Kɔnyana Buwulo 5:19 - Katɔti Ɔku Kedee

¹⁹ Awɔ Unwoti kani ndubo lɛlɔ bɔdi úsela uwi ƒui! Awɔ ndi Ɔga uwi ƒui.

Kɔnyana Buwulo 5:19 ပူးပေါင်းရင်းမြစ်များ

Kɔgya 10:16

Unwoti ndi ɔga ɔ́si ɔƒɛni úsela uwi ƒui. Na kadi bamba bekyuli badubɔyii ƒui kede kede na nwuna kalɔ lɛlɔ.

Kɔgya 102:12

Nsu ni, O Unwoti, awɔ adi ɔga úsela uwi ƒui. Na adubɔƒɔ lɛnyi na bekyuli ƒui akɔ ɔ́si kaba útédu kaba.

Kɔgya 145:13

Na ƒula lɛga kadikɔ kammɔ keeebo kawɔlɔkɔ na awɔ kani ndubɔdi lɛga buteesie uwi ƒui. Unwoti ɔɔdi nwuna linyese lɛlɔ na ubo lɛƒɔndia na nwuna ablala ƒui kemmo.

Kɔgya 146:10

Unwoti Katɔti ɔdubo lɛga bɔdi uwi ƒui. O Sion, ƒula Unwoti ɔdubɔdi lɛga na kaba bekyuli ƒui lɛlɔ. Bɛya na bumwi Unwoti.

Kɔgya 29:10

Unwoti uli kalɔ kpli ɔɔdi ɛpu ɔmmɔ lɛlɔ. Na ɔɔdi ala ƒui muedi lɛlɔ úsela uwi ƒui.

Kɔgya 45:6

Ati, awɔ ni, ƒula lɛga kadikɔ kadubo buse uwi ƒui. Na adubɔdi ƒula bekyuli lɛlɔ na litemi bɔtɛ ulu lɛlɔ.

Kɔgya 9:7

Unwoti mɔɔdi kayawi ku ala ani ƒui na údie lɛlɔ úsela uwi ƒui. Na úse nwuna lɛga kadikɔ úse kpakplaa na uli nwuna lɛgaboku lɛlɔ ka ɔtɛ litemi.

Kɔgya 90:2

Asa na adubudie abi ku kayawi kammɔ ala ƒui ni, awɔ ndi Katɔti ɔni nli uwi ƒui ɔ́si kukuuku.

Kɔgya 93:2

Anwu mɔɔdi lɛga uwi ƒui na uuubo kalɔ kesekɔ iye kawɔlɔkɔ.

Daniel 2:44

Na uwi ɔni na baga bammɔ badubo bekyuli lɛlɔ butaadi ni, Katɔti ɔni mɔɔdi lɛla biala lɛlɔ ɔ́siku katɔ kakaaka mmɔ ɔdubudie lɛga kadikɔ bamba kadi use kani ndubunye kete uwi ƒui na kelebo kawɔlɔkɔ kudii. Na kadubɔbla aani lɛtabi lɛni na bánwi básiku kɔbi lɛlɔ mmɔ, na ɔɔɔdi ukyuli nánwi-ni. Lɛtabi lɛmɛni nábwɛ abuala kpakplaa ku abuala egyiedi ku lɛti ku sika ɔƒualadi ku sika ugyiedi ɔmmɔ ƒui. Ɔga Ɔbune, na ƒula kɔna kemmo ni, Katɔti Ɔyikune Ƒui ɔ́su-ɔ lɛla lɛni ndubo libalɛ na ɔdi ka aƒɔ kalɔ budie bɔmɛni adi.”

Daniel 7:14

Na bébi-nwu kagabwa bése-nwu lɛga, na béte-nwu ɔyikun na uukeye. Na bani nási kadi ƒui akɔ ku adi ƒui batɛmine na kalɔ biala lɛlɔ bákya-nwu lili kalɔ. Ɔdubo lɛga bɔdi uwi ƒui, na nwuna lɛga kadikɔ kalása kudii, na ɔdi lɛnɔ ulakana-ka lɛlɔ bɔdi.

Daniel 7:27

Ɔmmɔ kama ni, lɛga kadikɔ kani ndi kenengudi ƒui kadububo kete Katɔti ɔni ntulo ƒui bekyuli baƒunadi. Na nwuna lɛga kadikɔ kammɔ kadubuse keteesie uwi ƒui, na bakladi ƒui badubo-nwu lili kalɔ bɔkya na benu-nwu litemi na babla-nwu kabla.”

Habakuk 1:12

Unwoti Katɔti Kedee, adi mina katamikukɔ lɛtakpɛ bonwu, na eli ésela uwi ƒui na aaadubo bɔya na likpi. Áya na Babilonƒuɔ bénwini bayikune na baatɛku bekyuli bamba litemi na bani-ma kɔtu.

Yohane 1:38

Mmɔ na bédie kenye banini, “Rabi,” ɔni kalɔ ndi ala ɔtinane, “Buvele, wɛ na eli?”

Lɛkpa Ulu 33:27

Na Katɔti kani muukpó bina kekpo ƒui teete-mii. Na nwuna enubɔ mɔɔyá na bulayia. Na anwu mɔɔgyú taatɔ teetékpo taadi bina bekisine lɛlɔ. Na ɔ́su-mii ɔnini, ‘Biteesie! Na bitayia-ma!’

Timoteo 1 1:17

Anwuɔsu ni, bɛya na buteemwi bula Katɔ Ɔga ɔni na bulánu ku bula anumi na uli ngba úsela ƒui. Na butaakɔliku anwu ɔni neeekpi kudii lɛnyi katɔ uwi ƒui. Ɔsia lɛni.

Hebriƒuɔ 13:8

Yesu Kristo ulávumana. Kalɛ kani na úse uwi ɔni návi kemmo ni, lɛni kani na use ɔƒɛni ku uwi ɔni mebo ƒui lɛnɔ kemmo.

Budie Taatina 1:4

Ami Yohane muunweni ɔku ɔmɛni lite amii baƒɔtaadine akpa maatɛ ani nkya Asia kalɛkɛ lɛlɔ. Bɛkɛ lɛƒɔndia ku keyi buɛɛ bɛsiku Katɔti ku nwuna Kɔyu ku Yesu Kristo kudɔ. Katɔti ndi anwu ɔni nli ɔ́si kukuuku, na ulie ɔƒɛni, na ɔdubo bulie uwi ɔni mebo ƒui. Na Katɔti Kɔyu ndi anwu ɔni mbo ɔyikun maatɛ ɔni nnye Katɔti lɛgaboku anumi.

Budie Taatina 1:8

Blɔti ɔni mbo ɔyikun ƒui mɔɔsu ɔnini, “Ami ndi kalɔ kesekɔ ku kawɔlɔkɔ. Ami nli, na lílie, na ndubo bulie uwi ɔni ndubo ƒui.”