lewiƒuɔ Ɔda Bubo 4:31

Mmɔ ni, ɔdubudie ebuo ɔmmɔ lɛmwi ƒui aani kalɛ na bédie unwi bɔbla akpala ebuo ɔmmɔ lɛmwi. Na ɔkpane ɔmmɔ ɔdubuti ɔkyula. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ. Ulu ɔmɛni lɛlɔ na ɔkpane ɔdubɔsia na ɔbla akpala na udie likpidi kɔtu bɔni na ukyuli ɔmmɔ lɛlɔ.

Lewiƒuɔ Ɔda Bubo 4:33

Ɔdubuti enu ɔsia likpidi bɔkyiɛ ebuo ɔmmɔ lili, na badu-ku na ɔmmɔ kama na beti babla likpidi bɔkyiɛ ɔdi ɔmmɔ.

Lewiƒuɔ Ɔda Bubo 4:35

Ɔmmɔ kama badubudie lɛmwi lɛmmɔ ƒui aani kalɛ na beedie koƒonu ubi ɔni na béti bábabla unwi bɔbla akpala kalɛ. Na ɔkpane ɔmmɔ ɔdubuti ɔbla akpala bɔkyula na lɛkpabi lɛmmɔ lɛlɔ. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ. Ulu ɔmɛni lɛlɔ na ɔkpane ɔmmɔ ɔdubɔsia na ɔbla akpala na udie kɔtu bɔni na ukyuli ɔmmɔ lɛlɔ.’ ”

Lewiƒuɔ Ɔda Bubo 4:4

Ɔdubuti ɔmantɛ akɔ ɔgyani ɔmmɔ uboku Unwoti Adi Kevo kammɔ kayakun na Unwoti anumi. Na uti enu ɔsia akɔ ɔmmɔ lili uti ɔtina ka ɔmmɔ na úti unyene nwuna likpidi kenye Na ɔmmɔ kama na badu akɔ ɔmmɔ na Unwoti anumi.

Lewiƒuɔ Ɔda Bubo 5:6

Ɔmmɔ kama na uti nwuna likpidi kɔtu bɔni budie akpala uboku Unwoti anumi na likpidi lɛni na ɔ́bla ɔsu. Ɔlɛka uboku koƒonu iye ese uledi ɔsiku nwuna bebuo akɔ ute akpala ammɔ. Na ulu ɔmɛni lɛlɔ na ɔkpane ɔdubɔsia na ɔbla akpala na udie kɔtu bɔni na ukyuli ɔmmɔ lɛlɔ.

Lewiƒuɔ Ɔda Bubo 6:7

Na ulu ɔmɛni lɛlɔ na ɔkpane ɔdubɔsia na ɔbla akpala ute Unwoti na udie kɔtu bɔni na ukyuli ɔmmɔ lɛlɔ na liti lɛkyiɛ-nwu.”

Lewiƒuɔ Ɔda Bubo 8:14

Ɔmmɔ kama úti ɔmantɛ akɔ ɔgyani ɔni na badubuti babla likpidi lili buvele akpala ammɔ úboku. Na Aaron ku nwuna bebi bananabi béti bana enu básia ebuo ɔmmɔ lili bátina ka ɔmmɔ na béti bényene bana kenye ka beti babla akpala ammɔ.

Lewiƒuɔ Ɔda Bubo 8:18

Ɔmmɔ kama béti koƒonu kɔgyani kɔni na badubuti babla akpala bɔkyula mmɔ béboku na Aaron ku bebi béti enu básia-ku lili.

Lewiƒuɔ Ɔda Bubo 8:22

Amu na úti koƒonu kunyɔdi lɛnɔ úboku, na aku ndi ɔkpane buse ebuo, na Aaron ku nwuna bebi bananabi béti enu básia-ku lili.

Lewiƒuɔ Ɔda Bubo 9:7

Amu na Mose ɔ́kpali Aaron na ɔ́su-nwu ɔnini, “Kpɛ de lɛkpabi lɛmmɔ na abla ƒula likpidi lili buvele akpala ku akpala bɔkyula ɔdi ɔmmɔ. Na Unwoti udie kɔtu bɔni biala na awɔ ku ƒula kadi bekyuli ƒui lɛlɔ aani kalɛ na Unwoti úbo ɔda.”

