Kɔnyana Buwulo 5:6 - Katɔti Ɔku Kedee

⁶ Ɔlɛka bɔkya lili kalɔ na bɔblaku Egyipteƒuɔ ku Asiriaƒuɔ unwi asa na bɔkɛ lɛla lɛni na bɔdi na kɔka ɔsu.

Kɔnyana Buwulo 5:6 ပူးပေါင်းရင်းမြစ်များ

Ala Kalɔ Buse 24:2

Limeyi lɛdi ni, Abraham ɔ́lɔ nwuna kabla ɔblane unengu ɔni mɔɔnu nwuna ala ƒui lɛlɔ na ɔ́su-nwu ɔnini, “Va enu mina lɛgba kalɔ mɛni na ese-mi kenye

Baga 2 10:15

Ka ɔ́tɔlɔ mmɔ úsela ni, útásiaku Rekab ubidi ɔni baalɔ-nwu banii Yehonadab. Na Yehu ɔ́kya-nwu kenye ɔnini, “Aabu ka ami ku-ɔ bɔdi benwi aani kalɛ ami mɔɔkali?” Amu na Yehonadab údie kenye ɔnini, “Ɛɛn, bɔdi benwi geen.” Amu na Yehu ɔ́su-nwu ɔnini, “Si use lɛni bɔdi na ete-mi kɔnu.” Amu na béte lɛlɔ enu. Na Yehu úbunku-nwu na ɔ́kɔ úduo nwuna ɔpɔnkɔ kɛɛkɛ kemmo.

Yesaia 57:9

Bɛɛkpí taawɛɛ ligyulo ƒɛƒɛɛ lidu lidu na biisié taatákpa Molek baƒiɔ. Na bɛɛtala batu na ɔlɔgyu na beesié taatálɔ ku bekpine ayu muedi teeye ala teenu.

Yeremia 2:18

Bi na bɛ́kɛ na Egyipte ka bɛnii nwuna Nil Ketu bɛdubo bɔni? Munuu bi na bɛ́kɛ na Asiria ka bɛnii nwuna Euƒrate Ketu na bɛdubo bɔni?

Yeremia 2:36

Uwi ɔni na Asiriaƒuɔ bákya-mii kakya na bátakana-mii bubunku ni, bíkeli bísie Egyipte. Nsu bɛɛɛdubo kebunku kadi bɔkɛ na mmɔ lɛnɔ.

Yeremia 50:15

Bikpo-ma na lɛƒɛnyi lɛlɔ! Babilon úte lili! Bekisine bammɔ báƒɛ-ma awodu ƒui béwi kalɔ ku bana kɔgyumanakɔ kɔmmɔ ƒui. Lɛla lɛni na Babilonƒuɔ bábla lɛma linengudi bamba ni, ami lɛnɔ muudie-ma kasi kammɔ.

Kɔnyana Buwulo 4:17

Anumi kani mɔɔkpulu-bu ka bɔ́ɔnu ulu bɔ́nɔ ka nka kadi kadi kebebunku-bu na bekpo bula bekisine ku-bu, nsu bétebo.

Esekiel 17:18

Yudaƒuɔ ɔga útadi nwuna linyese lɛlɔ na útabu lɛla lɛni na únyimiku Babilonƒuɔ. Anwuɔsu badubo-nwu kɔtu bɔni!

Hosea 12:1

Ɔƒɛƒɛɛ kama kani na Israelƒuɔ basia uwi ndi uwi. Na ɔkɔ bɔnyi ku ala bubile ku bekyuli lɛlɔ bɔta teenye kani náƒɔ-ma keliela kemmo na kesi kesii. Ama ku Asiriaƒuɔ muunyimi ala, na ama ku Egyipteƒuɔ baadi nnɔ kuye.

Hosea 5:13

“Na uwi ɔni na Israel ku Yuda bekyuli bánu bana ɔlɛ ɔni nda-ma báti ni, békeli bésie Asiria ɔga unengudi kudɔ banii ubunku-ma. Nsu útakana-ma kebunku kadi bute na ɔbwi-ma.

Hosea 7:11

“Israelƒuɔ báta bénwini aani bakpaƒɛɛlɛ bani nkɛ esu esu beeveyi teesie taasɔ, na Egyipteƒuɔ ku Asiriaƒuɔ ntɛ baawia kabɛkɔ.

Hosea 9:3

Na bɛdubo bɔtɔlɔ na Unwoti kalɔ kammɔ lɛlɔ. Na bina badi badubo bɔtɔlɔ busie Egyipte kalɔ lɛlɔ, na badi lɛnɔ besie Asiria kalɔ lɛlɔ na bitádi bana adila ani muusié lɛlɔ mmɔ.