Kɔnyana Buwulo 5:14 - Katɔti Ɔku Kedee

¹⁴ Na básɔ bétete kuƒi na bula litemi batɛne basu litemi lɛdi litemi katɛkɔ. Na bakloƒu basɔ beeebo kuƒi na bataagya agyala adi teedie lɛnu.

Kɔnyana Buwulo 5:14 ပူးပေါင်းရင်းမြစ်များ

Hiob 30:1

“Ɔmwi ni, bakloƒu bákɛ-mi benye beedumi ɔni na nka bana bati muedi ni, bátamanku mina bakpewe bani mɔɔnu-mi baƒonu lɛlɔ na babla kabla basala.

Hiob 30:31

Na lɛbentaa ku atoloyii ani lɛnu mini mini na ńteenu ni, ɔƒɛni amu línwini kɔnyana ku keku buwulo sɔɔn.

Yeremia 16:9

Bo Yudaƒuɔ ɔda kpakplaa se anii ami, Unwoti Ɔyikune Ƒui, ndubo bɔya na bana ebiti emeyi bɔdi ku uleku buti lɛlɔyɔ ƒui kenye kekulo.

Yeremia 25:10

Ndubɔya na bina emeyi bɔdi ku beleku bɔwɛɛ ƒui kenye kekulo. Na ɔdi ɔsɔ ɔɔɔdubo ɔlaaƒɔ bɔkɔ na mɛni iye ɔkya mɛni na ɔtu lɛsogya lɛdi usien.

Yeremia 7:34

Na si uwi ɔni na lɛ́wɔlɔku bina kalɔ lɛni lɛ́wɔlɔ ni, mmɔ kadubo bɔba mana mana aani kekpine na kesii kani na líbile lɛla biala na Yerusalem mmɔ ku Yuda lɛma lɛmmɔ ƒui kemmo. Na lɛlɔyɔ kɔku kɔdi kɔsɔ kulakya mmɔ iye limeyi bɔdi ku beleku buti ablala adi lɛnɔ asɔ alakya mmɔ.’ ”

Kɔnyana Buwulo 1:19

“Lɛ́lɔ mina bebunkune bakpana nsu bákya-mi kakya. Mina bakpane ku kadi batɔnkune békpi uwi ɔni na bakya baawia adila ani na badi.

Kɔnyana Buwulo 1:4

Lilu lɛni ntɛ lísela Sion ƒui lɛtɛ kɔka ku kɔnyana ɔsika ukyuli ɔdi ɔsɔ ulásia-ni lɛlɔ na besie batádi bana emeyi buni adi. Nwuna ɔma unegudi lɛban kɔyakun ƒui kuse ukpludi. Na bakpane bammɔ beewulo teedumo. Banana bamba beebo teebeƒie-nwu badagyaa taatɔlɔku. Na kɔnyana ku ɔdu kati kati náƒɔ ɔma ɔmmɔ.

Kɔnyana Buwulo 2:10

Sion batɔnkune ƒui bába lɛsɛ kpoo, na beli kalɔ kplu beebó ɔtumu teewi lɛlɔ, na benyimi adikpi. Na nwuna begblebi basɔ beeebo lɛla lɛdi, na babla utulo ka benye bataanu kalɔ kpoo.

Esekiel 26:13

Na bɛsɔ bɛɛɛdubo lɛla lɛdi bɔnu na ɔdia na biteedie lɛnu na bitaagya lɛbentaa ku agyala adi lɛnɔ.

Hosea 2:13

Na ndubo-nwu kɔtu bɔni na uwi ɔni na úti ɔ́kpa Baal baƒiɔ na ɔ́kyula oloƒui úte-nwu kenye. Na ndubo-nwu kɔtu bɔni na uwi ɔni kemmo na údie-mi atu na ɔ́yiƒala-mi na úye kɔkwɛnimi ku asɛɛ lidu ɔ́kya atu ku limɔ ka ɔɔwia ka nwuna basɔnɔ bataayɔ-nwu ɔsu. Ami Unwoti nébimi kenye lɛ́su, na ndubo bɔbla bɔsiaku lɛni!

Lɛkpa Ulu 16:18

Bidie litemi batɛne ku bakutine na ɔma biala kemmo. Na bekyuli bamɛni banu ka baatɛ bekyuli etemila na ulu lɛlɔ.

Budie Taatina 18:22

Na ɔbentaa ku lɛnu bediene ku atoloyii ku kɔkpɛɛ bavwine ni, basɔ belénu-ma kɔku kudii na ƒula kemmo. Enu kabla ɔblane biala ɔ́sɔ ulabla nwuna kabla na ƒula kemmo. Na basɔ belénu kukɔ kɔdi kɔku na ƒula kemmo.