Bumomo Bɔka 15:25

Ɔmmɔ kama ɔkpane ɔdubɔbla akpala ute bana likpidi kɔtu bɔni budie na kadi bekyuli bammɔ ƒui lili na badubuti bakyiɛ-ma, ɔsika bátati asa na bábla-ni, na ɔmmɔ ɔsu béboku etela ka bakyula bete Unwoti ku likpidi lili buvele akpala.

Bumomo Bɔka 15:28

Na ɔkpane ɔlɛka ɔbla akpala ute Unwoti úte ukyuli ɔni na tati tati ɔsu na ɔ́bla likpidi lɛmmɔ na Unwoti ɔdubuti ɔkyiɛ-nwu.

Bumomo Bɔka 25:13

Na nwuna bekyuli ndubo bakpane kabla bɔbla usela uwi ƒui. Ɔsika úkpo kɔgyulo úte-mi na ɔkɛnku ɔmmɔ ɔsu ɔ́ya na líti likpidi lɛni bekyuli bammɔ babla lɛkyiɛ-ma.”

Bumomo Bɔka 8:10

Na aya na Lewiƒuɔ bammɔ ƒui bebenye Unwoti anumi. Na Israelƒuɔ bammɔ beti bana enu basia-ma lɛlɔ.

Bumomo Bɔka 8:12

“Ɔmmɔ kama na Lewiƒuɔ bammɔ béti bana enu basia bakɔ bammɔ eli lɛlɔ. Na edie unwi abla likpidi lili buvele akpala ete Unwoti na eti unyɔdi lɛnɔ abla bɔkyula akpala ute Lewiƒuɔ likpidi kɔtu bɔni budie bana lɛlɔ.

Romaƒuɔ 12:1

Anwuɔsu ni, mina banwa, ka Katɔti ɔ́bla-bu kaƒɔ buni geen ɔsu ni, muuvele-mii geen nnii biti bina lɛlɔ bite Katɔti aani akpala ani nse kedee na aayɔ́-nwu kaƒɔ lɛnɔ bɛda na bina ngba bulie kemmo mɛni. Ɔmmɔ ndi bina kɔyu kemmo akpala kabla.

Romaƒuɔ 3:25

Katɔti néti Yesu ɔ́kpa na bula ekpidi lili. Na ɔkɛnku nwuna ubugya ɔni na úwi kalɔ ɔsu ni, bekyuli baakɛ́ bana ekpidi buti taakyiɛ si báƒɔ Kristo bádi. Katɔti ɔ́bla ɔmɛni úti ɔ́tina-bu kalɛ na ɔɔbla ala ƒui ulu lɛlɔ. Ɔ́kɛku-bu kayi na uwi ɔni návi kemmo, na útakpete bula ekpidi.

Romaƒuɔ 5:11

Na ɔɔɔdi ɔmɛni lɛti, mmomu lɛlɔ lɛɛyɔ́-bu geen na Katɔti lɛlɔ ɔkɛnku Blɔti Yesu Kristo ɔni lɛlɔ na Katɔti ɔ́sia na ɔ́sɔku abu ku-nwu ntɛ ɔ́klibi ɔsu.

Ƒilipiƒuɔ 4:18

Na bɛ́ƒɔ-mi kabla kayu ƒui. Na kayu kammɔ kétulo kalɛ na ɔ́manku muedi. Etela ani ƒui bíti bímene Epaƒrodito mɛni ni, émo-mi! Etela ammɔ ese aani akpala ƒɛƒɛɛ ani béti bákpa béte Katɔti, na áyɔ-nwu kaƒɔ, na aada-nwu kubiti.

Hebriƒuɔ 10:4

Ɔsika bese ku bakɔ ubugya ulakana ekpidi bɔƒɔ budie ukyuli lɛlɔ.

Yohane 1 2:2

Na Kristo ɔmmɔ ɔlati úti nwuna ngba ɔ́kpa na bula lili, kalɛ na ɔklibi abu ku Katɔti ntɛ. Nsu ɔɔɔdi abu lɛti ekpidi lili, mmomu ku bayawine ƒui ekpidi lili.