Kɔnyana Buwulo 5:13 - Katɔti Ɔku Kedee

¹³ Na bénye bakloƒu lɛlɔ na baabla-ma kabla. Na bananabi bammɔ beeti egyuku bonwu bonwu.

Kɔnyana Buwulo 5:13 ပူးပေါင်းရင်းမြစ်များ

Hiob 31:10

na ukyuli bamba uƒie mina uleku lɛnɔ ɔƒɔ-mi kudɔ.

Israelƒuɔ Bɔlɛ 1:11

Amu na Egyipteƒuɔ báwia lɛlɔ badine béte-ma aani bekyuli beƒiedi lɛlɔ banune kalɛ. Bekyuli bamɛni bénye-ma lɛlɔ na baabla kabla kpakplaa, na bátu Pitom ku Rameses lɛma linengudi kesii kani na beesé ala teete bana Ɔga Ƒarao.

Israelƒuɔ Bɔlɛ 11:5

Na ndubɔya na ukyuli biala ubi udeedi ɔni na ɔ́wɔ ukpi, ɔ́si Ƒarao ubidi udeedi ɔni nlie-nwu lɛgaboku lɛlɔ, úti útédu ulekubi kabla ɔblane ɔni nƒa lɛtabi kukɔ lɛlɔ, ku bebi bedeedi bani na bina bebuo báwɔ lɛnɔ ƒui lɛlɔ.

Israelƒuɔ Bɔlɛ 2:11

Uwi ɔni na Mose ɔ́ɔlɛ lili ƒui kama ni, limeyi lɛdi úsie kesii kani na nwuna bekyuli bakya, na ɔ́nu kabla kpakplaa kani na baabla. Mmɔ ni, ɔ́nu ka Egyipteni ɔdi ɔkya uubó Hebrini ɔdi ɔni ndi anwu Mose lɛlɔ ukyuli.

Israelƒuɔ Bɔlɛ 23:5

Na si etila na ánu ka étulo-nwu na úbuli ni, na ebunku-nwu na ɔta.

Yesaia 47:2

Teesie na atálɛ akɔnkɔ na kukɔ lɛlɔ na ataakɔ ɔlaaƒɔ. Na ada ƒula lɛdiku lɛni na eetile anumi ebimi. Na ani ƒula awu gyɔlɔɔ ɔmmɔ akɔliku katɔ na edie ƒula lɛgba ku ebuli ewi na akya ntu lɛgba avia ketu kammɔ.

Yesaia 58:6

“Kudii, mmomu lɛla lɛni mɔɔyɔ́ Unwoti kaƒɔ ndi kalɛ na bɛya na bekyuli bani na baanya taakya bakɛ bɔnwuna na belie bete lɛlɔ. Na kalɛ na bekyuli baládi litemi lɛlɔ siin teete bekyuli na únwini aani kɔgba na kɔda bekyuli ɔkwɛ ni, bidie-ku bana ɔkwɛ na bikulo kɔbuli kɔmmɔ ƒui bana lɛlɔ.

Yeremia 7:18

Bebi baayɔ́ ekyweni na bana bati baasala ogya na bana beni baanwu ɔlaaƒɔ ɔni na beeti teeƒi bodobodo ɔni na beeti taatákpa bana baƒiɔ beledi bani na baalɔ bani Katɔ Uleku Ɔga. Na beeti ntɛ taatákpa baƒiɔ bamba lɛnɔ kalɛ kani na beti bedumi-mi.

Mateo 23:4

Kalɛ na beedie ɔda bubo bɔmmɔ kalɔ ni, ubo bekyuli ɔkplu geen ka badi-mu lɛlɔ aani kalɛ na baatɛ etila ku unu taasia bekyuli lili. Na balayɔ ka bakyaku-ma kɔnu na akɔsi-ma bude.

Litemi Batɛne 16:21

Mmɔ na Ƒilistiƒuɔ bébo báda-nwu na bákpa-nwu anumi, na béti abuala egyiedi bábla kabuli na bényimi-nwu, na béti-nwu bésienku Gasa. Na bátákya-nwu ɔtɔ na mmɔ. Na báya na anwu mɔɔkɔ́ kukɔ na ɔtɔ katɛnkɔ mmɔ.