Kɔnyana Buwulo 5:1 - Katɔti Ɔku Kedee

¹ O bula Unwoti, tayiƒala bula lɛbibo ku kalɛ na béwi-bu anumi kalɔ.

Kɔnyana Buwulo 5:1 ပူးပေါင်းရင်းမြစ်များ

Nehemia 1:3

Amu na bédie kenye ka bani nébu na bátakana-ma buƒie mmɔ bakya lɛbibo ku kɔƒa bonwu kɔdi kemmo geen. Ɔsika Yerusalem awodu ani na áka ámana ɔma ɔmmɔ ƒui áƒɛ éwi kalɔ. Na bákyula ana kɔyakun lɛnɔ.

Nehemia 1:8

“Na enyimo ɔda ɔni na ébo ƒula kabla ɔblane Mose ásu anii, ‘Si bítabla ala bítasiaku ulu lɛlɔ ni, ndubo-mii bɔbɔku butákya kadi bamba bekyuli akɔ.

Nehemia 4:4

Mmɔ na Nehemia ɔ́kpali katɔ na ɔ́su ɔnini, “O bula Katɔti, nu-bu bɔkpali. Ɔsika bɔkya bukpoku kemmo. Ya na edumi ani na beedumi-bu mɛni enwini ese-ma lɛlɔ. Na eti-ma ete bana bekisine. Na babla-ma kalala na kalɔ bamba lɛlɔ.

Hiob 10:9

Kali nu ka awɔ návɔ-mi aani kalɛ na beeti lɛvɔti taavɔ lɛla lɛdi. Na butu na adubɔsɔ etu-mi abwɛ na linwini lɛti?

Hiob 7:7

O Unwoti, tayiƒala ka mina ngba buse aanii kalɛ na banwuna ɔƒɛƒɛɛ ukplodi. Na mina anumi asɔ aaadubo ebiti adi bɔnu kudii.

Kɔgya 119:153

Nu kalɛ na muubó abi na edie-mi. Ɔsika naaayiƒala ƒula ɔda bubo.

Kɔgya 74:18

O Unwoti, kali nu kalɛ na bekisine badɔlɔdi bamɛni baama-a na baalɔ-ɔ lɛnyikpi.

Kɔgya 79:12

Unwoti, die kadi bekyuli bamɛni kasi akpa maatɛ na kalɛ na beedumi-ɔ kenye.

Kɔgya 79:4

Ɔmmɔ ɔsu kadi bamba bekyuli bani na bula amadɔ ƒui balánu-bu taakya lɛla lɛdi kemmo na beedumi-bu na baamá-bu.

Yesaia 62:6

Yerusalem ƒula ɔma awodu lɛlɔ na ndubunyene bagyumanane bani ndubo-mi buteenyimene usien ku ɔƒɛ na belebile kenye

Yeremia 15:15

Unwoti, eenú kalɛ na bekyuli benye beedumi-mi taasia kama na awɔ ɔsu. Anwuɔsu takɛ kayi ku mina bekisine lɛni. Die bana ƒui kasi asa na bakɛ-mi badu.

Yeremia 51:51

“Kɔƒa kuukpó-mii na bɛɛnu bɛnii bina anumi éwi kalɔ ka baƒɔ béduo mina kakpakɔ kedee ɔsu.

Kɔnyana Buwulo 1:11

“Budumo sɔɔn na mina bekyuli beedumo taawia bana limeyi lɛdila. Na beeti bana ala ani náƒɔ-ma kuye teeye, na basɔku beye lɛla blii lɛni kani na badi belie ngba.” Yerusalem ɔ́kpali Unwoti ɔnini, “Buvele, nwini nu-mi na anu kalɛ na lɛ́yii udu.”

Kɔnyana Buwulo 1:20

“Unwoti, elenwini alanu kalɛ na lɛla lɛmɛni liikpóku-mi? Kaƒɔ kébo-mi likpo na kayi kaakpulu-bu, ɔsika lɛ́lɛ-ɔ kama na ńtenu ƒula litemi. Bádu bekyuli na lɛblɔnu lɛlɔ ku kɔduli kemmo lɛnɔ ƒui.

Kɔnyana Buwulo 1:9

Nwuna ekpidi énwini ala éduo-nwu adala na uleti kasusu lɛla lɛni ndubo-nwu bɔlɛku na uwi ɔni ntɔ-nwu anumi adubo lɛlɔ. Anwuɔsu Yerusalem kalɔ bubo bɔdi kɔnyana litemi bonwu, na ukyuli ɔdi uuubo na ɔsia-nwu kɔnu uwi ɔni na ɔ́su ɔnini, “Unwoti, nu kalɛ na mina bekisine bádi-mi lɛlɔ na muubó abi na anu-mi kɔnyana.”

Kɔnyana Buwulo 2:15

Belusiene bani mɔɔsia mmɔ taavi baakunku eli na bapii, na beedumi-ɔ taama-a banini, “Ɔma ɔbuni ɔni na bátaalɔ banii bɔdia ku bɔdia na adi kadi ƒui lɛlɔyɔ na ɔdi mɛni ɔƒɛni?”

Kɔnyana Buwulo 2:20

Unwoti! Awɔ ɔlati, bu ɔmɛni nu anii áabla bekyuli badi ulikplu ɔmɛni udu dii! Na ɔdia ka bebi beni beƒie ama alati bebi bataakun? Munuu bɔdia na ɔdia ka badu ƒula bakpane ku kenye bediene na ƒula kakpakɔ ɔtɔ kemmo?

Kɔnyana Buwulo 3:19

Na si nnye mɔɔbla kasusu taasiku mina lɛbibo ku kalɛ na ami lɛti nkɛ mɔɔka taamana ni, ɔɔyá na mina lɛlɔ lɛɛbla-mi kɔnyana geen.

Kɔnyana Buwulo 3:50

uwi ɔni na Unwoti únwini ɔ́nu-bu ɔ́siku katɔ mmɔ na úbunku-bu.

Kɔnyana Buwulo 3:61

Sɔsɔ na ɔdi ka agyi kalɛ na beedumi-mi ku kɔkwɛ kukpidi kɔni na baakya-mi lɛlɔ.

Habakuk 3:2

Unwoti, ngyi kalɛ na áƒɔ lɛnyi, anwuɔsu na ɔ́bla-mi kalɛ kadi ka lɛ́nu ala ani na ábla. Buvele, ya na ƒula kɔnyi kɔyɔ-ɔ, na anu-bu kɔnyana. Na abla ete-bu kalɛ na ábla éte bula bati kuuku.

Luka 23:42

Amu na ɔ́su Yesu ɔnini, “Yesu, nyimo-mi si éduo ƒula lɛga kadikɔ.”