Kɔnyana Buwulo 5:16 - Katɔti Ɔku Kedee

¹⁶ Yerusalem ɔ́yila nwuna bukeye! Na abu ɔdi ɔ́sa, na bɔ́yii udu na bula ekpidi ɔsu.

Kɔnyana Buwulo 5:16 ပူးပေါင်းရင်းမြစ်များ

Hiob 19:9

Údie ɔbu biala na mina lɛlɔ, na úbimi-mi kagabwa lɛnɔ na mina lili.

Kɔgya 89:39

Ébile lɛla lɛni na ényimiku-nwu na átu-nwu lɛga lɛmmɔ na ɔsɔ uuubo ɔyikun ɔdi na ƒula anumi.

Agba 14:34

Kadi bani mɔɔyia Unwoti ni, baalɛ́ lili ku ɔyikun. Nsu likpidi lɛdi kɔƒa ala ute kadi biala.

Agba 27:24

Ɔsika lɛlakɛ lilese uwi ƒui. Na kagabwa lɛnɔ kelébi ukyuli lili taasi kaba útédu kaba.

Yesaia 3:8

Yerusalem ku Yuda lɛma ƒui lɛdubo bubie na ala ƒui eƒu akya, ɔsika bana etemila áta énye Unwoti lɛlɔ, na béni ka babu anwu ɔni muukeye na bana akɔ.

Yeremia 13:18

Unwoti ɔnii nsu-mii ka ɔga ɔmmɔ ku uni ƒui badubɔta bana kuliekɔ na bebimi bana kɔgabwa.

Yeremia 2:17

Na amii alati kudɔ na ɔmɛni ƒui ɔ́si! Anwuɔsu na ɔdi ka bɛdu lɛlɔ kɔtɔ. Ɔsika bɛ́da ami Unwoti ɔni ndi bina Katɔti kama bɔsiaku bɛ́ya.

Yeremia 2:19

Bina likyulikpi ndubo bunwini bina lɛtuni. Na kalɛ na bɛ́ta bínye-mi lɛlɔ na bíni-mi mɔɔdú-mii kɔtɔ. Ɔdi likpidi ku kɔtɔ bɔdu kati kati ka eni ami Unwoti Katɔti ɔsika ɔɔtina ka biláyia-mi munu munu. Ami Unwoti kadi ƒui Katɔti násu.

Yeremia 32:23

“Nsu ka kalɔ kamɛni kétuku bula bati kuuku lɛkɔkɔ ni, bétenu ƒula litemi na badi-ni lɛlɔ. Na ɔƒaani ni, áni Israel kalɔ kemodi kammɔ kɔtu ku ɔgbankpi lidu.

Yeremia 4:18

“Na amii Yudaƒuɔ ni, bɛdubo ɔlɛ bunu geen na kayi kataakpulu-mii, nsu amii alati na ɔ́si ɔsu na badubo-mii kɔtu bɔni lɛni.”

Kɔnyana Buwulo 1:1

Aanu kalɛ na ɔma unengudi ɔmmɔ ɔ́ƒɔ lɛlɔ uwi ukpludi. Ɔma ɔni na nka bekyuli báƒɔ-nwu kemmo pii dii, ɔƒɛni amu ɔ́ta ɔ́bla aani ukpinele. Nka anwu náƒɔ lɛnyi dii na kadi bekyuli akɔ. Anwu ɔni na nka úse aani beleku ɔga na kɔlɔ kɔni na amadɔ mmɔ ƒui akɔ ɔƒɛni amu únwini bekyuli bamba kabla ɔblane.

Kɔnyana Buwulo 1:18

“Unwoti ablala ƒui ese siin. Na ami mmomu, néni na neeenu-nwu litemi. Na ɔƒaani ni, mɔɔsu-mii nnii binwini bɛnu abi ani na muubó. Béƒie-mi bakloƒu ku begblebi ƒui bátɔlɔku bésienku kaƒɔ.

Kɔnyana Buwulo 1:20

“Unwoti, elenwini alanu kalɛ na lɛla lɛmɛni liikpóku-mi? Kaƒɔ kébo-mi likpo na kayi kaakpulu-bu, ɔsika lɛ́lɛ-ɔ kama na ńtenu ƒula litemi. Bádu bekyuli na lɛblɔnu lɛlɔ ku kɔduli kemmo lɛnɔ ƒui.

Kɔnyana Buwulo 1:8

Ekpidi bonwu ani na Yerusalem ɔ́bla ɔsu bekyuli béti ɔma ɔmmɔ bénwini lɛmala. Na bekyuli bani na nka baabu ɔma ɔmmɔ beekisi-nwu ɔƒaamu, ɔsika údie lɛlɔ kasɔngya na únwini anumi ku kɔƒa ku keku ku edumo.

Kɔnyana Buwulo 2:1

Unwoti úti kɔnyi! Anwuɔsu na ɔ́kya Sion kɔƒa. Na nwuna kɔnyi kemmo ni, úbo Sion ɔni ndi Israel bukeye ɔ́va kalɔ. Na ɔ́sɔ úteti mmɔ ka ɔdi nwuna lɛgba kanyakɔ.

Kɔnyana Buwulo 4:13

Yerusalem Katɔti kenye bediene ku bakpane bábla ekpidi bonwu bonwu geen ɔni náya na bekyuli bani nátabla lɛla lɛdi muedi békpi, anwuɔsu na Unwoti ɔ́ni ɔma ɔmmɔ kɔtu lɛni.

Esekiel 21:26

Ami Unwoti Katɔti muudie lɛdi taakya-a ka edie ƒula ɔyikun lɛduni lɛni nda-a lɛlɔ ku ƒula kagabwa ƒui ese, ɔsika lɛla biala lɛdubo bɔvumana ɔ́si ɔƒɛni. Na bani ƒui na beeebo ɔyikun kenyekɔ kadi kuuku ni, ama ndubo kunyekɔ kɔmmɔ bunye ɔƒaamu. Na bani na nka baadi lɛlɔ mmɔ ni, badubo bekyuli keeke bani lɛlɔ neeebo kɔsia bunwini.

Mika 6:13

Anwuɔsu na líse kalɔ mɔɔkyula-mii na bɛyii udu na bina ekpidi ɔsu.

Budie Taatina 2:10

Bitayia lɛbibo biala lɛni mebo-mii lɛlɔ. Bise atu na binu! Ukisine ɔmmɔ ɔdubo bina akɔ badi bukpoku bɔnu na ɔya na bakya-mii ɔtɔ na bekpoku-mii emeyi leevu. Ɔlɛka bɛbla ala ulu lɛlɔ bite-mi si ina úbo úte ka bikpi muedi. Na ami ndubuti ngba bɔni nsɔ naaadubo bɔsa kudii lɛƒɔ-mii kayu.

Budie Taatina 3:11

“Ndubo uwi klukui kemmo. Anwuɔsu bɛda lɛla lɛni nse-mii kaduɛ kalɛ na ukyuli ɔdi uláƒɔ bina lɛyuƒɔla ulásiku-mii enu kemmo.

Samuel 1 7:6

Amu uwi ɔni na Israelƒuɔ bammɔ básala lɛlɔ na Mispa ni, Samuel únye aani Israelƒuɔ ɔtɔnkune kalɛ na Mispa, na bédu ntu na libiɔ kemmo na beebó-mu teewi kalɔ teete Unwoti aani lɛlɔ buti teete-nwu akpala. Na bélie kɔka limeyi lɛmmɔ lɛlɔ, na bédie bana alaekpidi kalɔ básu Unwoti banini, “O Unwoti, bɔ́bla likpidi bɔ́ƒiɔ-ɔ.”